მცხეთის მუნიციპალიტეტის ზაჰესისა და ლისის ადმინისტრაციულ ერთეულებში, დედოფლისწყაროს მუნიციპალიტეტის არხილოსკალოს ადმინისტრაციულ ერთეულში, ლენტეხის მუნიციპალიტეტის ცანას ადმინისტრაციულ ერთეულში, ქარელის მუნიციპალიტეტის აბისის, ბრეთისა და რუისის ადმინისტრაციულ ერთეულებში, თელავის მუნიციპალიტეტის ვანთას ადმინისტრაციულ ერთეულში, ახალციხის მუნიციპალიტეტის აგარას, საზღვარისა და ახალციხის სატყეოს ადმინისტრაციულ ერთეულებში, გარდაბნის მუნიციპალიტეტის კუმისის ადმინისტრაციულ ერთეულში, ასპინძის მუნიციპალიტეტის სახ. მარაგის, ასპინძის მუნიციპალიტეტის მიწებისა და დამალის საკრებულოს მიწების ადმინისტრაციულ ერთეულებში, წალკის მუნიციპალიტეტის გუნიაკალას საკრებულოს მიწების ადმინისტრაციულ ერთეულში, ახალქალაქის მუნიციპალიტეტის კოთელიას, ხავეთისა და კარწახის ადმინისტრაციულ ერთეულებში, შუახევის მუნიციპალიტეტის შუახევის რაიონის მიწები სამხრეთის ადმინისტრაციულ ერთეულში, ოზურგეთის მუნიციპალიტეტის ურეკის ადმინისტრაციულ ერთეულში, ლანჩხუთის მუნიციპალიტეტის ჩოჩხათის, ჩოჩხათის მიწების, მაჩხვარეთის მიწების, აცანის მიწების, აკეთის მიწებისა და ნინოშვილის მიწების ადმინისტრაციულ ერთეულებში, ხარაგაული მუნიციპალიტეტის ხევის, მოლითის, წიფასა და ნადაბურის ადმინისტრაციულ ერთეულებში, ბორჯომის მუნიციპალიტეტის ბაკურიანისა და ბორჯომის რაიონის მიწების ადმინისტრაციულ ერთეულებში, ადიგენის მუნიციპალიტეტის აბასთუმანის, გორგულის მიწებისა და ხევაშენის (ჭიხე) ადმინისტრაციულ ერთეულებში მდებარე მიწის ნაკვეთებზე საკადასტრო აგეგმვითი/ აზომვითი სამუშაოებისა და სარეგისტრაციო დოკუმენტაციის მომზადების საფუძველზე შედგენილი მესაკუთრეთა/საკუთრების უფლების რეგისტრაციის მოთხოვნის უფლების მქონე პირთა და მოსარგებლეთა მონაცემების მქონე საკადასტრო რუკის საჯარო გაცნობისათვის გამოქვეყნების შესახებ

მცხეთის მუნიციპალიტეტის მერმა გოგი აბუაშვილმა, ადგილობრივი ხელისუფლების წარმომადგენლებთან ერთად, მუნიციპალიტეტში მცხოვრებ მრავალშვილიან დედებსა და უხუცეს ქალბატონებს ქალთა დღეები მიულოცა და საჩუქრები გადასცა.

დიდი პატივისცემით ვულოცავ ყველა ქალბატონს ქალთა საერთაშორისო დღეს! საქართველოს ისტორიასა და საზოგადოებრივ ცხოვრებაში ქალს ყოველთვის მნიშვნელოვანი და გამორჩეული როლი ეკავა ქვეყნის განვითარებისა და წინსვლის საქმეში. ქალების ღვაწლი, შრომა და თავდადება განსაკუთრებულ დაფასებასა და პატივისცემას იმსახურებს.

მცხეთის მუნიციპალიტეტის მერმა, გოგი აბუაშვილმა საქართველოს ჩემპიონატის ფარგლებში, თავისუფალი სტილით ჭიდაობაში გამარჯვებული სპორტსმენები დააჯილდოვა. მცხეთის მერთან ერთად, გამარჯვებულთა დაჯილდოების ღონისძიებაში ასევე მონაწილეობდნენ მცხეთა-მთიანეთის სახელმწიფო რწმუნებულის მოადგილე გოჩა ქავთარაძე, მცხეთის მუნიციპალიტეტის მერის მოადგილეები - გიორგი მძევაშვილი და გოგა თალაშვილი.

