სოფელ წეროვანში სასწრაფო დახმარების რაიონული სამსახურის ახალი შენობა გაიხსნა. ახალგორი-ქურთას 3 ბრიგადიანი ფილიალის 40 თანამშრომელი მუშაობას ახალ სამუშაო პირობებში გააგრძელებს. წეროვანის რაიონული სამსახურის ახალი შენობა საერთაშორისო სტანდარტების შესაბამისი, სასწრაფო სამედიცინო დახმარების სპეციფიკის გათვალისწინებითაა დაპროექტებული, რომელიც განახლებული ტექნიკითა და ინვენტარითაა აღჭურვილი. ადგილზე პერსონალისთვის სამუშაო და მოსასვენებელი ყველა პირობაა შექმნილი. აღსანიშნავია ისიც, რომ სასწრაფო დახმარების ბრიგადის მისვლის პერიოდი გამოძახებიდან, დანიშნულების ადგილამდე კიდევ უფრო შემცირდება. დევნილთა, შრომის, ჯანმრთელობისა და სოციალური დაცვის მინისტრმა მიხეილ სარჯველაძე, სასწრაფო დახმარების ახალ შენობაში ცენტრის დირექტორის მოვალეობის შემსრულებელთან დავით ტორუასთან, ჯანმრთელობის დაცვისა და სოციალურ საკითხთა კომიტეტის წევრთან დიმიტრი ხუნდაძესთან, მცხეთის მუნიციპალიტეტის მერთან დიმიტრი ზურაბიშვილთან და მცხეთა-მთიანეთის სახელმწიფო რწმუნებულთან დავით ნოზაძესთან ერთად იმყოფებოდა. პროექტი ქვეყანაში გადაუდებელი სამედიცინო დახმარების სერვისის გაუმჯობესებასა და ღირსეული სამუშაო პირობების შექმნას ისახავს მიზნად.

გილოცავთ ფერისცვალების დღესასწაულს. დაე, სიკეთისკენ, სიხარულისკენ და სიყვარულისკენ გეცვალოთ ფერი! მართლმადიდებელი ეკლესია დღეს მაცხოვრის ფერისცვალებას აღნიშნავს. დღესასწაულთან დაკავშირებით, მცხეთაში, ფერისცვალების სახელობის სამთავროს დედათა მონასტერში, სადღესასწაულო-საღმრთო ლიტურგია დასრულდა.

სხვადასხვა სახის ინფრასტრუქტურის კეთილმოწყობის მიზნით, მცხეთის მუნიციპალიტეტში სამუშაოები ინტენსიურად მიმდინარეობს. მოსახლეობისთვის უსაფრთხო და კომფორტული გარემოს შექმნის მიზნით, შესაბამისი ღონისძიებები, არსებული რესურსიდან და პრიორიტეტულობიდან გამომდინარე, ყველა ლოკაციაზე ეტაპობრივად ხორციელდება.

ქართველი ოქროს მედალოსანი ლაშა ტალახაძე, გენო პეტრიაშვილი და ვერცხლის მედალოსანი გივი მაჭარაშვილი სამშობლოში დაბრუნდნენ. სპორტსმენებს აეროპორტში მცხეთის მუნიციპალიტეტის მერი დიმიტრი ზურაბიშვილი, მოადგილე გიორგი ბაჯაძე, მუნიციპალიტეტის თანამშრომლები, გულშემატკივრები და ოჯახის წევრები დახვდნენ.

მცხეთის მუნიციპალიტეტის სოფელ წილკანში შიდა საუბნო გზის რეაბილიტაცია მიმდინარეობს. იგება ნახევარ კილომეტრამდე ასფალტის ფენა, ასევე ეწყობა მოსახლეობის ეზოებში შესასვლელი მონაკვეთები. პროექტი ადგილობრივი ბიუჯეტის დაფინანსებით ხორციელდება და სამუაშაოებს შპს „კადაკა“ აწარმოებს. სარეაბილიტაციო სამუშაოები უახლოეს პერიოდში დასრულდება, რომლის სახლეშეკრულებო ღირებულება 150 000 ლარს შეადგენს.

