სამთავროს დედათა მონასტერთან ავტოსადგომისა და საფეხმავლო ბილიკების განათების მოწყობა მიმდინარეობს. მოხდა დაზიანებული ასფალტის მოხსნა და სამშენებლო ნარჩენების გატანა. ამჟამად, მიმდინარეობს საფუძვლის ქვედა ფენის მოწყობა ქვიშა-ხრეშოვანი მასალით.

მცხეთაში გარე განათებების, ტროტუარების, მოაჯირების და მოსახლეობის ეზოების შემოღობვის სარეაბილიტაციო სამუშაოები მიმდინარეობს. თბილისიდან მცხეთაში შემოსასვლელი ხიდის მიმდებარედ მოხსნილია ასფალტის საფარი და სამუშაო პერიმეტრზე მიმდინარეობს გარე განათების ბოძებისთვის წერტილოვანი საძირკვლისა და სადენებისთვის ქვიშის ბალიშის მომზადება.

საქართველოს საპატრიარქოს ფონდის „გაამწვანე საქართველო“ ინიციატივით, მცხეთაში, სვეტიცხოველის მიმდებარე ტერიტორიაზე გამწვანების აქცია გაიმართა.

ქალთა კვირეულის ფარგლებში ა(ა)იპ ძდექ მცხეთა–მთიანეთის კომიტეტის ინიციატივითა და ორგანიზებით მცხეთის მუნიციპალიტეტის მერიის მხარდაჭერითა და „ქალთა ფონდი–საქართველოში“ ფინანსური უზრუნველყოფით პროექტის „ ქალი , ოჯახი, საზოგადოება“ დასკვნითი ნაწილის პრეზენტაცია გაიმართა.

ქალაქ მცხეთაში ტროტუარების, ბორდიურების და გამწვანების მოწყობის სამუშაოები მიმდინარეობს, რომელიც ფოსტიდან მირიანის ქუჩის ჩათვლით მონაკვეთს მოიცავს. პროექტი ითვალისწინებს არსებული ამორტიზირებული ბორდიურების დემონტაჟს, ასფალტის საფარის გაჭრას, მის აღდგენას, ბაზალტის ბორდიურების მოწყობას, კედლების მოპირკეთებას, ცალკეული მდგომი ხეების გარშემო ბორდიურების მოწყობას და ხეებისა და ბუჩქების დარგვას. სამუშაოებს ტენდერში გამარჯვებული კომპანია შპს ,,ნოდო“ ასრულებს.

2021 წლის 21 აპრილს 12:00 სთ-ზე, მცხეთის მუნიციპალიტეტში, სოფ. წილკნის ადმინისტრაციული ერთეულის შენობაში დაგეგმილია შპს „კერამიკა ართანას“ კერამიკული ფილებისა და კერამიკული ნაკეთობების საწარმოს მოწყობისა და ექსპლუატაციის პროექტის გარემოზე ზემოქმედების შეფასების ანგარიშის საჯარო განხილვა. გარემოზე ზემოქმედების შეფასების ანგარიშის საჯარო განხილვის შესახებ ინფორმაცია თანადართულ დოკუმენტაციასთან ერთად განთავსებულია სამინისტროს ოფიციალურ ვებგვერდზე

ქალთა კვირეულის ფარგლებში, ა(ა)იპ ძდექ მცხეთა–მთიანეთის კომიტეტის ორგანიზებით, მცხეთის მუნიციპალიტეტის მერიის მხარდაჭერითა და „ქალთა ფონდი–საქართველოში“ ფინანსური უზრუნველყოფით, ბოლნისის მუნიციპალიტეტში მცხეთისა და ბოლნისის მუნიციპალიტეტის მერიის თანამშრომლებმა და გენდერული საბჭოს წევრებმა სამუშაო შეხვედრა გამართეს. შეხვედრა მიზნად ისახავდა საუკეთესო პრაქტიკის გაზიარებას ქალთა და გოგონათა უფლებების დაცვის მიზნით, გენდერული თანასწორობის საბჭოს გაძლიერებას და საზოგადოების, ქალების, ახალგაზრდების ინფორმირებას.

მცხეთის მუნიციპალიტეტის სოფელ ბიწმენდს უახლოეს პერიოდში ახალი სკოლა და საბავშვო ბაღი ექნება. დასრულებულია სკოლის შიდა ინტერიერის მოწყობა-მოპირკეთება და აქტიური სამუშაოები მიმდინარეობს ეზოს კეთილმოსაწყობად, სადაც ხელოვნურსაფარიანი სპორტული მოედანიც განთავსდება. სკოლა 90 მოსწავლეზეა გათვლილი, ის ორსართულიანი იქნება და თა ნამედროვე სტანდარტების ყველა მოთხოვნას დააკმაყოფილებს.

ქ. მცხეთაში კოსტავას ქუჩის მიმდებარედ სკვერის რეაბილიტაცია მიმდინარეობს, რომელსაც რეგიონული განვითარების ფონდისა და მცხეთის მუნიციპალიტეტის დაფინანსებით სამშენებლო კომპანია შპს „ხარისხი“ ახორციელებს.

ცხადდება რეგისტრაცია სამოყვარულო საფეხბურთო გუნდებისათვის, მოყვარულთა თასის 2021 წლის სეზონში, საქართველოს რეგიონების მასშტაბით, მონაწილეობის მისაღებად!

სოფელ გალავანში ახალი საფეხბურთო მოედნის მშენებლობა დასრულდა. მოედნის მოსაწყობად ადგილობრივი ბიუჯეტიდან სახელშეკრულებლო 142 996 ლარი გამოიყო. სამუშაოებს მცხეთის მერიის კონტრაქტორი კომპანია ,,გლობალ სტანდარტმშენი” ასრულებდა. 2020 წელს, მუნიციპალიტეტის მასშტაბით ახალი სპორტული მოედნები 6 ლოკაციაზე ლისში, ახალუბანში, მსხალდიდში, ჩარდახი, ქსანში და ციხისძირში აშენდა. მათ მოსაწყობად მცხეთის მერიამ ადგილობრივი ბიუჯეტიდან მილიონ ლარზე მეტი გამოყო. 

22 მარტი წყლის რესურსების დაცვის საერთაშორისო დღეა. ამ დღესთან დაკავშირებით, მცხეთის მუნიციპალიტეტის სოფელებში მასშტაბური დასუფთავების აქცია ჩატარდა, სადაც მონაწილეობა სკოლის მოსწავლეებმა და პედაგოგებმა მიიღეს.