25 ოქტომბერს, მუხრანში, 7x7 ფეხბურთში გაიმართა მასტერლიგის გათამაშების მუნიციპალური ეტაპის ფინალი, სადაც ერთმანეთს ,,მუხრანი“ - "ძეგვი" შეხვდნენ. დაძაბულ ორთაბრძოლაში ძეგვის გუნდმა 0:2 გაიმარჯვა და რეგიონალურ ეტაპზე მონაწილეობის უფლება მოიპოვა, რომელიც მიმდინარე წლის ნოემბრის თვეში გაიმართება.

2020 წლის 24 ოქტომბერს, სოფელ ქანდის მიმდებარე ტერიტორიაზე, მცხეთა-მთიანეთის რეგიონალური ოლიმპიური ორგანიზაციის თაოსნობით, ჩატარდა მცხეთის მუნიციპალიტეტის ღია ჩემპიონატი საგზატკეცილო ველოსპორტში ქ. თბილისის და მცხეთის ველომრბოლელების მონაწილეობით. შეჯიბრება გაიმართა ორ ასაკობრივ ჯგუფში ორ დისტანციაზე ჩატარდა.

17 და 18 ოქტომბერს, მცხეთაში ჩატარდა გიორგი კაპანაძის სახელობის მცხეთის ნიჩბოსნობის აკადემიის შიდა პირველობა აკადემიურ, ბაიდარებით, კანოეთი და სლალომით ნიჩბოსნობაში, რომლის ინიციატორი მცხეთა-მთიანეთის რეგიონული ოლიმპიური ორგანიზაცია იყო.

19 ოქტომბერს, მცხეთის მერიაში გაიმართა ტრენინგი ადგილობრივი განვითარების ე.წ. CLLD მიდგომების გაცნობისა და აღნიშნული მეთოდოლოგიის მუნიციპალიტეტებში დანერგვის შესახებ, რომელსაც მცხეთის მუნიციპალიტეტის მერიისა და საკრებულოს თანამშრომლები ესწრებოდნენ.

მცხეთა-მთიანეთის სამხარეო ადმინისტრაციის და მცხეთის მუნიციპლალიტეტის ინიციატივით, ამერიკის შეერთებული შტატების საელჩოს თავდაცვის სფეროში თანამშრომლობის ოფისის დაფინანსებით, ააიპ ,,ინვესტიციების და ჰუმანიტარული პროექტების გაერთიანების’’ ორგანიზებით, საქართველოში ამერიკის შეერთებული შტატების საელჩომ მცხეთა-მთიანეთის რეგიონს სპეციალური საჭიროების მქონე პირებისთვის აუცილებელი ინვენტარი გადასცა.

18 ოქტომბერს, მცხეთაში გაიმართა მუნიციპალური ეტაპის მასტერლიგის გათამაშება 7x7 ფეხბურთში. პირველ ნახევარფინალში ერთმანეთს შეხვდნენ ,,მცხეთა“ - ,,მუხრანი“ 2:4, სადაც ორი ქულის უპირატესობით მუხრანის გუნდმა გაიმარჯვა.

სოფელ მისაქციელში აქტიურად მიმდინარეობს თანამედროვე სტანდარტების შესაბამისი სპორტული დარბაზის მშენებლობა, რომელიც ,,სოფლის მხარდაჭერის“ პროგრამის ფარგლებში რეგიონული განვითარებისა და ინფრასტრუქტურის სამინისტროს რეგიონებში განსახორციელებელი პროექტების ფონდიდან ფინანსდება. სამუშაოებს მცხეთის მერიის კონტრაქტორი კომპანია შპს ,,მეტალ +“ ასრულებს. სახელშეკრულებო თანხა 689 877 ლარია

ქალაქ მცხეთაში მიმდინარე სარეაბილიტაციო სამუშაოები,რომელთაც მონიტორინგს მცხეთის მუნიციპალიტეტის მერიის ზედამხედველობის სამსახური უწევს, აქტიურად მიმდინარეობს. აღნიშნული სამსახურის უფროსმა თეიმურაზ ჯერვალიძემ და უფროსმა სპეციალისტმა თეიმურაზ ბენიაშვილმა ნარეკვავისა და ღართიკარის დასახლებებში მიმდინარე სამუშაოები დაათვალიერეს.

