დღეს წილკანში ქართველი გმირის არჩილ ტატუნაშვილის სახელობის სკვერი გაიხსნა.სკვერის გახსნას ტატუნაშვილის ოჯახის წევრები და მეგობრები დაესწრნენ. წილკანში იმყოფებოდნენ საქართველოს პრემიერ-მინისტრი გიორგი გახარია, შერიგებისა და თანასწორობის საკითხებში სახელმწიფო მინისტრი ქეთევან ციხელაშვილი და პრემიერ-მინისტრის მრჩეველი სოზარ სუბარი, ასევე, მცხეთა-მთიანეთის მხარის რწმუნებული შალვა კერესელიძე, მცხეთის მაჟორიტარი დეპუტატი დიმიტრი ხუნდაძე, მცხეთის მერი გიორგი კაპანაძე და მოადგილეები გივი გიუტაშვილი და ოთარ ჩხეიძე.არჩილ ტატუნაშვილის მკვლელობიდან დღეს ორი წელი გავიდა. იგი 2018 წლის 22 თებერვალს ოკუპირებულ ახალგორში უკანონოდ დააკავეს, რის შემდეგაც ოკუპირებულ ცხინვალში გარდაიცვალა. ოკუპირებული ცხინვალის დე ფაქტო ხელისუფლება ცხედრის ოჯახისთვის გადაცემას თითქმის ერთი თვის განმავლობაში აჭიანურებდა. ამ პერიოდის განმავლობაში, არჩილ ტატუნაშვილის საქმესთან დაკავშირებით შესაბამისი სახელმწიფო უწყებები და საერთაშორისო პარტნიორები ინტენსიურად მუშაობდნენ. არჩილ ტატუნაშვილის ცხედარი ოკუპირებული ცხინვალიდან 20 მარტს გადმოასვენეს და 24 მარტს მუხათგვერდის ძმათა სასაფლაოზე სამხედრო პატივით დაკრძალეს. იგი გარდაცვალების შემდეგ ღირსების ორდენით დაჯილდოვდა

„ინიციატივა სოციალური ცვლილებებისთვის“ (ISC) დაიწყო პროექტი "გენდერული თანასწორობის საბჭოების გაძლიერება ქალთა რეპროდუქციული და სექსუალური ჯანმრთელობის საკითხებზე", რომლის მიზანია მუნიციპალურ დონეზე არსებული გენდერული თანასწორობის საბჭოების წევრთა პროფესიული შესაძლებლობების გაძლიერება გენდერულად მგრძნობიარე პოლიტიკისა და პროგრამების ხელშესაწყობად. 20-21 თებერვალს, მცხეთის მუნიციპალიტეტში, გენდერული თანასწორობის საბჭოს წევრებთან ორგანიზაცია „ინიციატივა სოციალური ცვლილებებისთვის“ მიერ 2 დღიანი ტრენინგი ჩატარდა

19 თებერვალს, ბერჰოფის ფონდის ორგანიზებით და მცხეთის მერიის მხარდაჭერით გაიმართა ვორქშოფი სამშვიდობო საკითხებზე. ვორქშოფზე ახალგაზრდებმა მოისმინეს და განიხილეს ეთნიკურად ქართველი და აფხაზი ადამიანების ბიოგრაფიული ინტერვიუები. ინტერვიუებში რესპონდენტები, რომლებიც საუბრობენ 90-იანი წლების შეიარაღებული კონფლიქტების შესახებ, ყვებიან საკუთარი თვალით დანახული მოვლენების, პირადი ემოციებისა და აღქმების შესახებ.

მცხეთის მუნიციპალიტეტის მერიაში ევროპული ინტეგრაციის საკითხებზე შეხვედრა გაიმართა 14 თებერვალს, მცხეთის მუნიციპალიტეტის მერიაში საქართველოს ევროპული ინტეგრაციის საკითხებზე ადგილობრივი თვითმმართველობების წარმომადგენლებთან საინფორმაციო შეხვედრა გაიმართა.

მცხეთის მუნიციპალიტეტის სკოლამდელი აღზრდის დაწესებულებათა გაერთიანების საბავშვო ბაღების თანამშრომლებისთვის ორგანიზაცია "MAC Georgia"-ს მხარდაჭერით გაიმართა ტრენინგი -„სპეციალური საგანმანათლებლო საჭიროებები“.

