მიმდინარე წლის იანვრიდან დღემდე მცხეთის მუნიციპალიტეტში 11 კმ-ზე მეტი გზა მოასფალტდა.

• ასფალტის საფარი დაიგო სოფლებში: ლისი, მისაქციელი, არაშენდა, ძველი ქანდა, ახალუბანი, მუხრანი, ნავაზი, ნიჩბისი, საგურამო, წეროვანი და ვაზიანი.
• ასევე მოასფალტდა ქ. მცხეთაში შიდა საუბნო გზა.
• სამუშაოები რეგიონებში განსახორციელებელი პროექტების ფონდიდან და ადგილობრივი ბიუჯეტიდან დაფინანსდა. 
• საგზაო ინფრასტრუქტურის კეთილმოწყობის მიზნით, მცხეთის მუნიციპალიტეტის მასშტაბით სამუშაოები კვლავ გრძელდება.
• ამ ეტაპზე პროექტი 12 ლოკაციაზე ( მცხეთა, წეროვანი, ზაქარო, ძალისი, მუხრანი, გალავანი, გოროვანი, ქსანი, წილკანი, ჯიღაურა, ძეგვი, ნატახტარი) მიმდინარეობს. ჯამში, ადგილობრივი ბიუჯეტიდან და რეგიონებში განსახორციელებელი პროექტების ფონდიდან 12 კმ-მდე გზის მოასფალტების სამუშაოები ფინანსდება.
• ასევე, ქსოვრისის, ნავდარაანთკარის, მუხრანის , გალავნის, ზაქაროს, ჩარდახის, წეროვანის, ძალისისა და ციხისძირის გზის ნაწილის სამშენებლო-სარეაბილიტაციო სამუშაოებისათვის ტენდერები უკვე დასრულდა. სათანადო ღონისძიებების გატარების შემდეგ კი, ადგილზე შესაბამისი სამუშაოები დაიწყება.

იხილეთ ვრცლად