პროგრამას დაემატა ახალი მომსახურება -  შეზღუდული შესაძლებლობის პირთა სოციალური დაცვა. დახმარება გაიცემა სოციალურად დაუცველი ოჯახების მონაცემთა ერთიან ბაზაში რეგისტრირებულ 150000 სარეიტინგო ქულის მქონე, შეზღუდული შესაძლებლობის მქონე პირებზე წელიწადში ერთხელ 200 ლარის ოდენობით. გაიზარდა სხვადასხვა პროგრამით მოსარგებლე პირთა დაფინანსება - თირკმლის ქრონიკული დაავადების მქონე, დიალეზის პროგრამაში ჩართული პირების ყოველთვიური ფინანსერი დახმარება გახდა 100 ლარი. ერთჯერადი ფინანსური დახმარების ოდენობა განისაზღვრება 100 და/ან 200 ლარით. პროგრამას დაემატა ახალი მუხლები :18 წლამდე ასაკის შაქრიანი დიაბეტით (ინსულინ დამოკიდებული ) დაავადებული პირების საკურორტო დახმარება. ერთ ბენეფიციარზე საკურორტო ვაუჩერით მომსახურება განკუთვნილია არაუმეტეს 1000 ლარის ოდენობით. ხანძრის შედეგად დაზარალებული ოჯახების ფინანსური დახმარება გახდა 2500 ლარი , ხოლო სრულად განადგურების შემთხვევაში 7500 ლარი. (თუ ხანძარი გამოწვეული იყო ოჯახის წევრის განზრახ ბრალით, კომისიის გადაწყვეტილებით პირს ეცნობება უარი განცხადების დაკმაყოფილებაზე)ომის ვეტერანთა სოციალური დაცვა - 9 მაისი დღესასწაულთან დაკავშირებით , ერთჯერადი ფულადი დახმარება გაიცემა მეორე მსოფლიო ომის ვეტერანებზე 500 ლარის ოდენობით.  ერთჯერადი ფულადი დახმარება 200 ლარის ოდენობით, გაიცემა ვეტერანებზე რომლებიც რეგისტრირებულნი არიან სოციალურად დაუცველი ოჯახების მონაცემთა ერთიან ბაზაში და სარეიტინგო ქულა არ აღემატება 150000-ს. სამედიცინო მომსახურების დაფინანსების წესი - ჩამოყალიბდა ახალი რედაქციით. კერძოდ აღარ იქნება 50 % შეზღუდვა იმ შემთხვევებზე, როდესაც არავის მიერ არ ხდება დაფინანსება და მხოლოდ მუნიციპალიტეტის და ბენეფიციარის მიერ ხდება მომსახურების გაწევა.

2022 წლის 29 ივლისს, 15:00 სთ-ზე, მცხეთის მუნიციპალიტეტის სოფელ ჩარდახის საბავშვო ბაღის შენობაში, შპს „თუში ქოლექშენის“ ლოჯისტიკური საოფისე ცენტრისა და სასაწყობე მეურნეობის მშენებლობისა და ექსპლუატაციის გარემოზე ზემოქმედების შეფასების ანგარიშის საჯარო განხილვა გაიმართება.გაცნობებთ, რომ შპს „თუში ქოლექშნის“ მიერ, სსიპ გარემოს ეროვნულ სააგენტოში წარდგენილი მცხეთის მუნიციპალიტეტში, ლოჯისტიკური საოფისე ცენტრისა და სასაწყობე მეურნეობის (ურბანული განვითარების პროექტი) მშენებლობისა და ექსპლუატაციის გარემოზე ზემოქმედების შეფასების ანგარიში და კანონით გათვალისწინებული თანდართული დოკუმენტაცია განთავსებულია გარემოს ეროვნული სააგენტოს ოფიციალურ ვებგვერდზე. 

