ტაჯიკეთის დედაქალაქ დუშანბეში, ჭიდაობა სამბოში ვეტერანთა შორის მსოფლიო ჩემპიონატი ჩატარდა. საქართველოდან წარდგენილ სპორტსმენებს შორის ასპარეზობდნენ მცხეთის მუნიციპალიტეტის წარმომადგენლები: სოფელ წილკანიდან გიორგი ცოციაშვილი და წეროვნიდან - ფრიდონ ზურაბიანი. ორივე მოჭიდავემ წარმატებით იასპარეზა აღნიშნულ ტურნირზე და საპრიზო ადგილები დაიკავეს.

მცხეთაში, სასკოლო სპორტული ოლიმპიადის ფარგლებში, მუნიციპალური ნახევარფინალური და ფინალური თამაშები გაიმართა მინი ფეხბურთში გოგონებსა და ვაჟებს შორის.

მცხეთის მუნიციპალიტეტის სოფელ მუხრანში შიდა საუბნო გზების რეაბილიტაცია მიმდინარეობს. მიმდინარე სამუშაოები მოინახულეს მცხეთის მუნიციპალიტეტის მერმა დიმიტრი ზურაბიშვილმა, საკრებულოს წევრმა გელა ბაქრაძემ და ადგილობრივი ადმინისტრაციის წარმომადგენლებმა.

მცხეთის მუნიციპალიტეტის სოფელ ციხისძირის საჯარო სკოლაში რეკონსტრუქცია-რეაბილიტაციის სამუშაოები დასასრულს უახლოვდება. რეაბილიტაცია უკეთდება სკოლის ეზოში არსებულ სპორტულ მოედანსაც. მიმდინარე პროექტები დაათვალიერა, მშენებლებს შეხვდა და ადგილზე არსებულ ვითარებას გაეცნო მცხეთის მუნიციპალიტეტის მერი დიმიტრი ზურაბიშვილი, მოადგილესთან, თამაზ ფოლოდაშვილთან და მერის წარმომადგენელთან ციხისძირის ადმინისტრაციულ ერთეულში, დიმიტრი ნიჟარაძესთან ერთად.

მცხეთის მუნიციპალიტეტის მერმა დიმიტრი ზურაბიშვილმა, მერის წარმომადგენელთან მუხრანის ადმინისტრაციულ ერთეულში, ზურაბ მიქელაძესთან და საკრებულოს წევრებთან გელა ბაქრაძესა და ლევან ჩუგუაშვილთან ერთად, მუხრანში კორპუსების სარეაბილიტაციო სამუშაოები მოინახულა, გაესაუბრა ადგილობრივ მოსახლეობას.

მცხეთის მუნიციპალიტეტის მერმა დიმიტრი ზურაბიშვილმა, მოადგილესთან თამაზ ფოლოდაშვილთან, საკრებულოს თავმჯდომარის მოადგილე გიორგი ჯიქიასთან და შესაბამისი სამსახურის წარმომადგენლებთან ერთად სოფელ ციხისძირში მიმდინარე ინფრასტრუქტურული პროექტები დაათვალიერა.

მცხეთის მუნიციპალიტეტის სოფელ მუხრანში ახალი ამბულატორია გაიხსნა, რომელშიც განთავსებულია სასწრაფო-სამედიცინო დახმარების ცენტრიც. ამბულატორია აღჭურვილია საჭირო ინვენტარით. სამედიცინო ცენტრში მოსახლეობას მაღალკვალიფიციური სპეციალისტები მოემსახურებიან. სოფლის ექიმების გარდა პაციენტებს კონსულტაციას, გარკვეული პერიოდულობით, თბილისიდან მიწვეული სხვადასხვა პროფილის ექიმები გაუწევენ.

