მცხეთის მუნიციპალიტეტის მერიაში დევნილთა უფლებრივი მდგომარეობის შესახებ საინფორმაციო შეხვედრა გაიმართა. შეხვედრაზე მცხეთის მუნიციპალიტეტის მერის მოადგილემ, გიორგი მძევაშვილმა, საქართველოს სახალხო დამცველის აპარატისა და მერიის შესაბამისი სამსახურების წარმომადგენელებმა დევნილ მოსახლეობასა და ადგილობრივ თვითმმართველობას შორის კოორდინაციის საკითხი განიხილეს.

მცხეთის მუნიციპალიტეტის მერი, გოგი აბუაშვილი, საკრებულოს თავმჯდომარესთან, გიორგი ელოშვილთან ერთად, სამუშაო ვიზიტით სერბეთის რესპუბლიკის ქალაქ ვრანიეში იმყოფებოდა. მუნიციპალიტეტის ხელმძღვანელმა პირებმა მონაწილეობა მიიღეს ეროვნულ-ურბანულ ფორუმში - „მწვანე, სიცოცხლისუნარიანი და მდგრადი ქალაქების პროგრამა”. ფორუმის მთავარი თემა იყო „საცხოვრებელი და ურბანული განვითარება სხვადასხვა ტერიტორიულ დონეზე“. ვიზიტის ფარგლებში, გოგი აბუაშვილი მოხსენებით წარდგა მცხეთის, როგორც უძველესი ქალაქის მნიშვნელობის, მისი ურბანული განვითარების გრძელვადიანი სტრატეგიის, ისტორიული განაშენიანების შენარჩუნებისა და თანამედროვე ინფრასტრუქტურულ საჭიროებებს შორის ბალანსის პოვნის შესახებ. ეროვნულ-ურბანული ფორუმი ურბანული განვითარებისა და საცხოვრებელი პოლიტიკის მიმართულებით მნიშვნელოვან შესაძლებლობას წარმოადგენდა გამოცდილების გაცვლისა და ცოდნის გაღრმავებისთვის. ფორუმი ორგანიზებული იყო სერბეთის რესპუბლიკის სივრცითი დაგეგმარებისა და ურბანული განვითარების სააგენტოს, სერბეთის რესპუბლიკის მშენებლობის, ტრანსპორტისა და ინფრასტრუქტურის სამინისტროს, ქალაქ ვრანიესა და ქალაქებისა და მუნიციპალიტეტების მუდმივი კონფერენციის — სერბეთის ქალაქებისა და მუნიციპალიტეტების ლიგის მიერ, მსოფლიო ბანკთან პარტნიორობით.

ქალაქ მცხეთაში, ნარეკვავი-მცხეთა-რკინიგზის სადგურის მიმართულებით, დაახლოებით 7-კილომეტრიანი საავტომობილო გზის რეაბილიტაცია დაიწყო.პროექტის სამშენებლო-სამობილიზაციო სამუშაოებს ინფრასტრუქტურის მინისტრი რევაზ სოხაძე, მცხეთა-მთიანეთის მხარის დელეგატი, დიმიტრი ხუნდაძე, მცხეთა-მთიანეთის სახელმწიფო რწმუნებული, ალექსანდრე ზაგაშვილი, მცხეთის მუნიციპალიტეტის მერის პირველი მოადგილე, გივი გიუტაშვილი, მერის მოადგილეები - გიორგი მძევაშვილი, გოგა თალაშვილი,  საავტომობილო გზების დეპარტამენტისა და ადგილობრივი ხელისუფლების სხვა წარმომადგენლები ადგილზე გაეცნენ.არსებული გზის საფარი მნიშვნელოვნად არის დაზიანებული, რაც გადაადგილებას ართულებს და ქმნის უსაფრთხოების რისკებს როგორც ადგილობრივი მოსახლეობისთვის, ისე სატრანსპორტო ნაკადისთვის.სამუშაოების მიმდინარეობის გამო, მცხეთაში დასავლეთიდან - ნარეკვავის მხრიდან შემოსასვლელი გზა აღნიშნულ მონაკვეთზე დროებით, დაახლოებით 15 დღის განმავლობაში დაიკეტება.

