მცხეთის მუნიციპალიტეტში, სოფ. საგურამოს საკანალიზაციო სისტემებისა და ჩამდინარე წყლების გამწმენდი ნაგებობის მოწყობა-ექსპლუატაციის პროექტი

23 ნოემბერს, ნანი ბრეგვაძის კონცერტი გაიმართა, მასთან ერთად მონაწილეობდნენ ეკა მამალაძე და ნატალია ქუთათელაძე. ღონისძიება მცხეთის მუნიციპალიტეტის ა(ა)იპ კულტურისა და განათლების მულტიფუნქციური ცენტრის ინიციატივით და ორგანიზებით ჩატარდა. ღონისძიებას ესწრებოდნენ, საქართველოს პარლამენტის ჯანდაცვისა და სოციალურ საკითხთა კომიტეტის თავმჯდომარე დიმიტრი ხუნდაძე, მცხეთის მუნიციპალიტეტის მერი დიმიტრი ზურაბიშვილი, მცხეთა-მთიანეთის სახელმწიფო რწმუნებული დავით ნოზაძე. სასცენო მოღვაწეობა ნანი ბრეგვაძემ 1956 წელს დაიწყო საქართველოს პოლიტექნიკური ინსტიტუტის საესტრადო ორკესტრში. 1959–64 წლებში ნანი ბრეგვაძე იყო საქართველოს სახელმწიფო საესტრადო ორკესტრი „რეროს“ სოლისტი. მისი პირველი ყველაზე დიდი შთაბეჭდილება უკავშირდება 1964 წლის გასტროლებს პარიზში მოსკოვის მიუზიკ-ჰოლთან ერთად. მაშინ ნანი პირველად გამოვიდა მსოფლიო მნიშვნელობის დარბაზ „ოლიმპიაში“, სადაც ორი თვის განმავლობაში პარიზიდან დაბრუნებული ნანი მიიწვიეს ანსამბლ „ორერაში“, სადაც 15 წელი მღეროდა. 1980 წლიდან ნანი ბრეგვაძემ სოლო–კარიერა დაიწყო. მის რეპერტუარში წამყვანი ადგილი უჭირავს ქართველ კომპოზიტორთა საესტრადო ნაწარმოებებს და უამრავი ახალი ნაწარმოების პირველი შემსრულებელიცაა. მას დიდი ღვაწლი მიუძღვის 60-70-იან წლებში ქართული საესტრადო ლირიკული სიმღერის აღმავლობაში. მაღალი ოსტატობით ასრულებს როგორც ქართულ, ასევე რუსი კომპოზიტორების სიმღერებს, განსაკუთრებით, ძველ რუსულ და ბოშურ რომანსებს. ჩაწერილი აქვს მრავალი ფირფიტა. ნანი ბრეგვაძის ხმა მრავალ ქართულ ფილმში ჟღერს, მათ შორის: „ვერის უბნის მელოდიები”, „შეხვედრა მთაში”, „დათა თუთაშხია”, „საბუდარელი ჭაბუკი”, „განგაში” და სხვ. 1974 წელს ნანი ბრეგვაძეს მიენიჭა საქართველოს სახალხო არტისტის წოდება. 2001 წელს ფილარმონიის წინ საზეიმოდ გაიხსნა მომღერლის სახელობის ვარსკვვლავი. დაჯილდოვებულია ღირსების ორდენით.

დღეს, გიორგობის დღესასწაულთან   დაკავშირებით, მცხეთის მუნიციპალიტეტის მერი დიმიტრი ზურაბიშვილი ქსნის წმინდა გიორგის სახელობის  ტაძარში საზეიმო წირვა-ლოცვას  დაესწრო და მრევლს გიორგობის დღესასწაული მიულოცა. დიმიტრი ზურაბიშვილმა , მერის მოადგილე თამაზ ფოლოდაშვილთან ერთად ასევე მოილოცა მცხეთის წმინდა გიორგის სახელობის ტაძარი:-“გიორგობის დღესასწაული განსაკუთრებული სიყვარულით აღინიშნება საქართველოში. წმინდა გიორგი საქართველოს სიმბოლოა და სწორედ ამიტომ არ არსებობს კუთხე ჩვენს ქვეყანაში, სადაც წმინდა გიორგის სახელობის ტაძარი არ იყოს. წმინდა გიორგი თავისი მოწამეობრივი ცხოვრებით ნამდვილად ჰგავს "ქართლის ცხოვრებას". ეს წმინდანი თავისი მებრძოლი ხასიათით ყველა ქართველშია და სწორედ ამიტომ ჰგავს ქართულ შეუპოვარ სულს.ვულოცავ ყველა გეორგიანელს დღევანდელ  დღეს! ფარავდეს წმინდა გიორგი ყველა ქართველს და სრულიად საქართველოს!"

