მცხეთის მუნიციპალიტეტის მერმა - დიმიტრი ზურაბიშვილმა, მოადგილე თამაზ ფოლოდაშვილთან ერთად, სოფლებში - ძეგვში, სასხორსა და ხეკორძში შიდა საუბნო გზების კეთილმოწყობის სამუშაოები დაათვალიერა.
პროექტის ფარგლებში, სოფელ სასხორში ასფალტ-ბეტონის საფარი იგება 1 კილომეტრამდე გზაზე. ასევე, ეწყობა
ეზოებამდე მისასვლელი მონაკვეთები. სამუშაოები 2 ლოკაციაზე მიმდინარეობს. პროექტის სახელშეკრულებო ღირებულება 567 549 ლარს შეადგენს.
შიდა საუბნო გზების მოწესრიგება მიმდინარეობს სოფელ ძეგვშიც, სადაც ასფალტ-ბეტონის საფარი 1 კილომეტრამდე გზის მონაკვეთზე იგება. კეთილმოეწყობა მოსახლეობის ეზოებამდე მისასვლელი ადგილებიც. პროექტის სახელშეკრულებო ღირებულება 233 832 ლარს შეადგენს.
ასევე, ნახევარ-კილომეტრიანი შიდა საუბნო გზის კეთილმოწყობისა და ბოგირის სამშენებლო სამუშაოები ხორციელდება სოფელ ხეკორძში. პროექტის სახელშეკრულებო თანხა 244 077 ლარია.
მიმდინარე სამუშაოები რეგიონებში განსახორციელებელი პროექტების ფონდიდან და მცხეთის მუნიციპალიტეტის მერიის ბიუჯეტიდან ფინანსდება.