14 ოქტომბერს, ტრადიციულად, ,,სვეტიცხოვლობა - მცხეთობა“, იგივე კვართის დღესასწაული აღინიშნა მცხეთაში, რომელიც მრავალფეროვანი სადღესასწაულო და სპორტული ღონისძიებებით იყო დატვირთული. საზეიმო წირვა, პატრიარქის მოსაყდრემ, მეუფე შიომ აღავლინა სვეტიცხოვლის საკათედრო ტაძარში. წირვას მრევლთან ერთად, პრემიერ-მინისტრი ირაკლი კობახიძე, საქართველოს პრეზიდენტი სალომე ზურაბიშვილი, პარლამენტარები, მინისტრები, საზოგადოებისათვის ცნობადი სახეები და ადგილობრივი ხელისუფლების წარმომადგენლები ესწრებოდნენ.

13 ოქტომბერს, მცხეთის მერიაში, მცხეთის მუნიციპალიტეტის მერის პირველმა მოადგილემ გივი გიუტაშვილმა ,,სვეტიცხოვლობა - მცხეთობის“ დღესასწაულზე მცხეთასთან დამეგობრებულ ქალაქებიდან ჩამოსულ დელეგაციებს უმასპინძლა.

10:00 -13:00 სთ – საზეიმო წირვა-ლოცვა სვეტიცხოვლის საკათედრო ტაძარში. 10:00-18:00 სთ - გამოფენა-გაყიდვები: • საქართველოში წარმოებული სასოფლო-სამეურნეო პროდუქცია • ბრენდირებული ნაწარმი • ხალხური რეწვა • სახვითი და გამოყენებითი ხელოვნების ნიმუშები • ხელნაკეთი ნივთები • ქართული ტრადიციული სამზარეულოს სადეგუსტაციო კუთხეები • საშემოდგომო ნობათი. 10:00- 18:00 სთ- სანახაობრივი და სპორტული წარმოდგენები: • საბავშვო გასართობ-შემეცნებითი კუთხეები • ატრაქციები • ეროვნული თვალსაჩინოებები • ისტორიულ ეთნოგრაფიული სივრცეები • სამაგიდო-ინტელექტუალური თამაშები • სპორტის სხვადასხვა სახეობაში სახალხო შეჯიბრებები • მცხეთის მუნიციპალიტეტის ადმინისტრაციული ერთეულების საშემოდგომო-სადეგუსტაციო სივრცეები. 11:00- 14:30 სთ- სადღესასწაულო კონცერტი (მცხეთის და მოწვეული მუნიციპალიტეტების ინდივიდუალური და შემოქმედებითი ჯგუფები). 13:30-14:00 სთ –მისალმება-მილოცვა (ცენტრალური და ადგილობრივი ხელისუფლების წარმომადგენლები, მოწვეული საპატიო სტუმრები). საპატიო მოქალაქეების წარდგენა-დაჯილდოება. 15:30-16:45 სთ- ჯგუფი ,,ურსა“. 18:00- 19:30 სთ- გალა კონცერტი, ნუცა ბუზალაძე ბენდთან ერთად. 20:00-22:00 სთ-ფეხბურთი დიდ ეკრანზე - ერთად ვუგულშემატკივროთ ეროვნულ ნაკრებს. 20:00- 22:00 სთ მცხეთის ბენდი The light room. წამყვანი -მცხეთის დრამატული თეატრის მსახიობი, ნუგზარ მწელიშვილი. ქალაქი მცხეთა, თეატრონი.

გარემოს დაცვისა და სოფლის მეურნეობის სამინისტროს ველური ბუნების ეროვნულმა სააგენტომ, მცხეთის მუნიციპალიტეტის სოფელ ქსოვრისში, 100 ფრთა კოლხური ხოხობი ველურ ბუნებაში გაუშვა. პროცესში ჩართულნი იყვნენ ქსოვრისის ადმინისტრაციის წარმომადგენლები ადგილობრივებთან ერთად.

"თბილისობის" დღესასწაულს მცხეთის მუნიციპალიტეტი შეუერთდა. ღონისძიების ფარგლებში, გ. ჩიტაიას სახელობის თბილისის ეთნოგრაფიულ მუზეუმში, წარდგენილ იქნა ფოლკლორი, ეთნოგრაფიული პერფორმანსი, გამოფენები, კულინარია და ღვინის კუთხე.