მცხეთა-მთიანეთის მხარის სახელმწიფო რწმუნებულ დავით ნოზაძეს, მცხეთის მუნიციპალიტეტის მერ დიმიტრი ზურაბიშვილსა და აშშ-ის ელჩ კელი დეგნანს შორის სამუშაო შეხვედრა გაიმართა.
აშშ-საქართველოს შორის დიპლომატიური ურთიერთობების, პარტნიორობისა და მეგობრობის 30 წლისთავს უკავშირდებოდა.
შეხვედრისას მხარეებმა ყურადღება გაამახვილეს ქვეყნებს შორის ორმხრივი თანამშრომლობის მნიშვნელობაზე და ამ კუთხით არსებულ პერსპექტივებზე. ასევე, განიხილეს აშშ-ის დაფინანსებით, რეგიონში უკვე განხორციელებული, მიმდინარე და დაგეგმილი პროექტები.
თავის მხრივ, დავით ნოზაძემ და დიმიტრი ზურაბიშვილმა აშშ-ის ელჩს სხვადასხვა პროექტის მხარდაჭერისათვის მადლობა გადაუხადეს და იმედი გამოთქვეს, რომ მოსახლეობის კეთილდღეობისათვის, მხარეთა შორის აქტიური თანამშრომლობის საფუძველზე, სამომავლოდ კვლავაც არაერთი მნიშვნელოვანი საქმე გაკეთდება.