2008 წლის აგვისტოს ომის მე-16 წლისთავთან დაკავშირებით, საქართველოს პარლამენტის უმრავლესობის წევრმა დიმიტრი ხუნდაძემ, მცხეთა-მთიანეთის სახელმწიფო რწმუნებულმა დავით ნოზაძემ, რწმუნებულის მოადგილეებმა, მცხეთის მუნიციპალიტეტის მერმა დიმიტრი ზურაბიშვილმა, მოადგილეებმა - თამაზ ფოლოდაშვილმა და გიორგი ბაჯაძემ, საკრებულოს თავმჯდომარის მოადგილე გიორგი კვახაძემ და ადგილობრივი ხელისუფლების სხვა წარმომადგენლებმა ომში დაღუპულთა ხსოვნას პატივი მიაგეს და გმირთა მემორიალები და საფლავები გვირგვინით შეამკეს.

მცხეთის მუნიციპალიტეტის მერიის ორგანიზებითა და ფინანსური დახმარებით, მცხეთის დღის ცენტრი „მომავლის რწმენა“-ს ბენეფიციარები, მეურვეებთან ერთად, 10 დღით ურეკში იმყოფებიან. მცხეთის მუნიციპალიტეტის მერიამ მათი საკურორტო მომსახურებისთვის 30 000 ლარი გამოყო.

მცხეთის მუნიციპალიტეტში, საქართველოს სამოყვარულო საფეხბურთო ჩემპიონატი დაიწყო. მასში ოთხმა გუნდმა მიიღო მონაწილეობა: ,,ციხისძირი“, ,,ძველი ქანდა“, „მუხრანი 1“ და „მუხრანი 2“. შეხვედრები მუხრანში გაიმართა. გამარჯვება მუხრანის გუნდმა - „მუხრანი 1“ -მა მოიპოვა. გამაჯვებული გუნდი მონაწილეობას, მიმდინარე თვის ბოლოს, რეგიონალურ ეტაპზე მიიღებს.

მცხეთის მუნიციპალიტეტის მერიაში, მერიის დაქვემდებარებაში შემავალ ა(ა)იპ- ების ხელმძღვანელ პირებთან თათბირი გაიმართა, რომელსაც მუნიციპალიტეტის მერი დიმიტრი ზურაბიშვილი, მოადგილეებთან თამაზ ფოლოდაშვილთან და გიორგი ბაჯაძესთან ერთად უძღვებოდა.

4 აგვისტოს, მცხეთის პირველი საჯარო სკოლის მოსწავლეები, რომლებიც ფეხბურთში სასკოლო სპორტულ ოლიმპიადაზე საქართველოს ჩემპიონები გახდნენ, კოჯორში ,,ჯარის ბანაკში” გაემგზავრნენ. „ჯარის ბანაკი“ საქართველოს განათლების მეცნიერებისა და ახალგაზრდობის სამინისტროსა და თავდაცვის სამინისტროს ერთობლივი პროექტია, რომელიც მოსწავლეებს თავგადასავლებით სავსე, სახალისო და მრავალფეროვან შემეცნებით პროგრამას სთავაზობს.

0 საქართველოს რეგიონული განვითარებისა და ინფრასტრუქტურის სამინისტრო 2024 წელი პროექტი საქართველოს მაღალმთიანი დასახლებების განვითარების 2024-2030 წლების სტრატეგია

სოფელ საგურამოში, ილიას ხსენების დღეს, მცხეთის მუნიციპალიტეტის მერიის მიერ ახლად რეაბილიტირებული სკვერისა და აღნიშნულ სკვერში, ილია ჭავჭავაძის  ბიუსტი გაიხსნის ღონისძიება გაიმართა.   პროექტი, მცხეთის მუნიციპალიტეტის მერიის,  ილია ჭავჭავაძის საგურამოს სახელმწიფო მუზეუმისა და სხვა ყველა შესაბამისი უწყების ჩართულობით შესრულდა.   სკულპტურა, რომლის ავტორი მოქანდაკე გიორგი კიკვაძეა, ბიზნესმენ ვაჟა უსანეთაშვილის  დაფინანსებითა და მხარდაჭერით განხორციელდა. მცხეთის მუნიციპალიტეტის მერია მადლობას უხდის  პროექტის წარმატებით განხორციელებისთვის ყველა მონაწილეს.  ბიუსტის გახსნის ღონისძიებას მცხეთა-მთიანეთის მხარის სახელმწიფო რწმუნებული დავით ნოზაძე, მცხეთის მუნიციპალიტეტის მერი დიმიტრი ზურაბიშვილი და თვითმმართველობის სხვა წარმომადგენლები ესწრებოდნენ.