მცხეთის მუნიციპალიტეტის მერმა, დიმიტრი ზურაბიშვილმა ,,ახალგაზრდა ნიჭიერი ხელოვანების კონკურსში“ გამარჯვებულები დააჯილდოვა.

პროექტის ორგანიზატორმა, მცხეთის მერიის განათლების, კულტურისა და სპორტის სამსახურის, კულრტურის განყოფილებამ, აღნიშნული კონკურსი ორ ტურად ჩაატარა, სადაც მონაწილეობა 12-დან  18 წლამდე ასაკის, 28 ახალგაზრდამ მიიღო.

მცხეთის მერიაში შექმნილმა საკონკურსო კომისიამ კონკურსის შედეგად 9 ნიჭიერი ახალგაზრდა გამოავლინა, რომელთაც მადლობის სიგელები და ფასიანი საჩუქრები გადაეცათ. 

ღონისძიებას მცხეთის მუნიციპალიტეტის მერის მოადგილე, გიორგი ბაჯაძე და შესაბამისი სამსახურის წარმომადგენლები ესწრებოდნენ.

კონკურში გამარჯვებულები არიან: მაგდა ლაფერაშვილი, ელისაბედ რეგანი, ლევან ალავიძე, ლიზი რაზმაძე, თინათინ მაისურაძე, ანასტასია გაბრელიანი, ალექსანდრე ვაჭარაძე, ლევან გლოველი და ელენე მირზიაშვილი.

მცხეთის მუნიციპალიტეტის მერია მადლობას უხდის ყველა მონაწილეს პროექტში აქტიური ჩართულობისთვის.