23 ივნისს, საერთაშორისო ოლიმპიური დღის კვირეულის ფარგლებში, მცხეთაში საჩვენებელი შეჯიბრება გაიმართა მარათონულ გარბენასა და კანოე-კაიაკით ნიჩბოსნობაში. ღონისძიება საქართველოს ოლიმპიური კომიტეტის ეგიდით მცხეთა-მთიანეთის რეგიონული ოლიმპიური ორგანიზაციის, მცხეთის მერიისა და ა(ა)იპ გიორგი კაპანაძის სახელობის მცხეთის კანოესა და ნიჩბოსნობის აკადემიის მხარდაჭერით განხორციელდა.

ECEAPაღმოსავლეთ პარტნიორობის ესტონეთის ცენტრისა და ნორვეგიის მთავრობის მხარდაჭერით 2019 წელს მცხეთის მუნიციპალიტეტში საფუძველი ჩაეყარა ერთობლივ პროექტს „ადგილობივ დონეზე დემოკრატიის გაძლიერება: გამჭვირვალე მმართველობა“ პროექტი მიზნად ისახავს, საქართველოს მუნიციპალიტეტების განვითარების მხარდაჭერას, ადგილობრივ თვითმმართველობებში ცვლილებების ინიცირებას, დემოკრატიის განმტკიცებას, ესტონეთის გამოცდილების და საუკეთესო პრაქტიკის გაზიარებას პრიორიტეტული მიმართულებების მიხედვით. შედეგად 2020 წელს ურთიერთთანამშრომლობის მემორანდუმი გაფორმდა აღმოსავლეთ პარტნიორობის ესტონურ ცენტრსა და მცხეთის მუნიციპალიტეტს შორის.

ქალაქ მცხეთაში კოსტავას ქუჩის მიმდებარედ საზეიმოდ გაიხსნა ახლად რეაბილიტირებული სკვერი. მცხეთის მუნიციპალიტეტის მერმა გიორგი კაპანაძემ, მცხეთის საპატიო მოქალაქესთან, მსოფლიოში აღიარებულ და წარმატებულ კალათბურთელთან გიორგი შერმადინთან ერთად, სიმბოლურად გაჭრა ლენტი.

მცხეთის მუნიციპალიტეტის მერიამ ევროსტანდარტების შესაბამისი 200 ერთეული სანაგვე ურნა შეიძინა. ურნები მცხეთის მუნიციპალიტეტში სხვადასხვა ლოკაციებზე ეტაპობრივად გადანაწილდება, რაც მუნიციპალიტეტში დასუფთავების სერვისის, ეკოლოგიური და საცხოვრებელი პირობების გაუმჯობესებას შეუწყობს ხელს.

მცხეთის მუნიციპალიტეტის ნარეკვავის დასახლებაში შიდა საუბნო გზის მოწყობა მიმდინარეობს , რომელიც რეგიონული განვითარების ფონდიდან ფინანსდება და მას შპს „ოფენროუდი“ ახორციელებს.  ამჟამად, ნახევარ კილომეტრამდე გზაზე ასფალტის ერთი ფენაა დაგებული, ხოლო გზის მცირე მონაკვეთზე  კედლის გასამაგრებლად სამუშაოები  მიმდინარეობს . სამუშაოების ღირებულება 140 ათასი ლარია

საქართველოს გარემოს დაცვისა და სოფლის მეურნეობის სამინისტროში შპს „ნეოპრინტის“ მიერ, გარემოსდაცვითი გადაწყვეტილების მიღების მიზნით, წარმოდგენილია ქაღალდის ნარჩენების გადამამუშავებელი საწარმოს (ნარჩენების აღდგენა) ექსპლუატაციის გარემოზე ზემოქმედების შეფასების ანგარიში და კანონმდებლობით გათვალისწინებული თანდართული დოკუმენტაცია

გარემოზე ზემოქმედების შეფასების ანგარიშის საჯარო განხილვა - სს "ენერგო-პრო ჯორჯია გენერაციის" ზემო ავჭალის ჰიდროელექტროსადგურის ექსპლუატაციის პირობების ცვლილება (ერთ-ერთი ჰიდროაგრეგატის გენერატორის შეცვლა)