მცხეთის მუნიციპალიტეტის მერმა დიმიტრი ზურაბიშვილმა, სოფელ ჯიღაურაში სკვერის მოწყობის სამუშაოები დაათვალიერა. პროექტის ფარგლებში, მიმდინარეობს მოსასვენებელი სკვერის კეთილმოწყობა. ბილიკებზე დეკორატიული ფილები იგება და ეწყობა ბავშვთა გასართობი მოედანი ატრაქციონებით. დამონტაჟდება მოსასვენებელი სკამები, დეკორატიული სანათები, ურნები, ატრაქციონებთან ბავშვთა უსაფრთხოებისთვის დაიგება კაუჩუკის ფილები, ტერიტორია შემოიღობება ლითონის კონსტრუქციით. სამშენებლო სამუშაოები, ადგილობრივი ბიუჯეტიდან გამოყოფილი თანხებით ფინანსდება და შპს ,,მშენკომპლექსი“ ახორციელებს. მიმდინარე სამუშაოებს, ასევე ადგილზე გაეცნენ მერის მოადგილეები და საკრებულოს თავმჯდომარის მოადგილე. სკვერის მოწყობა მიმდინარე წლის ზაფხულის ბოლომდე დასრულდება და ადგილობრივ მოსახლეობას შესაძლებლობა ექნება თავისუფალი დრო კეთილმოწყობილ და სუფთა გარემოში გაატაროს.

Story - სივრცე დაუვიწყარი memory - სთვის21 ივნისს, საგურამოს ცენტრალურ სკვერში, მცხეთის მუნიციპალიტეტის მერიის მხარდაჭერით და შპს „ახალგაზრდობის საერთაშორისო ჯგუფის" ორგანიზებით საზოგადოებრივი სივრცე “story” გაიხსნა. შაბათს, 9 ივლისს, 16:00 ზე, საგურამოში, ჯადოსნურ სივრცე სთორიში, მოეწყობა კრაფტის კუთხე, სადაც ბავშვები შეძლებენ სხვადასხვა ატრიბუტისგან: საწრუპებისგან, მუყაოს ქაღალდებისგან, ფერადი ფურცლებისგან და ა. შ., შექმნან სხვადასხვა გამოყენებადი/ კრეატიული ნივთები, რაშიც მათ სპეციალურად მოწვეული კრაფტ არტისტები დაეხმარებიან.მსგავსი აქტივობები ბავშვს ეხმარება როგორც მოტორიკის, ასევე ფანტაზიის განვითარება/გავარჯიშებაში. გარდა ამისა, ბავშვებისთვის მოეწყობა გასართობი  პროგრამაც, სადაც პატარებს წამყვანი ანიმატორი შესთავაზებს სხვადასხვა მხიარულ და სახალისო თამაშს. (პროგრამის ხანგრძლივობა 1 საათი). ღონისძიება იქნება მხიარული, შემოქმედებითი, შემეცნებითი და სანახაობრივი; გამოვლინდებიან და დასაჩუქრდებიან ყველაზე კრეატიული პატარა კრაფტ ოსტატები (ბარი Story-ის ვაუჩერებით) . მოიყვანეთ ბავშვები და ერთად შევქმნათ დაუვიწყარი Memory. მონაწილეობა და დასწრება თავისუფალია. შეგახსენებთ, რომ ზაფხულის განმავლობაში აღნიშნულ სივრცეში თქვენ გელოდებათ სხვადასხვა ღონისძიება:ორშაბათიდან - ხუთშაბათის ჩათვლით ღია კინო ჩვენებები story მონიტორზე.პარასკევი/შაბათი/კვირა - ცოცხალი მუსიკის საღამოები. ყოველდღე თქვენ შეგიძლიათ ითამაშოთ სხვადასხვა სახის სამაგიდო თამაში (მონოპოლია, ბიზნესი, ნარდი და სხვა). Story სივრცეში თქვენ შეგიძლიათ ეწვიოთ story ბარს, დააგემოვნოთ სხვადასხვა გემრიელობა და კიდევ უფრო მეტად აიმაღლოთ განწყობა

მცხეთის მუნიციპალიტეტის მერიასა და სს „შატო მუხრანს“ შორის თანამშრომლობის მემორანდუმი გაფორმდა. თანამშრომლობის მემორანდუმს ხელი მოაწერეს მცხეთის მუნიციპალიტეტის მერმა დიმიტრი ზურაბიშვილმა და შატო მუხრანის მთავარ აღმასრულებელმა ოფიცერმა (ინვესტორმა) პატრიკ ფონეფმა. მხარეები შეთანხმდნენ, რომ სოფელ მუხრანში, ინვესტორის მიერ აშენდება და კეთილმოეწყობა სპორტული მოედნები, დასასვენებელი სკვერები, ასევე კეთილმოეწყობა ეკლესიების მიმდებარე ტერიტორიები და განხორციელდება სოფელ მუხრანის ცენტრის რეაბილიტაცია. ინვესტორს მცხეთის მუნიციპალიტეტის ტერიტორიაზე დაგეგმილი აქვს საინვესტიციო პროექტების გაფართოება. ზემოაღნიშნული პროექტები კი ხელს შეუწყობს მცხეთის მუნიციპალიტეტის ტურისტული მიმზიდველობის გაზრდას. ხელმოწერის ცერემონიას მერის მოადგილეები თამაზ ფოლოდაშვილი და გიორგი ბაჯაძე, მერიის თანამშრომლები, საკრებულოს თავმჯდომარე, მოადგილეები და წევრები ესწრებოდნენ.

