მცხეთის მუნიციპალიტეტის მერი გოგი აბუაშვილი, ქველმოქმედების საერთაშორისო დღესთან დაკავშირებით, ქალაქ მცხეთაში მხარდაჭერის საქველმოქმედო აქციას დაესწრო.

აქტივობა სურსათის ბანკმა ,,ენკენიამ“ მცხეთის მუნიციპალიტეტში მცხოვრები ბენეფიციარებისთვის გამართა.

საჭიროების მქონე ოჯახებისთვის სურსათის ამანათები სვეტიცხოვლის მიმდებარე ტერიტორიაზე დროებით მობილურ კარავში განთავსდა და ბენეფიციარებს გადაეცათ.

ღონისძიება მიზნად ისახავდა სოციალურად დაუცველი ოჯახების მხარდაჭერასა და დონაციის მექანიზმის გაფართოებას.

ღონისძიებაში ასევე მონაწილეობდნენ საქართველოს გარემოს დაცვისა და სოფლის მეურნეობის მინისტრის მოადგილე ლაშა ავალიანი, საქართველოს პარლამენტის აგრალურ საკითხთა კომიტეტის აპარატის უფროსი ივერი ახალბედაშვილი, გაეროს მუდმივი კოორდინატორი დიდიე ტღებიუკი, გაეროს სურსათისა და სოფლის მეურნეობის ორგანიზაციის (FAO) წარმომადგენლები,  გაეროს მუდმივი წარმომადგენელი საქართველოში ნანო პაკიზაშვილი და კომპანია ,,კარფურის“ წარმომადგენლები. 

ფოტოები ვრცლად