სოფელ მისაქციელის საჯარო სკოლაში არსებულ სხვადასხვა სახეობის მცხეთის სასპორტო სკოლის კალათბურთის ჯგუფს, ახლადშექმნილი მცხეთა-მთიანეთის კალათბურთის ფედერაციის სახელით, კალათბურთის ეროვნული ფედერაციის ვიცე-პრეზიდენტმა, ნიკოლოზ ცქიტიშვილმა და რეგიონული განვითარების დეპარტამენტის ხელმძღვანელებმა სხვადასხვა საკალათბურთო ინვენტარი გადასცეს. ღონისძიებას მცხეთის მუნიციპალიტეტის მერიის სპორტისა და ახალგაზრდული განყოფილების ხელმძღვანელი თამაზ გრძელიშვილი და აიპ სხვადასხვა სახეობის მცხეთის სასპორტო სკოლის ხელმძღვანელი ივანე რთველიაშვილი ესწრებოდნენ. კალათბურთის განვითარების პროექტის ფარგლებში რეგიონებისთვის გადაცემული ინვენტარი, სადაც აქტიურად მიმდინარეობს საკალათბურთო სექციების მუშაობ, კიდევ უფრო გააფართოებს და ხელს შეუწუონს მათ საქმიანობას.

25 მაისს, მცხეთის მუნიციპალიტეტის მერიასა და კულდიგის რაიონულ საბჭოს შორის ურთიერთთანამშრომლობის მემორანდუმი გაფორმდა.

26 მაისს, საქართველოს მთავრობის ადმინისტრაციის, ღვინის ეროვნული სააგენტოს და მცხეთის მუნიციპალიტეტის მერიის ორგანიზებით, მცხეთაში, ცენტრალურ მოედანზე, საზეიმო ღონისძიებები მიმდინარეობს.

მცხეთის მუნიციპალიტეტში, საქართველოს ბავშვთა და სასკოლო სპორტის ეროვნული ფედერაციის ეგიდით და მცხეთის მუნიციპლიტეტის მერიის სპორტისა და ახალგაზრდულ საქმეთა განყოფილების მხარდაჭერით, 9 აპრილიდან 26 მაისის ჩათვლით ,,თავისუფლების თამაშები- 2024" მიმდინარეობს. მასში მუნიპალიტეტის სააჯარო სკოლის მოსწავლეები მონაწილეობენ. ასპარეზობები სპორტის 11 სახეობაში მიმდინარეობს: კალათბურთი, ფეხბურთი, ცურვა, ჭიდაობა, ველოსპორტი, ჭადრაკი, მაგიდის ჩოგბურთი, ნიჩბოსნობა და ფრენბურთი.

საქართველოს მთავრობის ადმინისტრაციის, ღვინის ეროვნული სააგენტოს და მცხეთის მუნიციპალიტეტის მერიის ორგანიზებით, მცხეთაში, ცენტრალურ მოედანზე, გაიმართება საზეიმო ღონისძიებები. ერთად ვიზეიმოთ საქართველოს დამოუკიდებლობის დღე!

მცხეთის მუნიციპალიტეტის სოფელ წილკანში წყალმომარაგების ჭაბურღილების, სატუმბი სადგურის, რეზერვუარების და მილსადენების მოწყობის სამუშაოები მიმდინარეობს.

დღეს, მეთორმეტე კლასელებისათვის ერთ-ერთი მნიშვნელოვანი დღეა - ბოლო ზარი. მცხეთის მუნიციპალიტეტის მერია ულოცავს ყველა სკოლა დამთავრებულ მოსწავლეს ცხოვრების ახალ ეტაპზე გადასვლას, უსურვებს წინსვლას , ნათელ მომავალს და წარმატებას ჩვენი ქვეყნის სასიკეთოდ. "გილოცავთ მე-12 კლასელებო ბოლო ზარს. თქვენს ცხოვრებაში სრულიად ახალი და მეტად საინტერესო ეტაპი იწყება. მჯერა, რომ თითოეული თქვენგანი ასახელებთ ოჯახს, სკოლას და ჩვენს ქვეყანას" - დიმიტრი ზურაბიშვილი მცხეთის მუნიციპალიტეტის მერი

ქალაქ მცხეთაში, ოჯახის სიწმინდის დღესთან დაკავშირებით, უწმინდესისა და უნეტარესის, სრულიად საქართველოს კათოლიკოს-პატრიარქის ილია II-ის ლოცვა-კურთხევით, მსვლელობა გაიმართა. მცხეთა-მთიანეთის რეგიონში შემავალი ოთხივე მუნიციპალიტეტის მოსახლეობა, თვითმმართველობასთან და სასულიერო პირებთან ერთად, თეატრონის მიმდებარე ტერიტორიაზე 12:00 საათზე შეიკრიბა, რის შემდეგაც საზეიმო მსვლელობით სვეტიცხოვლის საკათედრო ტაძრამდე გაემართა. მსვლელობაში საქართველოს პარლამენტის წევრი დიმიტრი ხუნდაძე, მცხეთა-მთიანეთის მხარის სახელმწიფო რწმუნებული დავით ნოზაძე, მცხეთის მუნიციპალიტეტის მერი დიმიტრი ზურაბიშვილი მოადგილეებთან, მცხეთის საკრებულოს თავმჯდომარე გიორგი ელოშვილი მოადგილეებთან, ასევე, მცხეთა-მთიანეთის მხარის მუნიციპალიტეტების ხელმძღვანელი პირები - მერები, საკრებულოების თავმჯდომარეები და ადგილობრივი ხელისუფლების სხვა წარმომადგენლები მონაწილეობდნენ. მსვლელობის დასრულების შემდეგ სამღვდელოებამ სვეტიცხოველში სავედრებელი პარაკლისი გადაიხადა. შეგახსენებთ, რომ 17 მაისი ოჯახის სიწმინდისა და მშობლების პატივისცემის დღედ, სრულიად საქართველოს კათოლიკოს-პატრიარქის, უწმინდესისა და უნეტარესის, ილია II-ის ლოცვა-კურთხევით, 2014 წელს გამოცხადდა.

მცხეთის მუნიციპალიტეტის მერმა დიმიტრი ზურაბიშვილმა დეკანოზ მამა დავითთან ერთად, კულტურული ტურის ფარგლებში, იაპონიის ფინანსთა, ფინანსური სამსახურის მინისტრს სუზუკი შუნიჩისა და იაპონიის საგანგებო და სრულუფლებიან ელჩს საქართველოში, იშიძუკა ჰიდეკს უმასპინძლა და მცხეთის ისტორიული ძეგლები ჯვრის მონასტერი და სვეტიცხოვლის საკათედრო ტაძარი დაათვალიერებინა.

შიომღვიმის მიმდებარე ტერიტორიაზე, მცხეთის მუნიციპალიტეტის მერიის მიერ ხევის კალაპოტის გაწმენდითი სამუშაოები განხორციელდა. აღნიშნული ხევიდან წვიმის შედეგად დაგროვილი მიწის მასა მთლიანად გატანილია, რათა კალაპოტმა დაუბრკოლებლად გაატაროს შემდგომი ნაკადი.

9 მაისი - ფაშიზმზე გამარჯვების დღე. მეორე მსოფლიო ომის დასრულებიდან 79 წელი გავიდა. ომში საქართველოდან 700 000 ადამიანი წავიდა, აქედან ნახევარი სამშობლოში აღარ დაბრუნებულა.

ევროპის კვირეულთან დაკავშირებით, მცხეთის ქუჩები საქართველოსა და ევროკავშირის დროშებით მოირთო. #ღირსებითევროპისკენ