 საქართველოს რეგიონალური განვითარებისა და ინფრასტრუქტურის მინისტრის მოადგილე მზია გიორგობიანი, USAID/საქართველოს მისიის ხელმძღვანელი პიტერ ვიბრელი და ენერგეტიკის სექტორის მრჩეველი ნიკოლოზ ოყრეშიძე, საქართველოს რეგიონალური განვითარებისა და ინფრასტრუქტურის სამინისტროს წარმომადგენლებთან, მცხეთა-მთიანეთის მხარის გუბერნატორის მოვალობის შემსრულებელ მანანა ნარიმანიძესთან, მცხეთის მუნიციპალიტეტის მერის მოადგილე ოთარ ჩხეიძესთან და USAID ენერგეტიკის პროგრამის წარმომადგენლებთან ერთად ზემო ნიჩბისის ზეუბნის დასახლებას ეწვივნენ , სადაც დამონტაჟდა მზის პანელის სისტემები. სტუმრებმა თავად მოინახულეს ადგილობრივი მოსახლეობა, რომელთაც უკვე მუდმივად მიეწოდებათ ელექტროენერგია და შეაფასეს მათი გაუმჯობესებული საცხოვრებელი პირობები

2020 წლის 15 ოქტომბერს 15:00 საათზე დაგეგმილია შპს ,,საქართველოს გაერთიანებული წყალმომარაგების კომპანიის“ მცხეთის მუნიციპალიტეტის სოფ. მუხრანის და სოფ. პატარა ქანდის საკანალიზაციო სისტემის და ჩამდინარე წყლების გამწმენდი ნაგებობის მოწყობისა და ექსპლუატაციის სკოპინგის ანგარიშის საჯარო განხილვა. სკოპინგის ანგარიშის საჯარო განხილვის შესახებ ინფორმაცია, თანდართულ დოკუმენტაციასთან ერთად, განთავსებულია სამინისტროს ოფიციალურ ვებგვერდზე

28 სექტემბერს, მცხეთის მუნიციპალიტეტის მერიაში, ,,მრავალინდიკატორული კლასტერული კვლევის (MICS)” პრეზენტაცია ჩატარდა მცხეთა-მთიანეთის რეგიონისთვის, რომელსაც მცხეთა-მთიანეთის რეგიონში სახელმწიფო რწმუნებულის მოვალეობის შემსრულებელი მანანა ნარიმანიძე, მცხეთის მუნიციპალიტეტის მერი გიორგი კაპანაძე, მერის მოადგილე მარინა ზურაბიშვილი, მცხეთის საკრებულოს თავმჯდომარე გელა ბაქრაძე, მცხეთის, დუშეთის, თიანეთის, ყაზბეგის და ახალგორის მუნიციპალიტეტის მერიისა და საკრებულოების პირველი პირები და თანამშრომლები ესწრებოდნენ. MICS-ი 2018-2019 წლებში საქართველოში ჩატარებული ერთ-ერთი უდიდესი კვლევაა, რომელმაც ქვეყნის მასშტაბით შეაგროვა მონაცემები ოჯახებისა და ბავშვების შესახებ. მონაცემები მრავალ სფეროს მოიცავს, როგორიცაა განათლება, ჯანმრთელობა და ეკონომიკური მდგომარეობა, ბავშვების აღზრდისა და დისციპლინის საკითხები, ჰიგიენა, სანიტარული პირობები და სხვა. სოფლის, რეგიონის, იძულებით გადაადგილებულ პირთა სტატუსის, ეთნიკური წარმომავლობის, შეზღუდული შესაძლებლობისა და კეთილდღეობის დონის მიხედვით. MICS-ის კვლევები საქართველოში სხვადასხვა საერთაშორისო დონორების მხარდაჭერით განხორციელდა