ივლისი

მცხეთის მუნიციპალიტეტის მერმა დიმიტრი ზურაბიშვილმა ადმინისტრაციულ ერთეულებში მერის წარმომადგენლებთან სამუშაო შეხვედრა გამართა. შეხვედრაზე განიხილეს მუნიციპალიტეტში მიმდინარე და დაგეგმილი სხვადასხვა ინფრასტრუქტურული პროექტი, სოფლებში არსებული ვითარება და ის პრობლემური საკითხები, რომლებიც უახლოეს დროში რეაგირებას მოითხოვს.

კამპანიის „არა ნარკოტიკს“ ფარგლებში მიმდინარე მინი ფეხბურთის ჩემპიონატის მცხეთა-მთიანეთის ფინალი დასრულდა, რომელიც მცხეთის მუნიციპალიტეტის მერიისა და საქართველოს საუნივერსიტეტო სპორტის ფედერაციის ინიციატივითა და ორგანიზებით მიმდინარეობდა.

მცხეთის მუნიციპალიტეტის მერი დიმიტრი ზურაბიშვილი, მოადგილე თამაზ ფოლოდაშვილთან ერთად, სოფელ მუხრანში საგზაო ინფრასტრუქტურის კეთილმოწყობის პროექტის მიმდინარეობას გაეცნო. პროექტი შიდა საუბნო გზების ასფალტ-ბეტონის საფარით მოწყობასა და მოსახლეობის ეზოებამდე მისასვლელი მონაკვეთების მოწესრიგებას ითვალისწინებს. სამუშაოები რეგიონული განვითარების ფონდისა და მცხეთის მუნიციპალიტეტის მერიის თანადაფინანსებით ხორციელდება. პროექტის სახელშეკრულებო ღირებულება 705 756 ლარს შეადგენს

მცხეთის მუნიციპალიტეტი კამპანია „არა ნარკოტიკის“ ფარგლებში მიმდინარე მინი-ფეხბურთის ჩემპიონატს შეუერთდა. ფინალურ მატჩში ერთმანეთს “მუხრანი” და “იუნაითედი" დაუპირისპირდნენ. შეჯიბრს მუნიციპალიტეტის სპორტისა და ახალგაზრდული განყოფილების თანამშრომლები ესწრებოდნენ.

მცხეთის მუნიციპალიტეტის მერი დიმიტრი ზურაბიშვილი, მოადგილეებთან - თამაზ ფოლოდაშვილთან და გიორგი ბაჯაძესთან ერთად, სოფელ ერედაში საგზაო ინფრასტრუქტურის კეთილმოწყობის პროექტს გაეცნო.

მცხეთის მუნიციპალიტეტში სასმელი წყლის სისტემების სარეაბილიტაციო სამუშაოები მიმდინარეობს.

საქართველოს საუნივერსიტეტო სპორტის ფედერაციის ინიციატივითა და თითოეული მუნიციპალიტეტის მერიის მხარდაჭერით, 2025 წლის 9 ივნისიდან 2 აგვისტომდე, საქართველოს ყველა რეგიონში გაიმართება მინი ფეხბურთის ჩემპიონატი, რომელიც ხორციელდება კამპანიის „არა ნარკოტიკს“ ფარგლებში.

მცხეთის მუნიციპალიტეტის მერი დიმიტრი ზურაბიშვილი, მოადგილე თამაზ ფოლოდაშვილთან ერთად, მშენებელი კომპანიების ხელმძღვანელებს შეხვდა, რომლებიც მუნიციპალიტეტში სხვადასხვა ინფრასტრუქტურულ პროექტს ახორციელებენ.

მცხეთის მუნიციპალიტეტის მერიის დაფინანსებით, სპორტული ინფრასტრუქტურის კეთილმოწყობა მიმდინარეობს.

მცხეთის მუნიციპალიტეტის მერიის დაფინანსებით, სოფელ წოდორეთში  რეკრეაციული სივრცე  მოეწყო. პროექტის ფარგლებში გაკეთდა საბავშვო გასართობი მოედანი - ატრაქციონებითა და ფანჩატურით, დამონტაჟდა სავარჯიშო ტრენაჟორები, ლამპიონები, მოსასვენებელი სკამები, დაირგო ხე-მცენარეები, სკვერი შემოიღობა ლითონის კონსტრუქციით. სამუშაოების სახელშეკრულებო ღირებულება 70 338  ლარს შეადგენს.