დღეს ნათლისღებაა. ამ დღეს, საქართველოს ყველა მართლმადიდებელ ეკლესიაში აღევლინება სადღესასწაულო წირვა და შემდეგ ხდება წყალკურთხევა. მცხეთის მუნიციპალიტეტის მერია სვეტიცხოვლის საკათედრო ტაძრიდან გილოცავთ ამ უდიდეს დღესასწაულს!

ქვეყნის ეროვნული სიმბოლოს პატივისცემის ნიშნად, მცხეთის მუნიციპალიტეტის მერიის წინ, სახელმწიფო ჰიმნის ფონზე, საქართველოს დროშა საზეიმოდ აღიმართა. ქვეყნის ერთ-ერთი მთავარი სიმბოლოს, ეროვნული დროშის დღე 2012 წლიდან სახალხოდ აღინიშნება.

მცხეთის მუნიციპალიტეტის მერიაში, ა(ა)იპ მცხეთის სასპორტო სკოლის 2023 წლის წარმატებული სპორტსმენებისა და მწვრთნელების დაჯილდოება გაიმართა. სპორტული წარმატებებისათვის, ა(ა)იპ სხვადასხვა სახეობის მცხეთის სასპორტო სკოლის მაღალი შედეგების მქონე სპორტსმენები და მწვრთნელები, საქართველოს პარლამენტის წევრმა დიმიტრი ხუნდაძემ, მცხეთის მუნიციპალიტეტის მერმა დიმიტრი ზურაბიშვილმა, მოადგილე გიორგი ბაჯაძემ და საკრებულოს თავმჯდომარის მოადგილე გიორგი კვახაძემ დააჯილდოვეს.

მცხეთის მუნიციპალიტეტის მერიის გადაწყვეტილებით, 2024 წლის იანვრიდან, მცხეთის მუნიციპალური ტრანსპორტი მგზავრებს ერთი თვის განმავლობაში უფასოდ ემსახურება. მუნიციპალური ტრანსპორტი სატესტო რეჟიმში შემდეგი მიმართულებებით განახორციელებს გადაადგილებას:N1 მარშრუტი, ნარეკვავიდან არმაზის და არმაზიდან ნარეკვავის მიმართულებით.N2 მარშრუტი, მცხეთიდან თბილისისკენ ნარეკვავის დასახლებიდან გავა და თბილისში, დიდუბის მეტროს მიმდებარე ტერიტორიაზე, ვალუტის გადამცვლელ ჯიხურებთან დასრულდება.თბილისიდან ტრანსპორტი იგივე მარშრუტს განახორციელებს მცხეთის მიმართულებითაც. შიდა და საქალქთაშორისო ტრანსპორტი ქალაქ მცხეთაში  არსებულ ყველა გაჩერებაზე გაჩერდება, ხოლო მცხეთა-თბილისის მიმართულებით N2 ავტობუსი გაჩერდება შემდეგ ლოკაციებზე:1.  ,,თბილისი მოლის“ გადასასვლელ ხიდი,2.  აგრარული და თავისუფალი  უნივერსიტეტები,3. შავი ზღვის უნივერსიტეტის მოპირდაპირე მხარეს (გადასასვლელი ხიდი),4. დიდი დიღმის გადასასვლელი (გუდვილი),5. დაცვის პოლიციის დეპარტამენტი და ცეესკო6. საქალაქო სასამართლო. თბილისიდან მცხეთისკენ მომავალი ავტობუსი  აღმაშენებლის ხეივანზე გაჩერდება:1. დიღმის ტყე პარკი (,,მარი მარკეტის“ მიმდებარედ),2. ღუდუშაურის საავადმყოფოს ჩასასვლელი (ბენზოგასამართ სადგურის მიმდებარედ),3. შავი ზღვის უნივერსიტეტი (ბენზოგასამართ სადგურის მიმდებარედ),4. აგრარული და თავისუფალი უნივერსიტეტების მოპირდაპირედ,5. ,,თბილისი მოლი“.  საზოგადოებრივი ტრანსპორტი  პერმანენტულად სუფთავდება და წესრიგდება, რადგან  მნიშვნელოვანია მოქალაქეებმა კომფორტულ და სუფთა გარემოში იმგზავრონ.მცხეთის მუნიციპალიტეტის მერია გთხოვთ, მგზავრობის დროს დაიცავით სისუფთავე, ნუ დაანაგვიანებთ! წარმოდგიდგენთ მცხეთის მუნიციპალური ტრანსპორტის განრიგს:

