მცხეთის მუნიციპალიტეტის, სოფელ წილკნის და წეროვნის დამაკავშირებელი 7 კილომეტრამდე გზის ასფალტ-ბეტონის საფარით მოწყობის სამუშაოები აქტიურად მიმდინარეობს.
საგზაო ინფრასტრუქტურის კეთილმოწყობის სამუშაოები, მცხეთა-მთიანეთის მხარის რწმუნებულმა დავით ნოზაზემ, მცხეთის მუნიციპალიტეტის მერმა დიმიტრი ზურაბიშვილმა და რწმუნებულის პირველმა მოადგილემ გიორგი ჩიფჩიურმა დაათვალიერეს.
სამშენებლო სამუშაოები რეგიონული განვითარების ფონდისა და ადგილობრივი ბიუჯეტის თანადაფინანსებით ხორციელდება, რომელსაც შპს „ქცია’’ ახორციელებს. სამუშაოები მიმდინარე წლის ზაფხულში დასრულდება და პროექტის ღირებულება 2,5 მილიონ ლარამდე შეადგენს.
