2019 წლის 9 ნოემბერს სოფელ მუხრანში სამოყვარულო ფეხბურთში გაიმართა „ მოყვარულთა თასი“-ის ფლეიოფის გათამაშება, სადაც მცხეთის „მცხეთამ“-მ უმასპინძლა ქარელის გუნდ „გიგანტს“ და სძლია დიდი ანგარიშით 8:4 ხოლო 13 ნოემბერს გადამწყვეტ თამაშში მცხეთის „მცხეთამ“-მ სტუმრად ქარელის გუნდი „ფრონე“ დაამარცხა ანგარიშით 4:1.

სოფლის მხარდაჭერის პროგრამის ფარგლებში, გალავნის ადმინისტრაციული ერთეულისთვის, მოსახლეობის რაოდენობის მიხედვით გამოყოფილმა ერთიანმა თანხამ 48 000 ლარი შეადგინა.

ფონდ „ქართუს“ დაფინანსებით, საგურამოში დავით გურამიშვილის ძეგლი და რეაბილიტირებული სკვერი გაიხსნა. ორ ჰექტარზე გაშენებულ სკვერში მოეწყო საბავშვო სივრცე, ამფითეატრი და სათამაშო მოედანი.

8 ნოემბერს, საგურამოს სახელმწიფო მუზეუმში, ქართველი მწერლის, პუბლიცისტისა და საზოგადო მოღვაწის - ილია ჭავჭავაძის დაბადებიდან 182 წელი აღინიშნა. წელს, უკვე მეჩვიდმეტედ გაიცა ილია ჭავჭავაძის საგურამოს სახელმწიფო მუზეუმისა და „ილიას ფონდის“ თაოსნობით დაარსებული პრემია „საგურამო“ და ილიას მედალი „მარად და ყველგან საქართველოვ, მე ვარ შენთანა“.

სოფელ მუხათგვერდში სკვერის გაშენებისა და კეთილმოწყობის სამუშაოები დასრულდა, რომელიც ,,სოფლის მხარდაჭერის“ პროგრამის ფარგლებში რეგიონული განვითარებისა და ინფრასტრუქტურის სამინისტროს რეგიონებში განსახორციელებელი პროექტების ფონდიდან დაფინანსდა.

მცხეთის მუნიციპალიტეტის სოფელ გალავანში სკვერის კეთილმოწყობის სამუშაოები დასრულდა. სკვერში მოეწყო საბავშვო გასართობი მოედანი ატრაქციონებით, კომფორტული მოსასვენებელი სკამები, დამონტაჟდება სავარჯიშო ტრენაჟორები, დეკორატიული სანათები, ურნები. სკვერის ტერიტორია სხვადასხვა სახეობის ხე-მცენარითა და ბუჩქით გამწვანდა.

გალავანში, სოფლის მოსახლეობისთვის სასმელი წყლის უკეთ მიწოდების მიზნით, ახალი 200 მ სიღრმის ჭაბურღილი გაკეთდა. მიმდინარეობს ავზის მოწყობის სამუშაოები, რომლის დასრულების მერე ახლად მოწყობილი სისტემა სოფელში არსებულ სასმელი წყლის სისტემას დაუერთდება და წყლის მიწოდების დებეტი გაიზრდება.

საქართველოს მთავრობის განკარგულების შესაბამისად „სოფლის მხარდაჭერის პროგრამის“ ფარგლებში მცხეთის მუნიციპალიტეტისთვის გამოყოფილი თანხა 836 000 ლარია, რომელიც მოსახლეობის რაოდენობის მიხედვით ადმინისტრაციულ ერთეულებზე გადანაწილდა.

სოფელ ბიწმენდში ჭაბურღილის მოწყობა და სასმელი წყლის სისტემის სარეაბილიტაციო სამუშაოები დასრულდა, რომელიც სისაურების უბანს სასმელი წყლის მიწოდებით უზრუნველყოფს.

წინამძღვრიანთკარში, იძულებით გადაადგილებულ პირთა დასახლებაში მიმავალი გზის რეაბილიტაცია მიმდინარეობს. მოიხრეშა ორ კილომეტრამდე გზა და გარკვეულ მონაკვეთზე, სადაც ავტომობილებს ნალექიან ამინდებში გადაადგილება უძნელდებათ, იგება 6 000 კუბური მეტრის ბეტონის საფარი.

მცხეთის მუნიციპალიტეტის სამ სოფელში: წილკანში, ნიჩბისსა და გალავანში ამბულატორიების სრული რეაბილიტაცია მიმდინარეობს. აღნიშნული ინფრასტრუქტურული პროექტების განხორციელების ძირითად მიზანს მოსახლეობის სამედიცინო მომსახურებაზე ხელმისაწვდომობის ზრდა წარმოადგენს.

მცხეთის მუნიციპალიტეტის სოფელ ნატახტარში კულტურის სახლის რეაბილიტაცია დასრულდა, რომლის სამშენებლო სამუშაოები რეგიონული განვითარების ფონდისა და ადგილობრივი ბიუჯეტის თანადაფინანსებით განხორციელდა.