მცხეთის მუნიციპალიტეტის მერია
პრესცენტრი
პრეს-რელიზისიახლეებიფოტოგალერეავიდეოგალერეა


ქალი, ოჯახი, საზოგადოება

ქალთა კვირეულის ფარგლებში, ა(ა)იპ ძდექ მცხეთა–მთიანეთის კომიტეტის ორგანიზებით, მცხეთის მუნიციპალიტეტის მერიის მხარდაჭერითა და „ქალთა ფონდი–საქართველოში“ ფინანსური უზრუნველყოფით, ბოლნისის მუნიციპალიტეტში მცხეთისა და ბოლნისის მუნიციპალიტეტის მერიის თანამშრომლებმა და გენდერული საბჭოს წევრებმა სამუშაო შეხვედრა გამართეს. შეხვედრა მიზნად ისახავდა საუკეთესო პრაქტიკის გაზიარებას ქალთა და გოგონათა უფლებების დაცვის მიზნით, გენდერული თანასწორობის საბჭოს გაძლიერებას და საზოგადოების, ქალების, ახალგაზრდების ინფორმირებას.

პროექტის „ქალი, ოჯახი, საზოგადოება“ ფარგლებში, მცხეთის მუნიციპალიტეტის მერიის თანამშრომლებმა და გენდერული საბჭოს წევრებმა, ადგილობრივი გენდერული საბჭოს წევრებთან შეხვედრაზე, ერთმანეთს მუნიციპალიტეტებში გენდერული პოლიტიკის განხორციელების მიმართულებით არსებული პრაქტიკა გაუზიარეს და მომავალ თანამშრომლობის შესახებ იმსჯელეს.

სამუშაო შეხვედრას ბოლნისის მუნიციპალიტეტის მერის პირველი მოადგილე ბუბა გობეჯიშვილი, მცხეთის მუნიციპალიტეტის მერის მოადგილე მარინა ზურაბიშვილი , ბოლნისის მუნიციპალიტეტის საკრებულოს, ფრაქცია „ქართული ოცნება-დემოკრატიული საქართველოს“ თავმჯდომარე გიორგი მირიანაშვილი, ასევე პროექტის მენეჯერი თამარ მაისურაძე, ბოლნისისა და მცხეთის მუნიციპალიტეტის მერიის თანამშრომლები ესწრებოდნენ.

ფოტოები ვრცლად

© მცხეთის მუნიციპალიტეტის მერია 2018