უკვე მესამედ, ტრადიციულად, წელსაც, მცხეთამ, მთავრობის ადმინისტრაციის ორგანიზებით, საახალწლო ღონისძიებას უმასპინძლა. ქალაქის ცენტრალურ მოედანზე მისული სტუმრებისათვის 14:00 საათიდან მრავალფეროვანი, ყველა ასაკზე გათვლილი აქტივობა იყო წარმოდგენილი. მათ შორის მოეწყო საშობაო ბაზრობები, გამოფენა-გაყიდვები, საბავშვო გასართობი სივრცეები; გაიმართა კოსტიუმირებული ორკესტრისა და ზღაპრის გმირთა მსვლელობა; ტერიტორიაზე განთავსდა ხის საახალწლო სახლები, ფოტოგადასაღები სტენდები და ინსტალაციები, ხოლო პატარებს თოვლის პაპა ტკბილეულსა და საჩუქრებს გადასცემდა. დღის ბოლოს კი შეკრებილი საზოგადოების მუსიკალურ განწყობაზე ადგილობრივმა და მოწვეულმა ჯგუფებმა - The light room-მა და "მგზავრებმა" იზრუნეს. საახალწლო ღონისძიებები, მთავრობის ადმინისტრაციის ორგანიზებით, მთელი ქვეყნის მასშტაბით გაიმართა. მათ შორის ღონისძიებებს მცხეთა-მთიანეთის მხარეში შემავალმა ოთხივე მუნიციპალიტეტმა უკვე უმასპინძლა. 

დღეს, მცხეთაში, მთავრობის ადმინისტრაციის ორგანიზებით, საახალწლო ღონისძიება გაიმართება. ამ წუთებში ქალაქის ცენტრალურ მოედანზე ღონისძიების მოსამზადებელი სამუშაოები მიმდინარეობს, 14:00 საათიდან კი ადგილზე მისულ სტუმრებს ყველა ასაკზე გათვლილი მრავალფეროვანი აქტივობები დახვდება.

სვეტიცხოვლის საკათედრო ტაძარში, საშობაო ლიტურგიას ესწრებიან საქართველოს პარლამენტის წევრი დიმიტრი ხუნდაძე, მცხეთა-მთიანეთის მხარის სახელმწიფო რწმუნებული დავით ნოზაძე და მცხეთის მუნიციპალიტეტის მერი დიმიტრი ზურაბიშვილი ოჯახთან ერთად.

მცხეთის მუნიციპალიტეტის თითოეულ მაცხოვრებელს გილოცავთ ახალ წელს. გისურვებთ ჯანმრთელობას, დღეგრძელობას და კეთილდღეობას.

31 დეკემბრის ახალი წლის ღამეს, საქართველოს პარლამენტის წევრი დიმიტრი ხუნდაძე, მცხეთის მუნიციპალიტეტის მერი დიმიტრი ზურაბიშვილი და საკრებულოს თავმჯდომარე გიორგი ელოშვილი იმ უწყებებში იმყოფებოდნენ, რომლებიც ჩვენი და ჩვენი ქვეყნის მოქალაქეების ჯანმრთელობზე და უსაფრთხოებაზე 24 საათიან რეჟიმში მუშაობენ.

