ქალაქი მცხეთა, მთავრობის ადმინისტრაციის ორგანიზებით, ყოველწლიურ ღვინის ფესტივალს „ღვინის დღეებს“ მასპინძლობს.
ღონისძიებას, რომელიც თეატრონის მიმდებარე ტერიტორიაზე 14:00 საათზე დაიწო და 21:00 საათამდე გაგრძელდება, სამხარეო ადმინისტრაციისა და ადგილობრივი თვითმმართველობების წარმომადგენლები სტუმრებთან და ადგილობრივ მოსახლეობასთან ერთად ესწრებიან.
ამ წუთებში ადგილზე მიმდინარეობს ქართული ღვინის დეგუსტაცია და გამოფენა-გაყიდვა; ადგილობრივი კულინარების ეთნო-სამზარეულო: პურის ცხობა, ჩურჩხელების ამოვლება, ტრადიციული კერძების დაგემოვნება, ჭაჭის გამოხდა;
მოწვეული შეფ-მზარეული რუსო დაუშვილის კერძების დეგუსტაცია; „ღვინის ბარი“ - ღვინის კოქტეილების დეგუსტაცია; ღვინის ფარული დეგუსტაცია სომელიესთან ერთად;
ღვინით ხატვა; ექსკურსიები მცხეთის მარნებში; საგამოფენო სივრცე - „საქართველო ღვინის სამშობლო“. ღონისძიებას მუსიკალურად აფორმებს Dj Levi Love Disco.
საღამოს, 19:00 დაიწყება კონცერტი. სცენას დაიკავებენ „თბილისური კვარტეტი“ და ჯგუფი „მიქსტურა“.
შემოგვიერთდით, ერთად აღვნიშნოთ ღვინის დღეები ღვინის სამშობლოში.
