მცხეთის მუნიციპალიტეტის მერი, გოგი აბუაშვილი პატარა ქანდის საჯარო სკოლის მე-100 წლისთავისადმი მიძღვნილ შემოქმედებით საღამოს დაესწრო.
საიუბილეო თარიღთან დაკავშირებით, პატარა ქანდის საჯარო სკოლის მოსწავლეების მონაწილეობით, შესრულდა ქორეოგრაფიული და მუსიკალური ნომრები, მოეწყო გამოფენა და ჩატარდა სხვა კულტურული აქტივობები.
ღონისძიებას, ასევე, ესწრებოდნენ მცხეთა-მთიანეთის სახელმწიფო რწმუნებულის მოადგილე გოჩა ქავთარაძე, მცხეთის მუნიციპალიტეტის მერის მოადგილე - გიორგი მძევაშვილი, მცხეთის საკრებულოს დეპუტატი გელა ბაქრაძე და მცხეთის მუნიციპალიტეტის საგანმანათლებლო რესურსცენტრის ხელმძღვანელი, ფარნაოზ იორდანიშვილი.
