10 აპრილს, გალავნის საკალათბურთო დარბაზში მცხეთა-მთიანეთის რეგიონალური ტურნირი მხიარულ სტარტებში გაიმართა. შეჯიბრში მონაწილეობა მიიღეს მცხეთის, თიანეთის და ახალგორის საჯარო სკოლის გუნდებმა.

მცხეთა-მთიანეთის დელეგატმა დიმიტრი ხუნდაძემ, მხარის სახელმწიფო რწმუნებულმა დავით ნოზაძემ, მცხეთის მუნიციპალიტეტის საკრებულოს თავმჯდომარემ გიორგი ელოშვილმა ადგილობრივი ხელისუფლების წარმომადგენლებთან ერთად წეროვნის დევნილთა დასახლებაში და სოფელ ძალისში 1989 წლის 9 აპრილს საქართველოს დამოუკიდებლობისა და თავისუფლებისათვის დაღუპულთა ხსოვნას პატივი მიაგეს და გარდაცვლილთა სახელობის მემორიალური დაფები გვირგვინით შეამკეს.

მცხეთის მუნიციპალიტეტის მერმა დიმიტრი ზურაბიშვილმა, ქალაქ მცხეთაში, მიმდინარე საგზაო ინფრასტრუქტურის მოწყობის სამუშაოები მოადგილეებთან, თამაზ ფოლოდაშვილთან და გიორგი ბაჯაძესთან ერთად დაათვალიერა. ვახტანგ გორგასლის ქუჩაზე შიდა საუბნო გზის სარეაბილიტაციო სამუშაოები მიმდინარეობს, სადაც ორფენიანი ასფალტის საფარი დაიგება 700 მეტრამდე მონაკვეთზე, მოეწყობა გვერდულები, ბორდიულები და ასფალტით მოპირკეთდება ტროტუარებიც.

არჩილ ტატუნაშვილი დღეს 42 წლის გახდებოდა. თარიღთან დაკავშირებით, მუხათგვერდის ძმათა სასაფლაოზე მის ხსოვნას პატივი მიაგეს მცხეთა-მთიანეთის სახელმწიფო რწმუნებულმა დავით ნოზაძემ, მცხეთის მუნიციპალიტეტის მერმა დიმიტრი ზურაბიშვილმა, ახალგორის მუნიციპალიტეტის გამგებელმა გელა შერმადინმა და ადგილობრივი ხელისუფლების წარმომადგენლებმა.

მცხეთაში, სასტუმრო კაფე - "ჰედში", საქართველოს გიდების ასოციაციის ორგანიზებით, გაიმართა გიდ-ინფო ტური, რომელშიც მონაწილეობა მიიღო საქართველოში წამყვანმა 40 გიდმა. ტურის მიზანია კულტურისა და ტურიზმის პოპულარიზაცია.

1991 წლის 31 მარტს, საქართველოს ეროვნულმა ხელისუფლებამ, უზენაესი საბჭოს თავმჯდომარის, ზვიად გამსახურდიას ხელმძღვანელობით, საქართველოში ჩაატარა რეფერენდუმი, რომლის საფუძველზე იმავე წლის 9 აპრილს, საქართველოს რესპუბლიკის უზენაესმა საბჭომ მიიღო საქართველოს სახელმწიფოებრივი დამოუკიდებლობის აღდგენის აქტი.

27 მარტს, სასკოლო სპორტული ოლიმპიადის ფარგლებში, მცხეთის მუნიციპალიტეტის საფეხბურთო სკოლის ორგანიზებით, სასკოლო სპორტული ოლიმპიადის რეგიონალური თამაშები ჩატარდა მინი ფეხბურთში ვაჟებს შორის.

მცხეთის მუნიციპალიტეტის მერი დიმიტრი ზურაბიშვილი მოქალაქეებს შეხვდა.

25 მარტს, მცხეთის მუნიციპალიტეტის საფეხბურთო სკოლის ორგანიზებით, ჩატარდა სასკოლო სპორტული ოლიმპიადის რეგიონალური თამაშები „მინი ფეხბურთი გოგონებს შორის“.

დღესასწაული, რომელიც გაზაფხულის შემოსვლას და განახლებას ნიშნავს! მცხეთის მუნიციპალიტეტის მერია ტრადიციულად უერთდება ამ მნიშვნელოვან დღესასწაულს. ქსანში, ციხისძირში, მუხრანში და ლისში მცხოვრებ 180 აზერბაიჯანელ ოჯახს სასურსათო კალათები გადაეცათ.

19 მარტს, მცხეთის მუნიციპალიტეტში სასკოლო სპორტული ოლიმპიადა 2025-ის თამაშები დაიწყო. სოფელ გალავანში გაიმართა მცხეთა-მთიანეთის რეგიონალური პირველობა კალათბურთში, გოგონებსა და ვაჟებს შორის.

რიგაში ევროპის 2025 წლის თასის გათამაშება გაიმართა. ტურნირზე ქართველმა ძიუდოისტებმა სამი ბრინჯაოს მედალი მოიპოვეს. მათ შორისაა, მცხეთის მუნიციპალიტეტის ა(ა)იპ უმაღლესი დაოსტატების საჭიდაო სკოლის აღზრდილი დავით გოდერძიშვილი , რომელმაც მედლებისთვის ბრძოლაში (- 73 კგ) ყაზახი მოწინააღმდეგე დაამარცხა.