8 თებერვალს მცხეთის მუნიციპალიტეტის კულტურისა და განათლების მულტიფუნქციური ცენტრის ორგანიზებით, რეაბილიტირებული ნატახტრის კულტურის სახლისა და ვაჟა-ფშაველას სახელობის ბიბლიოთეკის საზეიმო გახსნა გაიმართა

მცხეთის მუნიციპალიტეტის სოფლებში, რეგიონებში განსახორციელებელი ,,სოფლის მხარდაჭერის პროგრამის“ ფარგლებში, პრიორიტეტული პროექტების შესარჩევად საერთო კრებები და მოსახლეობასთან კონსულტაციები დასრულდა.

მცხეთის მუნიციპალიტეტის სოფლებში, რეგიონებში განსახორციელებელი ,,სოფლის მხარდაჭერის პროგრამის“ ფარგლებში, პრიორიტეტული პროექტების შესარჩევად საერთო კრებები და მოსახლეობასთან კონსულტაციები ეტაპობრივად, თითქმის ყველა ადმინისტრაციული ერთეული სოფელში ჩატარდა ცხვარიჭამიის ადმინისტრაციული ერთეული გარდა, სადაც აღნიშნული შეხვედრები დღეს იმართება.

31 იანვარს , მცხეთის მუნიციპალიტეტში, რეგიონებში განსახორციელებელი სოფლის მხარდაჭერის პროგრამის ფარგლებში, პრიორიტეტული პროექტების შესარჩევად საერთო კრებები და მოსახლეობასთან კონსულტაციები საგურამოს ადმინისტრაციული ერთეულის სოფლებში ჩატარდა. შეხვედრას სამუშაო ჯგუფის თავმჯდომარე და მერის მოადგილე ოთარ ჩხეიძე, მერის წარმომადგენელი ადმინისტრაციულ ერთეულში, სამუშაო ჯგუფის წევრები და დეპუტატები ესწრებოდნენ. 2020 წელს მცხეთის მუნიციპალიტეტის სოფლებისთვის განსაზღვრული თანხა 836 000 ლარია. ადგილობრივმა მოსახლეობამ პრიორიტეტულ, სასურველ პროექტებს მხარი ხმათა უმრავლესობით დაუჭირა: შანკევანი - გარე განათება, არაშენდა - სასმელი წყლის ხარისხის გაუმჯობესების მიზნით სათავე ნაგებობის რეაბილიტაცია, ახალსოფელი - სასმელი წყლის ნაგებობის რეაბილიტაცია, საგურამო - გარე განათება, სოფლის მხარდაჭერის სახელმწიფო პროგრამას საქართველოს რეგიონული განვითარებისა და ინფრასტრუქტურის სამინისტრო ახორციელებს. პროგრამის ფარგლებში, მცხეთის მუნიციპალიტეტში საერთო კრებები, რამდენიმე დღეა აქტიურ რეჟიმში, გემიურად მიმდინარეობს. მოსახლეობასთან შეხვედრები მცხეთის მუნიციპალიტეტის სოფლებში 23 იანვარს დაიწყო და 5 თებერვლამდე დასრულდება

31 იანვარს, მცხეთის მუნიციპალიტეტის მერმა გიორგი კაპანაძემ, ა(ა)იპ სხვადასხვა სახეობის მცხეთის სასპორტო სკოლის ორგანიზებით გამართულ სპორტსმენების დაჯილდოვების ცერემონიაში მიიღო მონაწილეობა , სადაც 2019 წლის საუკეთესო შედეგების მქონე სპორტსმენები დააჯილდოვა, რომლებმაც სპორტის განვითარება-პოპულარიზაციაში განსაკუთრებული წვლილი შეიტანეს.

საქართველოს რეგიონებში განსახორციელებელი პროექტების ფონდიდან, სოფლის მხარდაჭერის პროგრამის ფარგლებში, 2020 წელს მცხეთის მუნიციპალიტეტისთვის 836 000 ლარია გამოყოფილი, რომელიც მუნიციპალიტეტის 65 სოფელზე მოსახლეობის რაოდენობით გადანაწილდა. აღნიშნული სახელმწიფო პროგრამა სოფლის ტიპის დასახლებების ინფრასტრუქტურულ კეთილმოწყობას ისახავს მიზნად.განსახორციელებელი პრიორიტეტული პროექტების შესარჩევად, მოსახლეობასთან კონსულტაციები რამდენიმე სოფელში უკვე ჩატარდა. ეტაპობრივად დარჩენილ სოფლებშიც გაიმართება შეხვედრები

29 იანვარს, მცხეთის მუნიციპალიტეტში, რეგიონებში განსახორციელებელი სოფლის მხარდაჭერის პროგრამის ფარგლებში, პრიორიტეტული პროექტების შესარჩევად საერთო კრებები და მოსახლეობასთან კონსულტაციები ამჯერად, ნიჩბისისა და ნავდარაანთკარის ადმინისტრაციული ერთეულების სოფლებში ჩატარდა.