მუნიციპალურ ეტაპზე შეჯიბრება გოგონებსა და ვაჟებს შორის 7 სპორტულ სახეობაში იმართება. სასკოლო სპორტულ ოლიმპიადაში აქტიურად მონაწილეობენ მცხეთის მუნიციპალიტეტის საჯარო სკოლების მოსწავლეები. მუნიციპალურ ეტაპზე გამარჯვებული გუნდები რეგიონულ თამაშებში იასპარეზებენ.
შეჯიბრება უკვე დასრულდა მძლეოსნობაში, მაგიდის ჩოგბურთსა და კალათბურთში. გამარჯვებულები ორგანიზატორებისგან შესაბამისი ხარისხის დიპლომებით დაჯილდოვდნენ.
სასკოლო სპორტული ოლიმპიადა საქართველოს ყველა რეგიონში ყოველწლიურად იმართება და მოიცავს მუნიციპალურ, რეგიონულ, აღმოსავლეთ და დასავლეთ საქართველოს თამაშებსა და დასკვნითი თამაშების ეტაპებს.
სასკოლო სპორტული ოლიმპიადის ორწლიანი ციკლის გამარჯვებული სკოლები სასკოლო მსოფლიო ჩემპიონატების საგზურებს მოიპოვებენ.
