მცხეთის მუნიციპალიტეტის თითოეულ მაცხოვრებელს გილოცავთ ახალ წელს. გისურვებთ ჯანმრთელობას, დღეგრძელობას და კეთილდღეობას.

31 დეკემბრის ახალი წლის ღამეს, საქართველოს პარლამენტის წევრი დიმიტრი ხუნდაძე, მცხეთის მუნიციპალიტეტის მერი დიმიტრი ზურაბიშვილი და საკრებულოს თავმჯდომარე გიორგი ელოშვილი იმ უწყებებში იმყოფებოდნენ, რომლებიც ჩვენი და ჩვენი ქვეყნის მოქალაქეების ჯანმრთელობზე და უსაფრთხოებაზე 24 საათიან რეჟიმში მუშაობენ.

რეგიონალური ჩემპიონატის გამარჯვებულთა დაჯილდოება ფეხბურთში მცხეთაში, 2023 წლის მცხეთა-მთიანეთის რეგიონალური ჩემპიონატის გამარჯვებულთა დაჯილდოება გაიმართა ფეხბურთში, სადაც სხვადასხვა ასაკობრივ ჯგუფებში 9 გუნდი მონაწილეობდა.

მცხეთის მუნიციპალიტეტის მერიაში, „გამარჯობა, აფხაზეთო, შენი!“- წიგნის წარდგენა და ნახატების გამოფენა მოეწყო. მცხეთის მუნიციპალიტეტის მერმა, დიმიტრი ზურაბიშვილმა განათლების, კულტურის და სპორტის სამსახურის თანამშრომლებთან და საკონკურსო კომისიის წევრებთან ერთად კონკურსის მონაწილეები დააჯილდოვა. პროექტი იმ გმირების ხსოვნისა და სახელის უკვდავყოფას მიეძღვნა, რომლებმაც თავი გაწირეს სამშობლოს დამოუკიდებლობის დასაცავად. მისი ძირითადი მიზანი ახალგაზრდებში ომის ნეგატიური შედეგების გააზრება, კონფლიქტების დარეგულირებისას ხელოვნების როლის წინ წამოწევა და ახალგაზრდა, დამწყები მხატვრების, ესეს ავტორების, გრაფიკული დიზაინერებისა და წიგნის რედაქტორების გამოვლენა და წახალისებაა. აღნიშნული პროექტი მცხეთის მუნიციპალიტეტის მერიის განათლების, კულტურის და სპორტის სამსახურის სპორტისა და ახალგაზრდობის საქმეთა განყოფილების ინიციატივითა და ორგანიზებით მიმდინარე წლის 27 სექტემბერს, სოხუმის დაცემის დღეს დაიწყო. კონკურსი ოთხი მიმართულებით გაიმართა: ნახატების, ესეების, წიგნის ყდის დიზაინისა (შესრულებული გრაფიკულ პროგრამებში) და წიგნის რედაქტორის. გამარჯვებულები მცხეთის მუნიციპალიტეტის მერის ბრძანებით დაკომპლექტებულმა კომპეტენტურმა ჟიურიმ გამოავლინა. პროექტის ფარგლებში მცხეთის მუნიციპალიტეტის მერიამ გამოსცა კრებული, რომელშიც აფხაზეთის თემაზე შექმნილი საკონკურსო ესეები და ნახატებია შესული. აღსანიშნავია, რომ ყდის დიზაინერიც და რედაქტორიც კონკურსის შედეგად შეირჩა და კრებული მთლიანად მცხეთის მუნიციპალიტეტის ახალგაზრდების ჩართულობით გამოიცა. კონკურსის მონაწილეებს, მცხეთის მუნიციპალიტეტის მერიისგან მადლობის სიგელები და წიგნები გადაეცათ, ხოლო გამარჯვებულებს - დიპლომები და ფასიანი საჩუქრები

მუხრანელმა სანდრო შარიფაშვილმა უნგრულ დიორში მიმდინარე ჭაბუკ ძიუდოისტთა ევროპის თასზე მესამე ადგილი მოიპოვა და ბრინჯაოს მედლით დაჯილდოვდა. ახალგაზრდა სპორტსმენს ევროპის ჩემპიონატზე მოპოვებული გამარჯვება მცხეთის მუნიციპალიტეტის მერმა დიმიტრი ზურაბიშვილმა პირადად მიულოცა და სიმბოლური საჩუქრები გადასცა. „ვულოცავ სანდროს ამ მნიშვნელოვან მიღწევას, ვუსურვებ წარმატებას და დარწმუნებული ვარ ჩვენ მუნიციპალიტეტს და მუხრანს კიდევ ბევრჯერ ასახელებს“ - დიმიტრი ზურაბიშვილი. უნგრული შეჯიბრება ქართველებისთვის 8 მედლით დასრულდა - 3 ოქრო, 1 ვერცხლი და 4 - ბრინჯაო

მცხეთის მუნიციპალიტეტის მერის, დიმიტრი ზურაბიშვილის ინიციატივით, მუნიციპალიტეტში მცხოვრებ 1800 ოჯახს, საახალწლოდ სასურსათო პაკეტები ურიგდება. დიმიტრი ზურაბიშვილმა სოციალურად დაუცველები პირადად მოინახულა, სასურსათო ნობათები გადასცა და დამდეგი შობა-ახალი წელი მიულოცა.

