მცხეთის მუნიციპალიტეტის მერის, დიმიტრი ზურაბიშვილის ინიციატივით, მუნიციპალიტეტში მცხოვრებ 1800 ოჯახს, საახალწლოდ სასურსათო პაკეტები ურიგდება. დიმიტრი ზურაბიშვილმა სოციალურად დაუცველები პირადად მოინახულა, სასურსათო ნობათები გადასცა და დამდეგი შობა-ახალი წელი მიულოცა.

მცხეთის მუნიციპალიტეტის მერიის გადაწყვეტილებით 2024 წლის იანვრიდან მცხეთის მუნიციპალური ტრანსპორტი თითოეულ მოქალაქეს, ერთი თვის განმავლობაში, უფასოდ მოემსახურება. პირველი თვის განმავლობაში მუნიციპალური ტრანსპორტით მგზავრობა უფასო იქნება თითოეული მოქალაქისთვის.

მცხეთის მუნიციპალიტეტის სოფლებში - ჩარდახსა და პატარა ქანდაში აქტიურად გრძელდება თანამედროვე სტანდარტების შესაბამისი საბავშვო ბაღების სამშენებლო სამუშაოები. პროექტების მიმდინარეობას მცხეთა-მთიანეთის მხარის სახელმწიფო რწმუნებული დავით ნოზაძე და მცხეთის მუნიციპალიტეტის მერი დიმიტრი ზურაბიშვილი ადგილზე გაეცნენ.

მცხეთის მუნიციპალიტეტში დასრულდა 2023-2024 წლის საქართველოს სასკოლო სპორტული ოლიმპიადის პროგრამით გათვალისწინებული მუნიციპალური თამაშები, სადაც ჩვენი მუნიციპალიტეტის 12 საჯარო სკოლის გუნდი სპორტის 7 სახეობაში მონაწილეობდა.

მცხეთის მუნიციპალიტეტის საგურამოს ადმინისტრაციული ერთეულის სოფელ არაშენდაში, შიდა საუბნო გზების ასფალტობეტონის საფარით მოწყობის სამუშაოები მიმდინარეობს.  მცხეთის მუნიციპალიტეტის მერმა დიმიტრი ზურაბიშვილმა  საგზაო ინფრასტრუქტურის მოწყობის სამუშაოები, მცხეთა-მთიანეთის გუბერნატორის მოადგილე გიორგი ჩიფჩიურთან და მცხეთის მუნიციპალიტეტის საკრებულოს თავმჯდომარე გიორგი ელოშვილთან ერთად დაათვალიერა. გზის  სავალ ნაწილზე დაგებულია ასფალტის პირველი ფენა, მოეწყო სანიაღვრე არხები და ცხაურები. ამჟამად მიმდინარეობს  ასფალტობეტონის მეორე ფენის დაგება. სამშენებლო სამუშაოები რეგიონული განვითარების ფონდისა და მცხეთის მუნიციპალიტეტის მერიის თანადაფინანსებით ხორციელდება, რომელსაც მერიის კონტრაქტორი კომპანია შპს „გრანდ როუდ გრუპი“ ახორციელებს. პროექტის ღირებულება 309 997 ლარია.