მცხეთის მუნიციპალიტეტის მერის მოადგილის, გიორგი მძევაშვილის, ხელმძღვანელობით სამედიცინო და სოციალურ საკითხთა კომისიის სხდომა გაიმართა. სხდომაზე მერიის სოციალური და ჯანდაცვის სამსახურის ხელმძღვანელმა ნინო ჭიჭინაძემ, მცხეთის მუნიციპალიტეტის მოსახლეობისთვის სოციალური და ფინანსური დახმარების გაუმჯობესების მიზნით, 2026 წლის სამედიცინო და სოციალური დახმარების პროგრამაში შესულ ცვლილებზე ისაუბრა.

მცხეთის მუნიციპალიტეტის მერმა, გოგი აბუაშვილმა, საკრებულოს რიგგარეშე სხდომაზე, მერიისა და სტრუქტურული ერთეულების მიერ გაწეული სამუშაოების შესრულების შესახებ ანგარიში წარადგინა.

რთული მეტეოროლოგიური პირობების გამო, მცხეთის მუნიციპალიტეტში შექმნილი პრობლემების აღმოფხვრის მიზნით, შესაბამისი ღონისძიებები ინტენსიურად ხორციელდება.

საქართველოს რეგიონული განვითარების სამინისტროს ინიციატივით, მუნიციპალიტეტების გრძელვადიანი განვითარების დოკუმენტების შემუშავების პროცესის ფარგლებში, პირველი რეგიონული სამუშაო შეხვედრა გაიმართა.

მცხეთის მუნიციპალიტეტში ხუთმა ახალმა და სრულად განახლებულმა საბავშვო ბაღმა აღსაზრდელები უკვე მიიღო. დასრულებულ პროექტებს ინფრასტრუქტურის მინისტრი რევაზ სოხაძე და მუნიციპალური განვითარების ფონდის აღმასრულებელი დირექტორი ბექა ურუშაძე, მცხეთა-მთიანეთის დელეგატთან, დიმიტრი ხუნდაძესთან, მცხეთა-მთიანეთის სახელმწიფო რწმუნებულთან, ალექსანდრე ზაგაშვილთან, მცხეთის მუნიციპალიტეტის მერთან გოგი აბუაშვილთან, საკრებულოს თავმჯდომარესთან, გიორგი ელოშვილთან ერთად და ადგილობრივი ხელისუფლების წარმომადგენლებთან ერთად ადგილზე გაეცნენ.

ქვეყნის მასშტაბით ახალგაზრდობის სააგენტო იწყებს პროექტს, რომლის მიზანია რეგიონებში ახალგაზრდული სფეროს გაძლიერება, ახალგაზრდების სამოქალაქო ჩართულობის ზრდა და შესაძლებლობებზე ინფორმაციის ხელმისაწვდომობის გაუმჯობესება.

მცხეთის მუნიციპალიტეტის მერის პირველმა მოადგილემ, გივი გიუტაშვილმა და მერიის შესაბამისი სამსახურების წარმომადგენლებმა  ქალაქ მცხეთაში ჯავახიშვილის ქუჩის გზის სარეაბილიტაციო სამუშაოები  დაათვალიერეს. პროექტის ფარგლებში 600 მეტრამდე სიგრძის მონაკვეთზე მოიჭრა გრუნტი, მოეწყო გზის საფუძველი და დაიგო ასფალტბეტონის საფარის პირველი ფენა.  ასევე განახლდა და მიწის ქვეშ განთავსდა ქუჩაზე არსებული  კომუნიკაციების ნაწილი. პროექტის მიხედვით დაგეგმილია ასფალტბეტონის მეორე ფენის დაგება, გვერდულებისა და ბორდიულების მოწყობა,მოსახლეობის საცხოვრებელი სახლების ჭიშკრებამდე ასფალტის საფარის დაგება და ახალი გარე განათებების დამონტაჟება. სარეაბილიტაციო სამუშაოები მცხეთის მუნიციპალიტეტის მერიის ბიუჯეტიდან 295 760 ლარით ფინანსდება.

მცხეთის მუნიციპალიტეტის მერი, გოგი აბუაშვილი ,,სოფლის მხარდაჭერის პროგრამის" ფარგლებში გამართულ საერთო კრებას მერის მოადგილესთან, გოგა თალაშვილთან და თვითმართველობის სხვა წარმომადგენლებთან ერთად დაესწრო. 2026 წელს განსახორციელებელი პროექტების შერჩევის მიზნით, მოსახლეობასთან შეხვედრები დასრულდა.