მცხეთის მუნიციპალიტეტის მერის, გოგი აბუაშვილის ინიციატივით, მუნიციპალიტეტში მცხოვრებ უკიდურესად შეჭირვებულ ოჯახებს, მცხეთის უფასო სასადილოთი მოსარგებლეებს, უსინათლოებს და მუხრანის მოხუცთა თავშესაფრის ბენეფიციარებს, აღდგომის ბრწყინვალე დღესასწაულთან დაკავშირებით, მერიისგან სასურსათო პაკეტები გადაეცათ.

9 აპრილის ტრაგედიიდან 37-ე წლისთავთან დაკავშირებით, მცხეთის მუნიციპალიტეტის მერმა გოგი აბუაშვილმა, მცხეთა-მთიანეთის მხარის დელეგატმა დიმიტრი ხუნდაძემ, მცხეთა-მთიანეთის სახელმწიფო რწმუნებულმა ალექსანდრე ზაგაშვილმა და საკრებულოს თავმჯდომარემ, გიორგი ელოშვილმა წეროვნის დევნილთა დასახლებასა და სოფელ ძალისში დაღუპულთა მემორიალები გვირგვინებით შეამკეს და მათ ხსოვნას პატივი მიაგეს.

სასკოლო სპორტული ოლიმპიადის ფარგლებში, მცხეთაში რეგიონული გათამაშება ჩატარდა მინი ფეხბურთში, გოგონათა და ვაჟთა კატეგორიაში. შეჯიბრში რეგიონის საჯარო სკოლების გუნდები მონაწილეობდნენ.

აღდგომის ბრწყინვალე დღესასწაულთან დაკავშირებით, ქალაქ მცხეთაში არსებული სასაფლაოსა და მიმდებარე ტერიტორიების მოწესრიგება მიმდინარეობს.

მცხეთის მუნიციპალიტეტის მერიის სპორტისა და ახალგაზრდულ საქმეთა განყოფილებისა და ა(ა)იპ სხვადასხვა სახეობის მცხეთის სასპორტო სკოლის ორგანიზებით, გალავნის საკალათბურთო დარბაზში მცხეთა-მთიანეთის რეგიონული ტურნირი გაიმართა „მხიარულ სტარტებში”.

მცხეთის მუნიციპალიტეტში არსებულ ქალთა და ბავშვთა საკითხებზე მომუშავე მუნიციპალური საბჭოსა და საქართველოს სახალხო დამცველის აპარატის გენდერის დეპარტამენტის წარმომადგენლებს შორის საინფორმაციო შეხვედრა გაიმართა.

მცხეთის მუნიციპალიტეტის მერიის სპორტისა და ახალგაზრდულ საქმეთა განყოფილებისა და ა(ა)იპ სხვადასხვა სახეობის მცხეთის სასპორტო სკოლის ორგანიზებით, გალავნის საკალათბურთო დარბაზში მცხეთა-მთიანეთის რეგიონული ტურნირი გაიმართა „მხიარულ სტარტებში”. შეჯიბრში მონაწილეობა მიიღეს მცხეთის, თიანეთის და ახალგორის საჯარო სკოლის გუნდებმა. I ადგილი თიანეთის მუნიციპალიტეტის სოფელ ჟებოტის საჯარო სკოლის გუნდმა მოიპოვა და ზონალურ ეტაპზე გადავიდა. II ადგილი - ახალგორის მუნიციპალიტეტის წეროვნის #3 საჯარო სკოლამ, ხოლო III ადგილი წილკნის საჯარო სკოლამ დაიკავა. შეჯიბრის მონაწილეებს გადაეცათ თასი და დიპლომები. რეგიონულ ღონისძიებას მცხეთის მუნიციპალიტეტის მერის მოადგილე, გოგა თალაშვილი, მერიის განათლების კულტურისა და სპორტის სამსახურის ხელმძღვანელი თამაზ გრძელიშვილი, სპორტისა და ახალგაზრდულ საქმეთა განყოფილების უფროსი, თინათინ ხუნდაძე, მერიისა და სხვადასხვა სახეობის სასპორტო სკოლის წარმომადგენლები ესწრებოდნენ.