მცხეთაში, სასტუმრო კაფე - "ჰედში", საქართველოს გიდების ასოციაციის ორგანიზებით, გაიმართა გიდ-ინფო ტური, რომელშიც მონაწილეობა მიიღო საქართველოში წამყვანმა 40 გიდმა. ტურის მიზანია კულტურისა და ტურიზმის პოპულარიზაცია.
„მგავსი სახის ღონისძიებები მნიშვნელოვანია ჩვენი ქალაქისთვის და მთლიანად მუნიციპალიტეტისთვის, რადგანაც ხელს უწყობს არა მარტო ტურიზმის განვითარებას, არამედ - ტურისტული პოტენციალის გაძლიერებასა და მის პოპულარიზაციას. მსგავსი სახის ტურები კიდევ უფრო მეტად გაზრდის მცხეთაში არსებული ტურისტული სივრცეების ცნობადობას, რაც დადებითად იმოქმედებს ქალაქის ეკონომიკასა და შესაბამისად, კეთილდღეობაზე. სასიხარულოა და იმედს ვიტოვებ, ჩვენს ქალაქში სამომავლოდ მსგავსი მასშტაბის კიდევ არაერთი ღონისძიება გაიმართება.“ - განაცხადა დიმიტრი ზურაბიშვილმა.
