სოფელ საგურამოში დასასრულს უახლოვდება სამედიცინო ამბულატორიის სარეაბილიტაციო სამუშაოები, რომელსაც ადგილობრივი ბიუჯეტიდან გამოყოფილი თანხებით მცხეთის მერიის კონტრაქტორი კომპანია შპს ,,ჯი.აი.სი“ ახორციელებს. მისი სახელშეკრულებო თანხა 99 499 ლარია.

მცხეთის მუნიციპალიტეტის სამედიცინო კოვიდ-ცენტრში აქტიურად მიმდინარეობს რეგისტრაცია და შემდგომ აცრა 55 წელს ზევით მოქალაქეების. მოგეხსენებათ, იმისთვის რომ ვაქცინაციას ჰქონდეს შედეგი, აუცილებელია მოსახლეობის 60% აიცრას.

28 აპრილს, თბილისში გაიმართა ძიუდოში საქართველოს ჩემპიონატი 2004-2006 წელს დაბადებულ გოგონათა შორის, სადაც წარმატებებს მიაღწიეს მცხეთელმა სპორტსმენებმა.

24 აპრილს, ილია ჭავჭავაძის საგურამოს სახელმწიფო მუზეუმში, ახალგაზრდა პოეტის, ილია ელიზბარაშვილის პირველი პოეტური კრებულის, "ნაბიჯები", წარდგენა გაიმართა.

მცხეთა-მთიანეთის მხარის სახელმწიფო რწმუნებული დავით ნოზაძე და დაავადებათა კონტროლისა და საზოგადოებრივი ჯანმრთელობის ეროვნული ცენტრის გენერალური დირექტორი ამირან გამყრელიძე, მცხეთა-მთიანეთის მხარის მუნიციპალიტეტების მერებსა და საზოგადოებრივი ჯანდაცვის მუნიციპალური სამსახურების ხელმძღვანელებს შეხვდნენ.

წეროვანსა და ძველ ქანდაში სამედიცინო ამბულატორიების რეაბილიტაცია დასასრულს უახლოვდება. აღნიშნული მშენებლობებისთვის ადგილობრივი ბიუჯეტიდან გამოიყო თანხა, რომლის სახელშეკრულებო რაოდენობა 214 100 ლარია.

მართლმადიდებელი ეკლესია დღეს ერთ-ერთ მთავარ საუფლო დღესასწაულს, ბზობას აღნიშნავს , ამასთან დაკავშირებით ტაძრებში სადღესასწაულო წირვა-ლოცვა შესრულდა.

სკრინინგის განცხადება - მცხეთის მუნიციპალიტეტში შპს „ნეოგაზის“ ავტოგასამართ სადგურზე ნავთობპროდუქტების საცავის მოწყობისა და ექსპლუატაციის პროექტი

სოფელ მისაქციელში სპორტული დარბაზის მშენებლობა დასასრულს უახლოვდება. დასრულებულია შიდა სამშენებლო სამუშაოები და ეზოს კეთილმოწყობა ბეტონის ფილებით. ამჟამად, ეზოს შემოღობვის სამუშაოები მიმდინარეობს. მოეწყო საქვაბე და შიდა პერიმეტრზე გათბობის სისტემა მონტაჟდება.

მცხეთაში, არსებულ სკვერებს კიდევ ერთი განახლებული სკვერი შეემატა. დასრულდა ღართიკარის დასახლებაში არსებული სკვერის რეაბილიტაცია. განახლდა ბილიკები, დაიდგა ახალი სკამები და შემოიღობა რკინის კონსტრუქციებით.

18 აპრილს, ფოთში დამთავრდა საქართველოს თასის პირველი ეტაპის გათამაშება ბაიდარებითა და კანოეთი ნიჩბოსნობაში, სადაც მონაწილეობა მიიღო გიორგი კაპანაძის სახელობის მცხეთის კანოესა და ნიჩბოსნობის აკადემიის ნაკრებმა გუნდმა. მცხეთელმა ნიჩბოსნებმა, როგორც ყოველთვის, ყველაზე მეტი საპრიზო მედალი მოიპოვეს. 32 საპრიზო ადგილიდან 11 ოქრო, 12 ვერცხლი და 10 ბრინჯაოს მედალი დაიმსახურეს და გულშემატკივართა იმედი გაამართლეს.

საგურამოში დევნილთა საცხოვრებელ კორპუსს გერმანიის საერთაშორისო თანამშრომლობის საზოგადოების (GIZ) ფინანსური მხარდაჭერით სარეაბილიტაციო სამუშაოები ჩაუტარდა. ყოფილი კოლეჯის შენობაში საკანალიზაციო სისტემა შეიცვალა, რაც დევნილების მთავარ მოთხოვნას წარმოადგენდა. სამუშაოები არასამთავრობო ორგანიზაციამ „მოძრაობა შიმშილის წინააღმდეგ“ (Action Against Hunger) განახორციელა.