მცხეთის მუნიციპალიტეტის მერმა დიმიტრი ზურაბიშვილმა, მცხეთის ნიჩბოსნობის ბაზაზე, საქართველოს კულტურის, სპორტისა და ახალგაზრდობის მინისტრს უმასპინძლა. თეა წულუკიანმა საქართველოს კანოეს ფედერაციას ახალი აღჭურვილობა გადასცა. ქართველ ნიჩბოსნებს გადაეცათ 20 კანოეს ნავი, 3 სლალომის ნავი, 2 კაიაკი, 1 საპის ორიგინალი ნავი, 1 კატერი და 1 კანოეს ტრენაჟორი. კანოეს ფედერაციისათვის გადაცემული ნავები და სხვა ეკიპირება 120 000 ლარის ღირებულებისაა. ფედერაციამ ამ მასშტაბის აღჭურვილობა სახელმწიფოსგან დამოუკიდებელი საქართველოს ისტორიაში პირველად მიიღო. ბოლო წლების განმავლობაში, სპორტის ამ სახეობაში საქართველოს ნაკრები წარმატებით ასპარეზობს, როგორც ახალგაზრდულ ტურნირებზე, ისე უფროსი ასაკის სპორტსმენებს შორის გამართულ ტურნირებზე. სავარჯიშო ნავების არქონის პრობლემა 2021 წელს სპორტის მინისტრსა და ფედერაციის წარმომადგენლებს შორის შეხვედრაზე გამოიკვეთა. მინისტრმა კანოეს ფედერაციას ამ პრობლემის გადაწყვეტაში მხარდაჭერა აღუთქვა.

მცხეთის მუნიციპალიტეტის სოფელ წილკნის დევნილთა დასახლების მიმდებარე ტერიტორიაზე აქტიურად მიმდინარეობს მზრუნველობამოკლებულ მოხუცთა რეგიონული თავშესაფრის მშენებლობა. მშენებლობა გასული წლის ნოემბერში დაიწყო და მისი დასრულება მიმდინარე წლის ბოლომდე დასრულდება.

2 ივლისიდან 22 ივლისის ჩათვლით, მცხეთის მუნიციპალიტეტის მერიის ორგანიზებით, მიმდინარეობს სახელოვანი მცხეთელი ფეხბურთელის მერაბ ხუცურაულის სახელობის თასის გათამაშება მინი ფეხბურთში, სადაც მცხეთის მუნიციპალიტეტის სოფლებისა და ქალაქ მცხეთის ფეხბურთის მოყვარულთა 14 გუნდი იღებს მონაწილეობას.

სოფელ მუხრანში, მცხეთის მუნიციპალიტეტის მერიის ხელშეწყობით და თვალის მიკროქირურგიის ჯავრიშვილის კლინიკა „ოფთალმიჯი“-ს მიერ, ექიმ-ოფთალმოლოგმა სოფო იმედაშვილმა უფასო კონსულტაცია ჩაატარა.

მცხეთაში სასაფლაოს ტერიტორიის შემოღობვის სარეაბილიტაციო სამუშაოები აქტიურად მიმდინარეობს, რომელიც ადგილობრივი ბიუჯეტიდან ფინანსდება. სამუშაოებს მცხეთის მერიის კონტრაქტორი კომპანია შპს ,,თეგიტა უნივერსალი“ ახორციელებს.

მცხეთის მუნიციპალიტეტის მერი, დიმიტრი ზურაბიშვილი ადგილობრივი ხელისუფლების წარმომადგენლებთან ერთად მოქალაქეებს შეხვდა.

მცხეთაში, თეატრონის მიმდებარედ, საკალათბურთო ღია მოედნის მოწყობა დასასრულს უახლოვდება. სამუშაოებს მცხეთის მერიის კონტრაქტორი კომპანია შპს ,,მეტალი +“ ახორციელებს. პროექტით გათვალისწინებული მოედნის გვერდით მოეწყო სატრენაჟორო კუთხე.