სოფელ ძეგვში საგზაო ინფრასტრუქტურის მოწესრიგება მიმდინარეობს, რომელიც მცხეთის მუნიციპალიტეტის მერმა გიორგი კაპანაძემ, მერის პირველმა მოადგილემ გივი გიუტაშვილმა, საკებულოს თავმჯდომარემ გელა ბაქრაძემ, თავმჯდომარის მოადგილემ თამაზ ფოლოდაშვილმა, სოფელ ძეგვში მერის წარმომადგენელმა კობა რთველიაშვილმა და საკრებულოს დეპუტატმა გიორგი კვახაძემ მოინახულეს.

2020 წელს, მცხეთის მუნიციპალიტეტში გრძელდება გზების მშენებლობა-რეაბილიტაცია. ამჟამად, სამუშაოები აქტიურად მიმდინარეობს საგურამოში, ძეგვში, ქსოვრისში, მუხრანსა და ნატახტარში. შიდასაუბნო გზების რეაბილიტაციას მცხეთის მერიის კონტრაქტორი კომპანიები ახორციელებენ.

26 თებერვალს, მცხეთის მუნიციპალიტეტის კულტურისა და განათლების მულტიფუნქციური ცენტრის ორგანიზებით, საქართველოს ეროვნული ინტელექტ-ჩემპიონატ ,,ეტალონის’’ 2019-2020 სასწავლო წლის ,,მცხეთის ეტალონი მოსწავლის’’ გამოსავლენი კონკურსი ჩატარდა.

ვანდალური ფაქტი მოხდა მცხეთაში, მტკვარზე ახალი ხიდის მშენებლობის მიმდებარედ. გვიან ღამით, აღნიშნულ ტერიტორიაზე დარგული ნეკერჩხლის ხეები დაუდგენელმა პირებმა გამიზნულად დააზიანეს, დათვალიერების შედეგად დადგინდა, რომ გადატეხილია 9 ძირი კანადური ნეკერჩხლის ხე, რომლებიც 2019 წელს მცხეთის მუნიციპალიტეტის მერიამ შეისყიდა და გამწვანების აქციის ფარგლებში ნოემბრის დასაწყისში დაირგო.

23 თებერვლიდან, მცხეთის რესურსცენტრში, მუნიციპალიტეტის ა(ა)იპ სკოლამდელი აღზრდის დაწესებულებათა გაერთიანებაში შემავალ საბავშვო ბაგა-ბაღის დირექტორებისათვის, საქართველოს პედაგოგთა და მეცნიერთა თავისუფალი პროფესიული კავშირის ორგანიზებით, ორდღიანი ტრენინგი ჩატარდა თემაზე: ,,ადრეული და სკოლამდელი აღზრდისა და განათლების მართვის სამართლებრივი საფუძვლები’’.

4 მარტს, 16:00 საათზე, მცხეთის მუნიციპალიტეტის მერიისსააქტო დარბაზში, საქართველოს გარემოს დაცვისა და სოფლის მეურნეობის სამინისტროს მიერ დაგეგმილია სს „ენერგო-პრო ჯორჯია გენერაციის“ ზემო-ავჭალის ჰიდროლელექტროსადგურის ექსპლუატაციის პირობების ცვლილების პროექტის სკოპინგის ანგარიშის საჯარო განხილვა. სკოპინგის ანგარიშის საჯარო განხილვის შესახებ ინფორმაცია თანდართულ დოკუმენტაციასთან ერთად განთავსებულია სამინისტროს ოფიციალურ ვებგვერდზე

