მცხეთის მუნიციპალიტეტის ახლადარჩეული მერი დიმიტრი ზურაბიშვილი, მერიის თანამშრომლებს მცხეთა - მთიანეთის სახელმწიფო რწმუნებულმა დავით ნოზაძემ და პარლამენტის ჯანდაცვისა და სოციალურ საკითხთა კომიტეტის თავმჯდომარემ დიმიტრი ხუნდაძემ წარუდგინეს.

აშშ-ს და საქართველოს შორის თანამშრომლობის განვითარების ფარგლებში, აშშ-ს საელჩოს თავდაცვის სფეროში თანამშრომლობის სამსახურსა და მცხეთის მუნიციპალიტეტის მერიას შორის გაფორმებული ურთიერთთანამშრომლობის მემორანდუმის საფუძველზე, დაგეგმილია წეროვნის და წილკნის დევნილთა დასახლების მიმდებარედ სამედიცინო საჭიროების მქონე მოხუცთა თავშესაფარის მშენებლობა, რომელიც 2022 წელს უნდა დასრულდეს.

მცხეთის მუნიციპალიტეტის კულტურისა და განათლების მულტიფუნქციური ცენტრის ორგანიზებითა და მხარდაჭერით 22 ოქტომბერს, ახალგაზრდა პოეტის, თენგო ხუციშვილის წიგნის „ შენამდე...“ პრეზენტაცია გაიმართა.

მცხეთის მუნიციპალიტეტის სოფელ წეროვანში შიდასაუბნო გზების რეაბილიტაციის სამუშაოები აქტიურად მიმდინარეობს.

"ერთი მსახიობი სოფლად"- პროექტის ფარგლებში 18 ოქტომბერს მცხეთის მუნიციპალიტეტის კულტურისა და განათლების მულტიფუნქციური ცენტრის, ნავაზის ოთარ ჭილაძის სახელობის ბიბლიოთეკაში, 19 ოქტომბერს კი ლადო ასათიანის სახელობის ახალგაზრდულ ბიბლიოთეკაში შედგა შეხვედრა რუსთაველის ეროვნული თეატრის მსახიობ ია სუხიტაშვილთან "მშვიდობით მოველ".

მცხეთის მუნიციპალიტეტის სოფელ ციხისძირის ცენტრალური გზის სარეაბილიტაციო სამუშაოები აქტიურად მიმდინარეობს. დაიგო ასფალტო-ბეტონის საფარის პირველი ფენა, რომელსაც წინ უძღოდა საფუძვლის ქვედა ფენის ქვიშა-ხრეშოვანი მასალით მოწყობა. უახლოეს ერთი თვის განმავლობაში მოხდება მეორე ფენის დაგება. გზის სარეაბილიტაციო სამუშაოების დასრულების შემდეგ მოსახლეობას გადაადგილება კომფორტული და უსაფრთხო გზით შეეძლება.

მცხეთა-მთიანეთის მხარის სახელმწიფო რწმუნებულმა დავით ნოზაძემ და დაავადებათა კონტროლისა და საზოგადოებრივი ჯანმრთელობის ეროვნული ცენტრის ხელმძღვანელმა ამირან გამყრელიძემ სოფელ მუხრანში ადგილობრივი ხელისუფლებისა და სამედიცინო სფეროს წარმომადგენლებთან შეხვედრა გამართეს.

მცხეთის მუნიციპალიტეტში მე-10 ამცრელი დაწესებულება გაიხსნა. ამიერიდან, მოსახლეობა ვაქცინაციის ჩატარებას სოფელ ქსნის ამბულატორიაშიც შეძლებს. ადგილზე იმუნიზაციის პროცესი კვირაში 3 დღის განმავლობაში, წინასწარი რეგისტრაციის გარეშე, ჩინური წარმოების ვაქცინებით „სინოფარმითა“ და „სინოვაკით“ მიმდინარეობს.

მცხეთის მუნიციპალიტეტის ადმინისტრაციულ შენობაში,საზეიმოდ გაიხსნა თანამედროვე სტანდარტის შესაბამისი მოქალაქეთა მისაღები ბიურო. გახსნას მცხეთის მუნიციპალიტეტის მერი გიორგი კაპანაძე, მოადგილე მარინა ზურაბიშვილი, მცხეთა-მთიანეთის მხარის სახელმწიფო რწმუნებულის მოადგილე გოჩა ქავთარაძე, პროექტის „კარგი მმართველობა ადგილობრივი განვითარებისათვის სამხრეთ კავკასიაში“ დირექტორი კრიშტოფ ბეიერი, მერიის თანამშრომლებთან და მოქალაქეებთან ერთად დაესწრნენ.

კიდევ ერთხელ მინდა უდიდესი მწუხარება გამოვხატო ტრაგედიის გამო, რომელიც ბათუმში დატრიალდა. სრულიად საქართველო იზიარებს ამ დიდ ტკივილს. მთელი გულითა და გონებით ვდგავართ დაღუპულთა ოჯახების გვერდით და თანაგრძნობას ვუცხადებთ მათ.

მცხეთის მუნიციპალიტეტის სოფელ ნიჩბისის ამბულატორია ტელემედიცინის აპარატურა - ტელემონიტორით აღიჭურვა. შედეგად, მოქალაქეებს შესაძლებლობა ექნებათ, გამოკვლევა, ადგილობრივი სამედიცინო პერსონალის გარდა, ონლაინ საშუალებით სხვა ექიმებთანაც ჩაიტარონ.

მცხეთა-მთიანეთის სახელმწიფო რწმუნებულმა დავით ნოზაძემ მოსწავლეებსა და პედაგოგებს სწავლის საკლასო სივრცეში გაგრძელება, ხოლო პირველკლასელებს სასწავლო წლის დაწყება მიულოცა. მხარის პირველი პირი, მცხეთის მუნიციპალიტეტის მერ გიორგი კაპანაძესთან ერთად, სოფელ პატარა ქანდის საჯარო სკოლაში იმყოფებოდა, სადაც მოსწავლეებს, მათ მშობლებსა და პედაგოგებს შეხვდა და წარმატებები უსურვა.