რეგიონალური ჩემპიონატის გამარჯვებულთა დაჯილდოება ფეხბურთში მცხეთაში, 2023 წლის მცხეთა-მთიანეთის რეგიონალური ჩემპიონატის გამარჯვებულთა დაჯილდოება გაიმართა ფეხბურთში, სადაც სხვადასხვა ასაკობრივ ჯგუფებში 9 გუნდი მონაწილეობდა.

მცხეთის მუნიციპალიტეტის მერიაში, „გამარჯობა, აფხაზეთო, შენი!“- წიგნის წარდგენა და ნახატების გამოფენა მოეწყო. მცხეთის მუნიციპალიტეტის მერმა, დიმიტრი ზურაბიშვილმა განათლების, კულტურის და სპორტის სამსახურის თანამშრომლებთან და საკონკურსო კომისიის წევრებთან ერთად კონკურსის მონაწილეები დააჯილდოვა. პროექტი იმ გმირების ხსოვნისა და სახელის უკვდავყოფას მიეძღვნა, რომლებმაც თავი გაწირეს სამშობლოს დამოუკიდებლობის დასაცავად. მისი ძირითადი მიზანი ახალგაზრდებში ომის ნეგატიური შედეგების გააზრება, კონფლიქტების დარეგულირებისას ხელოვნების როლის წინ წამოწევა და ახალგაზრდა, დამწყები მხატვრების, ესეს ავტორების, გრაფიკული დიზაინერებისა და წიგნის რედაქტორების გამოვლენა და წახალისებაა. აღნიშნული პროექტი მცხეთის მუნიციპალიტეტის მერიის განათლების, კულტურის და სპორტის სამსახურის სპორტისა და ახალგაზრდობის საქმეთა განყოფილების ინიციატივითა და ორგანიზებით მიმდინარე წლის 27 სექტემბერს, სოხუმის დაცემის დღეს დაიწყო. კონკურსი ოთხი მიმართულებით გაიმართა: ნახატების, ესეების, წიგნის ყდის დიზაინისა (შესრულებული გრაფიკულ პროგრამებში) და წიგნის რედაქტორის. გამარჯვებულები მცხეთის მუნიციპალიტეტის მერის ბრძანებით დაკომპლექტებულმა კომპეტენტურმა ჟიურიმ გამოავლინა. პროექტის ფარგლებში მცხეთის მუნიციპალიტეტის მერიამ გამოსცა კრებული, რომელშიც აფხაზეთის თემაზე შექმნილი საკონკურსო ესეები და ნახატებია შესული. აღსანიშნავია, რომ ყდის დიზაინერიც და რედაქტორიც კონკურსის შედეგად შეირჩა და კრებული მთლიანად მცხეთის მუნიციპალიტეტის ახალგაზრდების ჩართულობით გამოიცა. კონკურსის მონაწილეებს, მცხეთის მუნიციპალიტეტის მერიისგან მადლობის სიგელები და წიგნები გადაეცათ, ხოლო გამარჯვებულებს - დიპლომები და ფასიანი საჩუქრები

მუხრანელმა სანდრო შარიფაშვილმა უნგრულ დიორში მიმდინარე ჭაბუკ ძიუდოისტთა ევროპის თასზე მესამე ადგილი მოიპოვა და ბრინჯაოს მედლით დაჯილდოვდა. ახალგაზრდა სპორტსმენს ევროპის ჩემპიონატზე მოპოვებული გამარჯვება მცხეთის მუნიციპალიტეტის მერმა დიმიტრი ზურაბიშვილმა პირადად მიულოცა და სიმბოლური საჩუქრები გადასცა. „ვულოცავ სანდროს ამ მნიშვნელოვან მიღწევას, ვუსურვებ წარმატებას და დარწმუნებული ვარ ჩვენ მუნიციპალიტეტს და მუხრანს კიდევ ბევრჯერ ასახელებს“ - დიმიტრი ზურაბიშვილი. უნგრული შეჯიბრება ქართველებისთვის 8 მედლით დასრულდა - 3 ოქრო, 1 ვერცხლი და 4 - ბრინჯაო