✔მცხეთის მუნიციპალიტეტის სოფლებში, საქართველოს რეგიონებში განსახორციელებელი პროექტების ფონდიდან, სოფლის მხარდაჭერის პროგრამის ფარგლებში 2020 წელს განსახორციელებელი პროექტების შერჩევის მიზნით, საერთო კრები გაიმართება

საქართველოს კულტურული მემკვიდრეობის დაცვის ეროვნული სააგენტოს მცხეთის არქეოლოგიური მუზეუმი 2020 წლიდან ახალ შენობაში განთავსდება. ძველი კინოთეატრის შენობის ბაზაზე, ახალი, თანამედროვე სტანდარტების არქეოლოგიური მუზეუმის მშენებლობა მიმდინარეობს.

 მცხეთაში, პირველ საჯარო სკოლასთან არსებული ხელოვნურსაფარიანი სპორტული მოედნის რეაბილიტაცია დასრულდა, რომლის სარეაბილიტაციო სამუშაოებისთვის თანხა მცხეთის მუნიციპალიტეტის მერიის ბიუჯეტიდან გამოიყო. სამუშაოების ფარგლებში შეიცვალა მოედნის ხელოვნური საფარი. თანამედროვე სტანდარტებით მოწყობილი მოედანი განკუთვნილია, როგორც ფეხბურთის, ასევე, კალათბურთის სათამაშოდ და აღჭურვილია შესაბამისი ინვენტარით

2019 წელს მცხეთის მუნიციპალიტეტში, გაიხსნა თანამედროვე სტანდარტების შესაბამისი საბავშვო ბაღი სოფელ ნატახტარში. დასრულდა ბაღის მშენებლობა და ეზოს კეთილმოწყობა ფრეზეთის დევნილთა დასახლებაშიც. მუნიციპალიტეტის მასშტაბით 8 საჯარო სკოლას რეაბილიტაცია ჩაუტარდა.

14 იანვარს, ღვაწლმოსილი პედაგოგებისათვის, მცხეთა-მთიანეთის სახელმწიფო რწმუნებულის ადმინისტრაციის ინიციატივით, მცხეთის მუნიციპალიტეტის მერიისა და კულტურისა და განათლების მულტიფუნქციური ცენტრის ორგანიზებით, გამოსამშვიდობებელი ღონისძიება გაიმართა.

14 იანვარს, საქართველოში სახელმწიფო დროშის დღე აღინიშნება.

მცხეთის მუნიციპალიტეტში მცხოვრებ 250-მდე შეჭირვებულ ოჯახს საახალწლოდ სასურსათო ნაკრები და ტკბილეული გადაეცათ.

25 დეკემბერი საქართველოს კათოლიკოს-პატრიარქის, უწმინდესისა და უნეტარესის, ილია მეორის აღსაყდრების დღეა. ამასთან დაკავშირებით სადღესასწაულო საღმთო ლიტურგია სვეტიცხოვლის საკათედრო ტაძარში შესრულდა, სადაც მისი აღსაყდრებიდან 42 წლისთავთან დაკავშირებული საზეიმო წირვა ჩატარდა.

სოფელ წილკანში, სასაფლაოსკენ მისასვლელი გზის რეაბილიტაცია დასრულდა, რომელიც მცხეთის მუნიციპალიტეტის მერიის კონტრაქტორმა კომპანიამ შპს ,,ენ დი როუდი“ შეასრულა. პროექტის ფარგლებში, რომელიც ადგილობრივი ბიუჯეტიდან დაფინანსდა 263 600 ლარის სახელშეკრულებლო თანხით, მოასფალტდა ერთ კილომეტრამდე გზის მონაკვეთი, მოეწყო მიერთებები და მოსახლეობის ეზოებში შესასვლელები.

18 დეკემბერს, მცხეთის მუნიციპალიტეტის მერიაში გაიმართა შეხვედრა უკრაინელ სტუმრებთან თემაზე: ,,რეფორმები ჯანდაცვისა და სოციალური დაცვის სფეროში, საჯარო შესყიდვების გამჭვირვალობის ხელშეწყობა მედიცინაში: საქართველოს გამოცდილების გაზიარება". შეხვედრის მიზანს წარმოადგენდა უკრაინის აღმოსავლეთ ნაწილში ადგილობრივი მმართველობის რეფორმების მხარდასაჭერად, მცხეთის მერიის სოციალური და ჯანდაცვის სამსახურის მიერ შემუშავებული სოციალური პროგრამისა და სამუშაო გამოცდილების გაზიარება მოსახლეობისთვის ხარისხიანი საჯარო სერვისების უხრუნველსაყოფად. გაეროს განვითარების პროგრამის ფარგლებში, სასწავლო ვიზიტით გამართულ შეხვედრას ესწრებოდნენ მცხეთის მუნიციპალიტეტის მერიის სოციალური და ჯანდაცვის სამსახურის უფროსი ნინო ჭიჭინაძე, აღნიშნული სამსახურის განყოფილებების ხელმძღვანელები, თანამშრომლები და დონეცკისა და ლუგანსკის ოლქების სამედიცინო დაწესებულების, ადგილობრივი თვითმმართველობისა და სოციალური მომსახურების სფეროში დასაქმებული პირები.