მცხეთის მუნიციპალიტეტის მერის მოადგილე გიორგი ბაჯაძე საერთაშორისო ორგანიზაცია „მერსი ქორფსის“ საქართველოს წარმომადგენლებს შეხვდა.

შეხვედრას ესწრებოდნენ მერიის შესაბამისი სამსახურების წარმომადგენლები, ადგილობრივი ახალგაზრდა მეწარმეები და მომავალში მეწარმეობის მსურველები.

მხარეებმა განიხილეს პროექტი:  „ახალგაზრდული მეწარმეობა სოფლის განვითარებისთვის" (RDYE), რომელსაც ახორციელებს მერსი ქორფსის წარმომადგენლობა საქართველოში (Mercy Corps Georgia), ავსტრიის განვითარების თანამშრომლობის (ADC) დაფინანსებით. 

პროექტი მიზნად ისახავს 18-დან 35 წლამდე ახალგაზრდების სამეწარმეო პოტენციალის ხელშეწყობას და შესაბამისად სოფლის განვითარებას, სამეწარმეო უნარ-ჩვევებისა და ცოდნის გაღრმავებას სასოფლო-სამეურნეო და არასასოფლო-სამეურნეო მიმართულებით. 

პროექტი, რომელიც  42 თვის განმავლობაში განხორციელდება, ხელს შეუწყობს 1,500 -ზე მეტ ახალგაზრდას განივითარონ სამეწარმეო უნარები და გააფართოვონ უკვე არსებული, ახალგაზრდების მიერ მართული სოფლის მეურნეობისა და არასასოფლო-სამეურნეო ბიზნესი. 

აღნიშნულ პროექტში მონაწილეობის მსურველებს შესაძლებლობა აქვთ  დარეგისტრირდნენ შემდეგ ბმულზე: www.bit.ly/3iOl8bi.

ფოტოები ვრცლად