პრემიერ-მინისტრის ინიციატივის ფარგლებში, მცხეთაში საახალწლო ღონისძიება გაიმართა , ქალაქ მცხეთაში სხვადასხვა გასართობი ღონისძიება, რომელიც ყველა ასაკის მოქალაქისთვის იყო გათვლილი, მთელი დღის განმავლობაში მიმდინარეობდა. მოწყობილი იყო საშობაო ბაზრობა, გამოფენა-გაყიდვები, საბავშვო-გასართობი სივრცეები.

საახალწლო პროგრამის ფარგლებში, მცხეთის ცენტრალურ სკვერში, ორდღიანი საბავშვო ღონისძიება გაიმართა. მცხეთის მუნიციპალიტეტის კულტურისა და განათლების მულტიფუნქციური ცენტრის ორგანიზებით, მუნიციპალიტეტში მცხოვრები პატარებისთვის, მცხეთის ცენტრალურ სკვერში, მოეწყო უფასო ატრაქციონები, გასაბერი ბატუტი.

ახალი წლის ღამეს, მცხეთის მუნიციპალიტეტის მერი დიმიტრი ზურაბიშვილი და საქართველოს პარლამენტის ჯანდაცვისა და სოციალურ საკითხთა კომიტეტის თავმჯდომარე დიმიტრი ხუნდაძე იმ უწყებებში იმყოფებოდნენ, რომლებიც ჩვენი და ჩვენი ქვეყნის მოქალაქეების ჯანმრთელობზე და უსაფრთხოებაზე 24 საათიან რეჟიმში მუშაობენ.

30 დეკემბერს, კონსტანტინე გამსახურდიას სახელობის მცხეთის კულტურის ცენტრში, გრანდიოზული კონცერტი გაიმართა. საღამო მუსიკალურად თბილისის მერიის “ბიგ-ბენდმა” გააფორმა

სოფელ აღდგომლიანთკარში შიდა გზების მოასფალტება დასრულდა, რომელიც მნიშვნელოვნად გააუმჯობესებს ამ სოფელში მცხოვრები მოსახლეობის საავტომობილო მიმოსვლას.

მცხეთის მუნიციპალიტეტის მერმა დიმიტრი ზურაბიშვილმა და პირველმა მოადგილემ გივი გიუტაშვილმა, ქალაქ მცხეთაში მიმდინარე ინფრასტრუქტურული პროექტები დაათვალიერეს.

მცხეთის მუნიციპალიტეტის მერის, დიმიტრი ზურაბიშვილის ინიციატივით, მუნიციპალიტეტში მცხოვრებ 1500 ოჯახს, საახალწლოდ სასურსათო პაკეტები ურიგდება. მცხეთის მერმა, დღის ცენტრი „იალონი“-ს ბენეფიციარები პირადად მოინახულა, სასურსათო ნობათები გადასცა და დამდეგი შობა-ახალი წელი მიულოცა.

23 დეკემბერს, მცხეთის ცენტრალურ მოედანზე, საზეიმო ვითარებაში აინთო მცხეთის მთავარი ნაძვის ხე. დამსწრე საზოგადეობას და მუნიციპალიტეტის მოსახლეობას ახალი წელი მიულოცეს: პარლამენტის ჯანდაცვისა და სოციალურ საკითხთა კომიტეტის თავმჯდომარემ, დიმიტრი ხუნდაძემ, მცხეთის მუნიციპალიტეტის მერმა, დიმიტრი ზურაბიშვილმა, მხარის გუბერნატორმა, დავით ნოძაძემ და მცხეთის მუნიციპალიტეტის საკრებულოს თავმჯდომარემ, გიორგი ელოშვილმა.

23 დეკემბერს, 19:00 საათზე, მცხეთის ცენტრალურ მოედანზე გელოდებით ყველას, მცხეთის მთავარი ნაძვის ხის ანთების ცერემონიაზე. ღონისძიებას მუსიკალურად გააფორმებს ანსამბლი „მცხეთა“ და ღამის შოუს ბენდი. საღამოს წარუძღვება ანდრია გველესიანი.

პრემიერ-მინისტრის ინიციატივით, 24 დეკემბრიდან 8 იანვრის ჩათვლით, საქართველოს ყველა რეგიონში საახალწლო ღონისძიებები გაიმართება. 63-ვე მუნიციპალიტეტში მოეწყობა საშობაო ბაზრობები, გამოფენა- გაყიდვები, საბავშვო გასართობი სივრცეები. ტერიტორიაზე განთავსდება ხის საახალწლო სახლები, ფოტოგადასაღები სტენდები და ინსტალაციები.

მცხეთის მუნიციპალიტეტის მერის მოადგილემ გიორგი ბაჯაძემ, საბავშვო ბაღის აღსაზრდელებს საახალწლო საჩუქრები გადასცა და შობა-ახალი წელი მიულოცა - „მინდა განსაკუთრებით მივულოცო დამდეგი დღესასწაულები პატარებს. ბედნიერება, სიხარული და უფლის წყალობა არ მოკლებოდეთ. წარმატებების მომტანი ყოფილიყოს ეს წელი თითოეული მათგანისთვის“.

21 დეკემბერს, მცხეთის მუნიციპალიტეტის მერი დიმიტრი ზურაბიშვილი ა(ა)იპ მცხეთის მუნიციპალიტეტის კულტურისა და განათლების მულტიფუნქციური ცენტრის, დავით გამრეკელის სახელობის ხელოვნების სკოლას ესტუმრა და საშობაო-საახალწლო ღონისძიებას დაესწრო. სკოლის მოსწავლეებმა, ჩვეული პროფენისიონალიზმით, დამსწრე საზოგადოებას მუსიკალური ნომრები წარუდგინეს, რომლებმაც დიდი მოწონება დაიმსახურა.