მცხეთაში, 16 დეკემბერს, საზეიმო ვითარებაში აინთო ქალაქის მთავარი, ახალი ნაძვის ხე. ასევე, ახალი საახალწლო განათებებით მოირთო მცხეთის ცენტრალური მოედანი. ილუმინაციების ნაწილი ქალაქს, პრემიერ-მინისტრის გადაწყვეტილებით გადმოეცა.ღონისძიებაზე საახალწლო გასართობ შოუ პროგრამასთან ერთად, ასევე,  გაიმართა ჯგუფ "რეზო და ბავშვების" კონცერტი. ადგილობრივ მცხოვრებლებთან და ქალაქის სტუმრებთან ერთად, ღონისძიებას ესწრებოდნენ საქართველოს  პარლამენტის წევრი დიმიტრი ხუნდაძე, მცხეთის მუნიციპალიტეტის მერი დიმიტრი ზურაბიშვილი, საკრებულოს თავმჯდომარე გიორგი ელოშვილი და ადგილობრივი ხელისუფლების სხვა წარმომადგენლები.„საქართველოს უძველესი სატახტო დედაქალაქიდან თითოეულ მოქალაქეს მინდა მივულოცო დამდეგი შობა-ახალი წელი. ვუსურვო ჯანმრთელობა, მშვიდობა, სიკეთე, სიხარული. ეს წელი წარმატების წელი იყო საქართველოსთვის. ჩვენ მივაღწიეთ შედეგს და ქვეყანამ მიიღო ევროკავშირის კანდიდატის სტატუსი, რაც არის საწინდარი იმისა, რომ ქვეყანა კიდევ უფრო მეტი წარმატებით გააგრძელებს წინსვლას. მინდა განსაკუთრებით მივულოცო ჩემს მცხეთელებს დამდეგი ახალი 2024 წელი, განახლებული და კიდევ უფრო მეტად დამშვენებული ქალაქიდან, მცხეთიდან. ჩვენ ერთად, კიდევ უფრო მეტ წარმატებას მივაღწევთ“ - საქართველოს პარლამენტის წევრი დიმიტრი ხუნდაძე.„მინდა ჩვენს ძვირფას მოსახლეობას მივულოცო დამდეგი შობა-ახალი წელი, ვუსურვო მათ ბედნიერი, წარმატებული და მშვიდობიანი ახალი 2024 წელი. ჩვენს მუნიციპალიტეტში მიმდინარე წელს ბევრი ახალი სასიკეთო ცვლილება განხორციელდა. მინდა ვისურვო, რომ მომავალი წელი ყოფილიყოს კიდევ უფრო მეტი წარმატების მომტანი, როგორც მცხეთის მუნიციპალიტეტისთვის, ასევე მთლიანად ჩვენი ქვეყნისთვის“ - მცხეთის მუნიციპალიტეტისმერი დიმიტრი ზურაბიშვილი

16 დეკემბერს, მცხეთის ცენტრალურ მოედანზე მოდი ერთად ავანთოთ მცხეთის, მთავარი, ახალი ნაძვის ხე

ხვალ, 16 დეკემბერს, საზეიმო ვითარებაში აინთება ქალაქის მთავარი, ახალი ნაძვის ხე.საახალწლო ილუმინაციების მონტაჟი ქალაქის ცენტრში დასასრულს უახლოვდება. მცხეთის მასშტაბით კი რამდენიმე დღეში დასრულდება. სამუშაოები ფარნავაზის მოედნიდან ნარეკვავის დასახლებამდე მონაკვეთში ხორციელდება.მცხეთის მერია მუნიციპალიტეტის მოსახლეობას და ჩამოსულ სტუმრებს სასიამოვნო საღამოს ჰპირდება. ასე რომ გელოდებით ხვალ, მცხეთის ცენტრალურ მოედანზე.მოდი   ერთად ავანთოთ მცხეთის, მთავარი, ახალი ნაძვის ხე  17:00-20:00 საახალწლო გასართობი შოუ პროგრამა (სანტა, ფიფქია, ჯამბაზები)  19:00-20:30 ჯგუფი ,,რეზო და ბავშვები

ევროპული საბჭოს მიერ საქართველოსთვის კანდიდატის სტატუსის მინიჭებასთან დაკავშირებით, მცხეთის მუნიციპალიტეტში საქართველოსა და ევროკავშირის დროშები გამოიფინა

პრემიერ-მინისტრ ირაკლი ღარიბაშვილის გადაწყვეტილებით, მცხეთის მუნიციპალიტეტს ახალი ავტობუსები გადაეცა . დღეს საქართველოს მთავრობის ადმინისტრაციის რეგიონებთან ურთიერთობის დეპარტამენტის უფროსი − ლერი ბარნაბიშვილი ქალაქ რუსთავში რეგიონებისთვის ახალი სამგზავრო ავტობუსების გადაცემის ღონისძიებას დაესწრო.

ქალაქის მასშტაბით აქტიურად მიმდინარეობს ტროტუარების, ბორდიურების და ეზოების შემოღობვის სარეაბილიტაციო სამუშაოები. მცხეთის მუნიციპალიტეტის მერი დიმიტრი ზურაბიშვილი, მერის მოადგილე გიორგი ბაჯაძესთან და  მერიის ზედამხედველობის სამსახურის თანამშრომლებთან ერთად სამუშაოების მიმდინარეობას ადგილზე გაეცნო. ქუჩების კეთილმოწყობის სამუშაოები ადგილობრივი ბიუჯეტიდან და რეგიონული განვითარების ფონდიდან ფინანსდება, რომლის სახელშეკრულებო ღირებულება 544 768,76 ლარს შეადგენს.

მცხეთის მუნიციპალიტეტში, სოფ. მამკოდაში შპს „ენკოს“ სასარგებლო წიაღისეულის (ქვიშა-ხრეში) გადამამუშავებელი და ასფალტის საწარმოების ექსპლუატაციაზე სკრინინგის გადაწყვეტილების შესახებ