დღეს წილკანში ქართველი გმირის არჩილ ტატუნაშვილის სახელობის სკვერი გაიხსნა.სკვერის გახსნას ტატუნაშვილის ოჯახის წევრები და მეგობრები დაესწრნენ. წილკანში იმყოფებოდნენ საქართველოს პრემიერ-მინისტრი გიორგი გახარია, შერიგებისა და თანასწორობის საკითხებში სახელმწიფო მინისტრი ქეთევან ციხელაშვილი და პრემიერ-მინისტრის მრჩეველი სოზარ სუბარი, ასევე, მცხეთა-მთიანეთის მხარის რწმუნებული შალვა კერესელიძე, მცხეთის მაჟორიტარი დეპუტატი დიმიტრი ხუნდაძე, მცხეთის მერი გიორგი კაპანაძე და მოადგილეები გივი გიუტაშვილი და ოთარ ჩხეიძე.არჩილ ტატუნაშვილის მკვლელობიდან დღეს ორი წელი გავიდა. იგი 2018 წლის 22 თებერვალს ოკუპირებულ ახალგორში უკანონოდ დააკავეს, რის შემდეგაც ოკუპირებულ ცხინვალში გარდაიცვალა. ოკუპირებული ცხინვალის დე ფაქტო ხელისუფლება ცხედრის ოჯახისთვის გადაცემას თითქმის ერთი თვის განმავლობაში აჭიანურებდა. ამ პერიოდის განმავლობაში, არჩილ ტატუნაშვილის საქმესთან დაკავშირებით შესაბამისი სახელმწიფო უწყებები და საერთაშორისო პარტნიორები ინტენსიურად მუშაობდნენ. არჩილ ტატუნაშვილის ცხედარი ოკუპირებული ცხინვალიდან 20 მარტს გადმოასვენეს და 24 მარტს მუხათგვერდის ძმათა სასაფლაოზე სამხედრო პატივით დაკრძალეს. იგი გარდაცვალების შემდეგ ღირსების ორდენით დაჯილდოვდა

„ინიციატივა სოციალური ცვლილებებისთვის“ (ISC) დაიწყო პროექტი "გენდერული თანასწორობის საბჭოების გაძლიერება ქალთა რეპროდუქციული და სექსუალური ჯანმრთელობის საკითხებზე", რომლის მიზანია მუნიციპალურ დონეზე არსებული გენდერული თანასწორობის საბჭოების წევრთა პროფესიული შესაძლებლობების გაძლიერება გენდერულად მგრძნობიარე პოლიტიკისა და პროგრამების ხელშესაწყობად. 20-21 თებერვალს, მცხეთის მუნიციპალიტეტში, გენდერული თანასწორობის საბჭოს წევრებთან ორგანიზაცია „ინიციატივა სოციალური ცვლილებებისთვის“ მიერ 2 დღიანი ტრენინგი ჩატარდა

19 თებერვალს, ბერჰოფის ფონდის ორგანიზებით და მცხეთის მერიის მხარდაჭერით გაიმართა ვორქშოფი სამშვიდობო საკითხებზე. ვორქშოფზე ახალგაზრდებმა მოისმინეს და განიხილეს ეთნიკურად ქართველი და აფხაზი ადამიანების ბიოგრაფიული ინტერვიუები. ინტერვიუებში რესპონდენტები, რომლებიც საუბრობენ 90-იანი წლების შეიარაღებული კონფლიქტების შესახებ, ყვებიან საკუთარი თვალით დანახული მოვლენების, პირადი ემოციებისა და აღქმების შესახებ.

მცხეთის მუნიციპალიტეტის მერიაში ევროპული ინტეგრაციის საკითხებზე შეხვედრა გაიმართა 14 თებერვალს, მცხეთის მუნიციპალიტეტის მერიაში საქართველოს ევროპული ინტეგრაციის საკითხებზე ადგილობრივი თვითმმართველობების წარმომადგენლებთან საინფორმაციო შეხვედრა გაიმართა.

მცხეთის მუნიციპალიტეტის სკოლამდელი აღზრდის დაწესებულებათა გაერთიანების საბავშვო ბაღების თანამშრომლებისთვის ორგანიზაცია "MAC Georgia"-ს მხარდაჭერით გაიმართა ტრენინგი -„სპეციალური საგანმანათლებლო საჭიროებები“.

8 თებერვალს მცხეთის მუნიციპალიტეტის კულტურისა და განათლების მულტიფუნქციური ცენტრის ორგანიზებით, რეაბილიტირებული ნატახტრის კულტურის სახლისა და ვაჟა-ფშაველას სახელობის ბიბლიოთეკის საზეიმო გახსნა გაიმართა