მცხეთის მუნიციპალიტეტის მერიაში სამედიცინო და სოციალურ საკითხთა კომისიის სხდომა გაიმართა. სხდომაზე, რომელსაც კომისიის თავმჯდომარე თამაზ ფოლოდაშვილი უძღვებოდა, მოქალაქეთა განცხადებები განიხილეს. კომისიის გადაწყვეტილებით, ერთჯერადი ფინანსური დახმარება გაეწია 17 მოქალაქეს, სამედიცინო მომსახურება დაუფინანსდა 41 ბენეფიციარს, ასევე, ერთი პირი დაემატა დიალიზის სახელმწიფო პროგრამას.

მცხეთის მუნიციპალიტეტის მერმა დიმიტრი ზურაბიშვილმა, მოადგილე გიორგი ბაჯაძესთან ერთად, მცხეთაში საგზაო ინფრასტრუქტურის კეთილმოწყობის სამუშაოები დაათვალიერა.

მცხეთის მუნიციპალიტეტის მერიამ და მცხეთის კულტურული მემკვიდრეობისა და ტურიზმის განვითარების ცენტრმა მონაწილეობა მიიღო ტურიზმისა და სასტუმრო აღჭურვილობის საერთაშორისო გამოფენაში “EBIT 2025”, რომელიც 9-11 მაისს ბათუმში გაიმართა.