შპს ,,მცხეთის სოფწყალი“ ახორციელებს მცხეთის მუნიციპალიტეტის ტერიტორიაზე არსებული სამელი წყლის სისტემების შეუფერხებელ ექსპლუატაციას, რომლის მიზანი მოსახლეობისთვის უწყვეტი წყალმომარაგებით უზრუნველყოფაა. საავარიო სამსახური სოფლებსა და დასახლებულ პუნქტებში განთავსებულ რეზერვუარებზე, სასმელი წყლის ქსელებზე, მაგისტრალურ მილსადენებსა და სატუმბ სადგურებზე ახდენს დაზიანებების აღდგენას და სასმელი წყლის ქსელებში მილების დაერთებას.მიმდინარეობს სათავე და გამწმენდი ნაგებობების, საქლორატოროების წესრიგში მოყვანა. შპს ,,მცხეთის სოფწყალი“ აღნიშნულ მომსახურებას მუნიციპალიტეტის ტერიტორიაზე მთელი წლის განმავლობაში უწყვეტად ახორციელებს

კორონავირუსის გავრცელების რისკების მინიმალიზაციისა და ადამიანის ჯანმრთელობისთვის უსაფრთხო გარემოს უზრუნველყოფის მიზნით, მცხეთის მუნიციპალიტეტის მერია გამოთქვამს მზაობას ადგილობრივ სასტუმროებში მოეწყოს საკარანტინო სივრცეები. ექიმ-ეპიდემიოლოგების მიერ საეჭვო სიმპტომების მქონე პირის გამოვლენის შემთხვევაში, მოქალაქე საკარანტინო სივრცეში განთავსდება.

კორონავირუსის გავრცელების თავიდან აცილების მიზნით, პრევენციული ღონისძიებები ხორციელდება მცხეთის მუნიციპალიტეტში. ჩვენს ტერიტორიაზე განთავსებული დაწესებულებები და სამარშუტო ტრანსპორტი სპეციალური სადეზინფექციო საშუალებებით მუშავდება.მცხეთის მუნიციპალიტეტის ტერიტორიაზე მოძრავი სამარშუტო ტრანსპორტის მფლობელებს, რომელიც სოფლებიდან მცხეთის ან თბილისის მიმართულებით გადაადგილდება და პირიქით,  ვალდებულნი არიან ყოველდღიურად დაამუშაონ სპეციალური სადიზენფექციო საშუალებებით. სადეზინფექციო სამუშაოებს ლიცენზირებული კომპანია ახორციელებს.ყოველდღიური სადეზინფექციო სამუშაოების ჩატარებას კონტროლს ადგილობრივი საპატრულო სამსახურები გაუწევენ.

მთავრობის რეკომენდაციების შესაბამისად, მცხეთის მუნიციპალიტეტის ტერიტორიაზე კორონავირუსის გავრცელების თავიდან აცილების მიზნით, პრევენციული ღონისძიებების განსახორციელებლად, შექმნილია საკოორდინაციო სამუშაო ჯგუფი მცხეთის მუნიციპალიტეტის მერის, გიორგი კაპანაძის ხელმძღვანელობით. შექმნილი ვითარების  გათვალისწინებით, მცხეთის მუნიციპალიტეტის მერია გადადის სპეციალურ რეჟიმზე, სადაც მოქალაქეთა მომსახურება შესაძლებელი იქნება ელექტრონულ და დისტანციურ რეჟიმში.შესაბამისად, მცხეთის მუნიციპალიტეტის ტერიტორიაზე შეიზღუდება საზოგადოებრივი თავშეყრის ადგილებში სხვადასხვა ხალხმრავალიღონისძიებები

ქალაქ მცხეთაში, ააიპ მცხეთის მუნიციპალიტეტის კეთილმოწყობის სამსახურმა გაზაფხულის თბილი ამინდების დადგომისთანავე საგაზაფხულო სამუშაოები დაიწყო. მიმდინარეობს დასუფთავება, გამწვანება, ხეების დაზიანებული ნაწილების, გამხმარი ტოტების მოცილება და განაპირა ადგილებში ჯაგნარის გაკაფვა.

მცხეთის მუნიციპალიტეტში ინფრასტრუქტურული სამუშაოები, როგორც წინა წლებში წელსაც გრძელდება. საქართველოს მთავრობის 2019 წლის 31 დეკემბრის N2751 განკარგულებით, მცხეთის მუნიციპალიტეტს "საქართველოს რეგიონებში განსახორციელებელი პროექტების ფონდიდან" 6 416 065 ლარი გამოეყო 17 პროექტზე სამუშაოების შესასრულებლად.

დღეს, მცხეთის მუნიციპალიტეტის მერი გიორგი კაპანაძე საგანგებო სიტუაციების კოორდინაციისა და გადაუდებელი დახმარების მცხეთის რაიონულ ცენტრს ეწვია და ქალბატონებს ქალთა საერთაშორისო დღე მიულოცა.

დღეს, 6 მარტს მცხეთის მუნიციპალიტეტის მერმა გიორგი კაპანაძემ, საქართველოს უსინათლოთა კავშირის მცხეთის ფილიალის წევრ ქალბატონებს, ქალთა დღესასწაული მიულოცა. მცხეთის მუნიციპალიტეტის მერის ინიციატივით, ქალბატნობისთვის მისალოცი ბარათი ბრაილის შრიფტით დამზადდა, ნიშნად იმისა, რომ შეზღუდული შესაძლებლობები არ არსებობს და რომ მათ სჭირდებათ ადაპტირებული გარემო, იმისათვის, რომ შეძლონ სრულფასოვანი და დამოუკიდებელი ცხოვრება.

დღეს, 6 მარტს მცხეთის მუნიციპალიტეტის მერმა გიორგი კაპანაძემ, ქალთა დღესასწაული მიულოცა ქალბატონებს, რომელნიც მუდმივად ზრუნავენ ჩვენი ქალაქის სილამაზესა და სისუფთავეზე, ქალბატონებს ვისი სამუშაო დილაც ყველაზე ადრე იწყება.

5 მარტს, მცხეთის მუნიციპალიტეტის მერის მოადგილე მარინა ზურაბიშვილი და მცხეთის მუნიციპალიტეტის მერიის საზოგადოებასთან ურთიერთობის განყოფილების თანამშრომლები, ა(ა) იპ მცხეთის უფასო სასადილო მზრუნველობამოკლებულთათვის ესტუმრნენ და ბენეფიციარ ქალბატონებს ქალთა დღე მიულოცეს .

მცხეთის მუნიციპალიტეტის მერიაში, მუნიციპალიტეტის ტერიტორიაზე კორონავირუსის გავრცელების თავიდან აცილების მიზნით ამოქმედებულია სამუშაო ჯგუფი, რომელსაც მცხეთის მუნიციპალიტეტის მერი გიორგი კაპანაძე ხელმძღვანელობს .

სოფელ ძეგვში საგზაო ინფრასტრუქტურის მოწესრიგება მიმდინარეობს, რომელიც მცხეთის მუნიციპალიტეტის მერმა გიორგი კაპანაძემ, მერის პირველმა მოადგილემ გივი გიუტაშვილმა, საკებულოს თავმჯდომარემ გელა ბაქრაძემ, თავმჯდომარის მოადგილემ თამაზ ფოლოდაშვილმა, სოფელ ძეგვში მერის წარმომადგენელმა კობა რთველიაშვილმა და საკრებულოს დეპუტატმა გიორგი კვახაძემ მოინახულეს.