მცხეთის მუნიციპალიტეტის სოფელ ციხისძირში მისასვლელი ცენტრალური გზის რეაბილიტაცია მიმდინარეობს.
პროექტის ფარგლებში დაგეგმილია ასფალტო-ბეტონის გზის საფარის დაგება, რკინა-ბეტონის კიუვეტების ჩალაგება, გზის გვერდულის გასწვრივ ლითონის ზღუდარის, დასახლებულ ადგილებში სიჩქარის შემზღუდავი ბარიერების და ეზოში შესასვლელებში საგზაო საფარის მოწყობა.
სარეაბილიტაციო სამუშაოები რეგიონული განვითარების ფონდისა და ადგილობრივი ბიუჯეტის თანადაფინანსებით ხორციელდება, რომელსაც მცხეთის მერიის კონტრაქტორი კომპანია შპს ,,აკა“ ახორციელებს.
