მცხეთის მუნიციპალიტეტში მე-10 ამცრელი დაწესებულება გაიხსნა. ამიერიდან, მოსახლეობა ვაქცინაციის ჩატარებას სოფელ ქსნის ამბულატორიაშიც შეძლებს. ადგილზე იმუნიზაციის პროცესი კვირაში 3 დღის განმავლობაში, წინასწარი რეგისტრაციის გარეშე, ჩინური წარმოების ვაქცინებით „სინოფარმითა“ და „სინოვაკით“ მიმდინარეობს.

მცხეთის მუნიციპალიტეტის ადმინისტრაციულ შენობაში,საზეიმოდ გაიხსნა თანამედროვე სტანდარტის შესაბამისი მოქალაქეთა მისაღები ბიურო. გახსნას მცხეთის მუნიციპალიტეტის მერი გიორგი კაპანაძე, მოადგილე მარინა ზურაბიშვილი, მცხეთა-მთიანეთის მხარის სახელმწიფო რწმუნებულის მოადგილე გოჩა ქავთარაძე, პროექტის „კარგი მმართველობა ადგილობრივი განვითარებისათვის სამხრეთ კავკასიაში“ დირექტორი კრიშტოფ ბეიერი, მერიის თანამშრომლებთან და მოქალაქეებთან ერთად დაესწრნენ.

კიდევ ერთხელ მინდა უდიდესი მწუხარება გამოვხატო ტრაგედიის გამო, რომელიც ბათუმში დატრიალდა. სრულიად საქართველო იზიარებს ამ დიდ ტკივილს. მთელი გულითა და გონებით ვდგავართ დაღუპულთა ოჯახების გვერდით და თანაგრძნობას ვუცხადებთ მათ.

მცხეთის მუნიციპალიტეტის სოფელ ნიჩბისის ამბულატორია ტელემედიცინის აპარატურა - ტელემონიტორით აღიჭურვა. შედეგად, მოქალაქეებს შესაძლებლობა ექნებათ, გამოკვლევა, ადგილობრივი სამედიცინო პერსონალის გარდა, ონლაინ საშუალებით სხვა ექიმებთანაც ჩაიტარონ.

მცხეთა-მთიანეთის სახელმწიფო რწმუნებულმა დავით ნოზაძემ მოსწავლეებსა და პედაგოგებს სწავლის საკლასო სივრცეში გაგრძელება, ხოლო პირველკლასელებს სასწავლო წლის დაწყება მიულოცა. მხარის პირველი პირი, მცხეთის მუნიციპალიტეტის მერ გიორგი კაპანაძესთან ერთად, სოფელ პატარა ქანდის საჯარო სკოლაში იმყოფებოდა, სადაც მოსწავლეებს, მათ მშობლებსა და პედაგოგებს შეხვდა და წარმატებები უსურვა.

მცხეთის მუნიციპალიტეტის სოფელ ქსოვრისში ახალი საექიმო ამბულატორია გაიხსნა, სადაც ადგილობრივი მოსახლეობა პირველად სამედიცინო მომსახურებას თანამედროვე სტანდარტების შესაბამის გარემოში მიიღებს. ამბულატორია პირველადი ჯანდაცვის ცენტრისათვის საჭირო ყველა სამედიცინო ინვენტარითაა აღჭურვილი და 2800-მდე ბენეფიციარს მოემსახურება.

მცხეთის მუნიციპალიტეტის სოფელ მისაქციელში სპორტული დარბაზის მშენებლობა დასრულდა. პროექტის ფარგლებში მოეწყო საქვაბე და შიდა პერიმეტრზე დამონტაჟდა გათბობის სისტემა. ამასთან, მაყურებლისათვის დაიდგა სკამები. შიდა სამშენებლო სამუშაოების პარალელურად კი, შემოიღობა სპორდარბაზის ეზო, რომელიც ბეტონის ფილებით მოპირკეთდა.

მცხეთის მუნიციპალიტეტის სოფელ მუხრანში მდებარე ამბულატორიის სრული სარეაბილიტაციო სამუშაოები დაიწყო. პროექტის ფარგლებში მოეწყობა წყალმომარაგებისა და კანალიზაციის სისტემები, ცენტრალური გათბობა და საქვაბე, მეტალოპლასტმასის კარ-ფანჯარა, ავტოსადგომი, გარე განათება და ლითონის ღობე. დამონტაჟდება სახანძრო სიგნალიზაციის სისტემა და კეთილმოეწყობა ეზო.

მცხეთის მუნიციპალიტეტის სოფელ ძველ ქანდაში ახალი საექიმო ამბულატორია გაიხსნა, სადაც პირველადი სამედიცინო მომსახურების მიღებას ადგილობრივი მოსახლეობა უკვე დღეიდან შეძლებს.

მცხეთა-მთიანეთის სახელმწიფო რწმუნებულის ადმინისტრაციისა და მცხეთის მუნიციპალიტეტის მიერ მუხათწყარო-მსხალდიდის შემოვლით გზაზე სარეაბილიტაციო სამუშაოები დაიწყო. პირველ ეტაპზე უკვე მოსწორდა და დაიტკეპნა გზის ნაწილი. აღნიშნული სამუშაოების დასრულების შემდეგ კი გზის დაზიანებული მონაკვეთები მოიხრეშება. შედეგად, მოსახლეობა გადაადგილებას უსაფრთხო და გაუმჯობესებულ პირობებში შეძლებს.

მცხეთა-მთიანეთის სახელმწიფო რწმუნებულის ადმინისტრაციის, საქართველოს წითელი ჯვრის საზოგადოების, განათლებისა და მეცნიერების სამინისტროს, ასევე, ჯანდაცვის სამინისტროსა და დაავადებათა კონტროლისა და საზოგადოებრივი ჯანმრთელობის ეროვნული ცენტრის კოორდინირებული მუშაობის შედეგად, სოფელ მუხრანში, საჯარო სკოლის სპორტულ დარბაზში, მასობრივი იმუნიზაციის ცენტრი გაიხსნა.

საქართველოს კულტურის, სპორტისა და ახალგაზრდობის მინისტრი თეა წულუკიანი, პირველ მოადგილე კახა სიხარულიძესთან ერთად მცხეთაში იმყოფებოდა. ვიზიტის ფარგლებში მინისტრი მცხეთა-მთიანეთის მხარეში სახელმწიფო რწმუნებულ დავით ნოზაძესთან, საქართველოს პარლამენტის წევრ დიმიტრი ხუნდაძესთან მცხეთის მუნიციპალიტეტის მერთან გიორგი კაპანაძესთან და ადგილობრივი ხელისუფლების წარმომადგენლებთან ერთად ქალაქში განხორციელებულ ინფრასტრუქტურულ პროექტებს გაეცნო.