საქართველოს კულტურის, სპორტისა და ახალგაზრდობის მინისტრმა თეა წულუკიანმა, საქართველოს პარლამენტის რეგიონული პოლიტიკისა და თვითმმართველობის კომიტეტის თავმჯდომარე სოზარ სუბართან, მცხეთის მაჟორიტარ დიმიტრი ხუნდაძესთან, კომპანია „ენერგო-პრო ჯორჯიას“ წარმომადგენლებთან, ასევე არქიტექტორ-რესტავრატორებთან და ხიდების კონსტრუქტორებთან, ერთად მცხეთაში მდებარე კულტურული მემკვიდრეობის ძეგლი, ე.წ. „პომპეუსის ხიდი“ მოინახულა, რომლის შესწავლაც სპეციალისტებმა, სამინისტროს ინიციატივით, დღეს დაიწყეს.

26 მაისი საქართველოს დამოუკიდებლობის დღეა! დღე, რომელმაც შემოგვინახა წარსული, მოგვიყვანა დღემდე და დღე, რომელიც გვავსებს მომავლის იმედით! 1918 წლის 26 მაისს აღდგა ისტორიული სამართალი, 103 წლის წინ საქართველო გამოცხადდა დამოუკიდებელ სახელმწიფოდ.

23 მაისს, მსოფლიოსა და ევროპის ჩემპიონს - არჩილ ჩოხელს 50 წელი შეუსრულდებოდა. მისი ხსოვნის პატივსაცემად, ადგილობრივი ხელისუფლების გადაწყვეტილებით, მცხეთის მუნიციპალიტეტის სოფელ გალავანში ქუჩას, რომელზეც ცნობილი მოჭიდავე ცხოვრობდა მისი სახელი ეწოდა. სიმბოლურად, პირველი აბრა არჩილ ჩოხელის ქუჩაზე ხელისუფლების წარმომადგენლებმა გააკრეს.

წელს მეთორმეტე კლასელები ბანკეტებისა და ექსკურსიების გარეშე დაამთავრებენ სკოლას. თუმცა, კორონას თაობისთვის დღეს ბოლო ზარი მაინც ემოციურად დაირეკა. წინა წელთან შედარებით მათ შესაძლებლობა მიეცათ ღია სივრცეში შეხვედროდნენ ერთმანეთს და მათთვის მნიშვნელოვანი დღე ეზეიმათ.

ქალაქ  მცხეთაში კოსტავას ქუჩის მიმდებარედ სკვერის რეაბილიტაცია დასრულდა, რომელიც რეგიონული განვითარების ფონდისა და მცხეთის მუნიციპალიტეტის დაფინანსებით სამშენებლო კომპანია შპს „ხარისხი“ განახორციელა. სკვერში მოეწყო ორი საბავშვო ზონა, დაიგო რეზინის ფილები, მოეწყო ქვიშის მოედანი, ორდონიანი ატრაქციონები, საბავშვო გასართობი ატრაქციონები,საქანელა და აიწონა-დაიწონა.  არსებული სკვერი ადაპტირებულია შეზღუდული შესაძლებლობების მქონე პირთათვის. მოსასვენებელ ზონაში მოეწყო სკამები, ურნები, ლამპიონები, მოხდა ძველი ფანჩატურის გამაგრება, მოპირკეთდა და მოეწყო მაგიდა და სკამები. სკვერის შიდა პერიმეტრზე მოხდა ბეტონის დეკორატიული 3 დ ფილების დაგება . დაირგო ღვია, ბურთისებრი წყავი, ფოტინია, ტუია, ვერცხლისფერი ნაძვი, ვერცხლისფერი კიპარისი და სეზონური ქრიზანთემები. სკვერის გარშემო კედლები და ლენტური სარტყელი მოპირკეთდა , ასევე მოხდა მოაჯირის დაზიანებული მხატვრული დეტალებვის აღდგენა, გაწმენდა და შეღებვა, სანიაღვრის და დეკორატიული შადრევანის მოწყობა.