ინტენსიური თოვისა და რთული მეტეოროლოგიური პირობების გამო, მცხეთის მუნიციპალიტეტის მასშტაბით თოვლის საფარისგან იწმინდება ცენტრალური და შიდა გზები, იყრება ქვიშა-მარილის ნარევი.
დღე-ღამის განმავლობაში შესაბამისი ღონისძიებები გატარდა ლისის, ნიჩბისის, გალავნის, ჯიღაურას, წეროვნის, საგურამოსა და აღდგომლიანთკარის ადმინისტრაციულ ერთეულებში შემავალ სოფლებში.
პროცესში ჩართულნი არიან მერიისა და შესაბამისი სამსახურების წარმომადგენლები.
მცხეთის მუნიციპალიტეტის მერია მოგიწოდებთ, გადაადგილდეთ ზამთრის შესაბამისი საბურავებით და გამოიჩინოთ მაქსიმალური სიფრთხილე მოძრაობისას!