მცხეთის მუნიციპალიტეტის მერიის გადაწყვეტილებით 2024 წლის იანვრიდან მცხეთის მუნიციპალური ტრანსპორტი თითოეულ მოქალაქეს, ერთი თვის განმავლობაში, უფასოდ მოემსახურება. პირველი თვის განმავლობაში მუნიციპალური ტრანსპორტით მგზავრობა უფასო იქნება თითოეული მოქალაქისთვის.

მცხეთის მუნიციპალიტეტის სოფლებში - ჩარდახსა და პატარა ქანდაში აქტიურად გრძელდება თანამედროვე სტანდარტების შესაბამისი საბავშვო ბაღების სამშენებლო სამუშაოები. პროექტების მიმდინარეობას მცხეთა-მთიანეთის მხარის სახელმწიფო რწმუნებული დავით ნოზაძე და მცხეთის მუნიციპალიტეტის მერი დიმიტრი ზურაბიშვილი ადგილზე გაეცნენ.

მცხეთის მუნიციპალიტეტში დასრულდა 2023-2024 წლის საქართველოს სასკოლო სპორტული ოლიმპიადის პროგრამით გათვალისწინებული მუნიციპალური თამაშები, სადაც ჩვენი მუნიციპალიტეტის 12 საჯარო სკოლის გუნდი სპორტის 7 სახეობაში მონაწილეობდა.

მცხეთის მუნიციპალიტეტის საგურამოს ადმინისტრაციული ერთეულის სოფელ არაშენდაში, შიდა საუბნო გზების ასფალტობეტონის საფარით მოწყობის სამუშაოები მიმდინარეობს.  მცხეთის მუნიციპალიტეტის მერმა დიმიტრი ზურაბიშვილმა  საგზაო ინფრასტრუქტურის მოწყობის სამუშაოები, მცხეთა-მთიანეთის გუბერნატორის მოადგილე გიორგი ჩიფჩიურთან და მცხეთის მუნიციპალიტეტის საკრებულოს თავმჯდომარე გიორგი ელოშვილთან ერთად დაათვალიერა. გზის  სავალ ნაწილზე დაგებულია ასფალტის პირველი ფენა, მოეწყო სანიაღვრე არხები და ცხაურები. ამჟამად მიმდინარეობს  ასფალტობეტონის მეორე ფენის დაგება. სამშენებლო სამუშაოები რეგიონული განვითარების ფონდისა და მცხეთის მუნიციპალიტეტის მერიის თანადაფინანსებით ხორციელდება, რომელსაც მერიის კონტრაქტორი კომპანია შპს „გრანდ როუდ გრუპი“ ახორციელებს. პროექტის ღირებულება 309 997 ლარია.

მცხეთაში, 16 დეკემბერს, საზეიმო ვითარებაში აინთო ქალაქის მთავარი, ახალი ნაძვის ხე. ასევე, ახალი საახალწლო განათებებით მოირთო მცხეთის ცენტრალური მოედანი. ილუმინაციების ნაწილი ქალაქს, პრემიერ-მინისტრის გადაწყვეტილებით გადმოეცა.ღონისძიებაზე საახალწლო გასართობ შოუ პროგრამასთან ერთად, ასევე,  გაიმართა ჯგუფ "რეზო და ბავშვების" კონცერტი. ადგილობრივ მცხოვრებლებთან და ქალაქის სტუმრებთან ერთად, ღონისძიებას ესწრებოდნენ საქართველოს  პარლამენტის წევრი დიმიტრი ხუნდაძე, მცხეთის მუნიციპალიტეტის მერი დიმიტრი ზურაბიშვილი, საკრებულოს თავმჯდომარე გიორგი ელოშვილი და ადგილობრივი ხელისუფლების სხვა წარმომადგენლები.„საქართველოს უძველესი სატახტო დედაქალაქიდან თითოეულ მოქალაქეს მინდა მივულოცო დამდეგი შობა-ახალი წელი. ვუსურვო ჯანმრთელობა, მშვიდობა, სიკეთე, სიხარული. ეს წელი წარმატების წელი იყო საქართველოსთვის. ჩვენ მივაღწიეთ შედეგს და ქვეყანამ მიიღო ევროკავშირის კანდიდატის სტატუსი, რაც არის საწინდარი იმისა, რომ ქვეყანა კიდევ უფრო მეტი წარმატებით გააგრძელებს წინსვლას. მინდა განსაკუთრებით მივულოცო ჩემს მცხეთელებს დამდეგი ახალი 2024 წელი, განახლებული და კიდევ უფრო მეტად დამშვენებული ქალაქიდან, მცხეთიდან. ჩვენ ერთად, კიდევ უფრო მეტ წარმატებას მივაღწევთ“ - საქართველოს პარლამენტის წევრი დიმიტრი ხუნდაძე.„მინდა ჩვენს ძვირფას მოსახლეობას მივულოცო დამდეგი შობა-ახალი წელი, ვუსურვო მათ ბედნიერი, წარმატებული და მშვიდობიანი ახალი 2024 წელი. ჩვენს მუნიციპალიტეტში მიმდინარე წელს ბევრი ახალი სასიკეთო ცვლილება განხორციელდა. მინდა ვისურვო, რომ მომავალი წელი ყოფილიყოს კიდევ უფრო მეტი წარმატების მომტანი, როგორც მცხეთის მუნიციპალიტეტისთვის, ასევე მთლიანად ჩვენი ქვეყნისთვის“ - მცხეთის მუნიციპალიტეტისმერი დიმიტრი ზურაბიშვილი

16 დეკემბერს, მცხეთის ცენტრალურ მოედანზე მოდი ერთად ავანთოთ მცხეთის, მთავარი, ახალი ნაძვის ხე