სოფელ ნატახტარში ახალი საწარმო „ფუდ ალიანსი“ გაიხსნა, რომელიც პურ-ფუნთუშეულის დიდ ასორტიმენტს აწარმოებს და სრულადაა აღჭურვილი ახალი, ევროპული მაღალტექნოლოგიური დანადგარებით.

მცხეთის შოთა რუსთაველის მთავარ ბიბლიოთკაში გალაქტიონ ტაბიძის 130-ე წლისადმი მიძღვნილი პოეზიის საღამო ჩატარდა, რომელსაც მცხეთის აღნიშნული ბიბლიოთეკის მენეჯერი ნინო თათარაშვილი და მეთიოდისტი მანანა ზარიძე ხელმძღვანელობდნენ.

მცხეთის მუნიციპალიტეტის სოფელ წილკნის დევნილთა დასახლებაში მზრუნველობამოკლებულ მოხუცთა თავშესაფარი აშენდება. პროექტს, რომლის საგრანტო ღირებულება დაახლოებით 820 000 აშშ დოლარს შეადგენს, აშშ-ის ევროპული მთავარსარდლობა და აშშ-ის საელჩოს თავდაცვითი ურთიერთობის ოფისი აფინანსებს.

დღეს მცხეთის მუნიციპალიტეტის მერმა დიმიტრი ზურაბიშვილმა მოქალაქეთა მიღება გამართა, რომელსაც მერის მოადგილე თამაზ ფოლოდაშვილი ესწრებოდა. ადგილობრივებმა მუნიციპალიტეტის პირველ პირს პრობლემები გააცნეს და მათ მოგვარებაში დახმარება სთხოვეს. საკითხები ძირითადად ინფრასტრუქტურულ და სოციალურ საკითხებს უკავშირდებოდა.

მცხეთის მუნიციპალიტეტის მერი დიმიტრი ზურაბიშვილი, მცხეთის მუნიციპალიტეტის საზოგადოებრივი ჯანდაცვის ცენტრის ხელმძღვანელ ბადრი კუკულაძესთან ერთად მცხეთის სპორტულ გამაჯანსაღებელ კომპლექსში განთავსებულ ვაქცინაციის ცენტრს ეწვია და იმუნიზაციის პროცესს ადგილზე გაეცნო.

მცხეთის მუნიციპალიტეტის მერი დიმიტრი ზურაბიშვილი მშენებელი კომპანიების ხელმძღვანელებს შეხვდა, რომლებიც მცხეთის მუნიციპალიტეტში სამუშაოებს ახორციელებენ. შეხვედრის ფარგლებში, განიხილეს 2021 წლის მიმდინარე და დასრულებული პროექტები. მერმა კონტრაქტორ კომპანიებს ინფრასტრუქტურული პროექტების მაქსიმალურად მოკლე დროში დასრულება და აღნიშნული მიმართულებით ხარისხის გაუმჯობესება სთხოვა.

მცხეთის მუნიციპალიტეტის ნიჩბისის ადმინისტრაციულ ერთეულში ინფრასტრუქტურული პროექტები აქტიურად მიმდინარეობს . ახალ ნიჩბისში, ერთ კილომეტრამდე ბეტონის გზის დაგება მიმდინარეობს, რომელიც ადგილობრივი ბიუჯეტიდან ფინანსდება და შპს „ ჰედეფ ჯორჯია“ ახორციელებს. სამუშაოები მიმდინარე წლის ბოლომდე დასრულდება.

13 ნოემბერს, თბილისის საფეხბურთო ცენტრმა ნუცუბიძის პლატოზე, ,,მასტერ ლიგის“ 7X7-ზე ფეხბურთის სამოყვარულო ჩემპიონატის რეგიონული თამაშის მონაწილე გუნდებს უმასპინძლა.

მცხეთაში გარე განათებების, ტროტუარების, მოაჯირების და მოსახლეობის ეზოების შემოღობვის სარეაბილიტაციო სამუშაოები აქტიურად  მიმდინარეობს. თბილისიდან მცხეთაში შემოსასვლელი ხიდის მიმდებარედ, ახალი ლედ სანათების დამონტაჟება და ბაზალტის ბორდიურების მოწყობა განხორციელდა.პროექტის ფარგლებში საცხოვრებელი სახლების  ხის ღობეების დაზიანებული ნაწილები შეიცვლა ახლით, ასევე განხორციელდა  რკინაბეტონის ლენტური საძირკვლის მოწყობა მოაჯირისთვის. მცხეთის ცენტრში,  კეთილმოეწყო გზისპირა კედლები დეკორატიული ფილებით ,  დამონტაჟდა ახალი განათების ბოძები და  ლედ სანათები. დავით გამრეკელის სახელობის ხელოვნების სკოლასთან, შადრევანთა, სკვერთან,  მუზეუმის შენობის წინ, ასევე პირველი საჯარო სკოლის წინ დამონტაჯდა რკინის მოაჯირები,  მიმდინარეობს  ტროტუარების საფარის კეთილმოწყობა .