დღეს, მცხეთის მუნიციპალიტეტის მერმა, დიმიტრი ზურაბიშვილმა, პირველ მოადგილესთან გივი გიუტაშვილთან და მოადგილესთან გიორგი ბაჯაძესთან ერთად, სამუშაო შეხვედრა გამართა. თათბირს მერიის სამსახურებისა და განყოფილებების უფროსები, მუნიციპალური ა(ა)იპ-ების ხელმძღვანელები ესწრებოდნენ. სამუშაო შეხვედრაზე განისაზღვრა მომავალში განსახორციელებელი სამუშაოები, საუბარი შეეხო ინფრასტრუქტურულ, სოციალურ, ტურისტულ სფეროებში დაგეგმილ პროექტებს და ახალ ინიციატივებს. ყურადღება გამახვილდა სტიქიით გამოწვეული პრობლემების მოგვარებაზე და ზედამხედველობის სამსახურის დაგეგმილ აქტივობებზე. მცხეთის მერმა, მოისმინა სამსახურის ხელმძღვანელების მიერ წარმოდგენილი ინფორმაცია შესრულებული და დაგეგმილი სამუშაოების შესახებ და პრობლემურ საკითხებზე დროული რეაგირების მიზნით, შესაბამისი რეკომენდაციები გასცა.

სასკოლო ოლიმპიადის აღმოსავლეთ საქართველოს გამარჯვებული მცხეთის პირველი საჯარო სკოლის ფეხბურთელ ვაჟთა გუნდი გახდა. გამარჯვებულებს მშობლიურმა სკოლამ საზეიმო დახვედრა მოუწყო.

5 ივნისს, მცხეთის მუნიციპალიტეტის მერიის სამედიცინო და სოციალურ საკითხთა კომისიის სხდომა გაიმართა, რომელსაც კომისიის თავმჯდომარე თამაზ ფოლოდაშვილი უძღვებოდა. სხდომაზე, თამაზ ფოლოდაშვილმა, კომისიის წევრებთან ერთად მოქალაქეთა განცხადებები განიხილა.

მცხეთის მუნიციპალიტეტის მერის, დიმიტრი ზურაბიშვილის ინიციატივით, ახალგორის მუნიციპალიტეტის საკონფერენციო დარბაზში, სამუშაო შეხვედრა გაიმართა, რომლის ძირითად მიზანს წარმოადგენდა დაზარალებულ მოსახლეობაზე ზრუნვა: სტიქიის შედეგად მიყენებული ზარალის აღრიცხვა, აღრიცხული დოკუმენტაციის გაფორმება და შესაბამის კომისიაზე გადაცემა.

მცხეთის მუნიციპალიტეტის მერი დიმიტრი ზურაბიშვილი, მოადგილეებთან გივი გიუტაშვილთან, გიორგი ბაჯაძესთან, მცხეთის საკრებულოს თავმჯდომარე გიორგი ელოშვილთან და ადგილობრივი ხელისუფლების წარმომადგენლებთან ერთად, მისაქციელში შიდა საუბნო გზის სარეაბილიტაციო სამუშაოების მიმდინარეობას ადგილზე გაეცნო.

1 ივნისს, მცხეთის ცენტრალურ სკვერში, ბავშვთა საერთაშორისო დღისადმი მიძღვნილ კვირეულის ფარგლებში, საბავშვო გასართობი აქტივობები გაიმართა: შოუ-პროგრამა, სახეზე მოხატვა, მცხეთის თოჯინების თეატრი, ზღაპრის გმირები და ანიმატორები.

აღმაშენებლის ქუჩაზე, მცხეთის შემოსასვლელში, პომპეუსის ხიდის მიმდებარედ, მტკვარზე გადასახედი მოედნის მოწყობა დასრულდა და მსურველებს შესაძლებლობა აქვთ მცხეთის დიდებული ხედებით დატკბნენ.

მცხეთის მუნიციპალიტეტის მერიაში, მუნიციპალიტეტის ტერიტორიაზე სტიქიის შედეგად მიყენებული ზარალის დამდგენი კომისიის სხდომა გაიმართა. სხდომაზე მცხეთის მუნიციპალიტეტის მერმა დიმიტრი ზურაბიშვილმა, 25 მაისს ქალაქ მცხეთასა და მცხეთის მუნიციპალიტეტის სოფლებში უხვი ნალექის შედეგად მიყენებული ზიანის შესახებ ინფორმაცია მოისმინა.

მცხეთის მუნიციპალიტეტის მერიისა და ახალგორის მუნიციპალიტეტის გამგეობის პირველმა პირებმა, სხვადასხვა სამსახურის წარმომადგენლებთან ერთად სამუშაო შეხვედრა გამართეს. მხარეებმა დეტალურად განიხილეს წეროვანის დევნილთა დასახლებაში მომხდარი სტიქიის შედეგები, განხორციელებული და გასატარებელი სალიკვიდაციო ღონისძიებები.

საქართველოს ენერგეტიკისა და წყალმომარაგების მარეგულირებელ ეროვნულ კომისიასთან (სემეკ) არსებული ენერგეტიკის სასწავლო ცენტრის პროექტის - „ელექტროენერგიის გზა დაბადებიდან ჩვენამდე“ ფარგლებში, ქ. მცხეთისა და მცხეთის მუნიციპალიტეტის სოფლების - მუხრანის, ახალდაბის და წეროვანის საჯარო სკოლების მოსწავლეების მიერ ენერგეტიკის თემატიკაზე შექმნილი ნამუშევრების გამოფენა-კონკურსი გაიმართა, სადაც გამარჯვებულები გამოვლინდნენ.

საქართველოს ინტეგრირებული ტერიტორიული განვითარების პროგრამა 2024-2026“-თან დაკავშირებით, მცხეთაში სამუშაო შეხვედრა გაიმართა. შეხვედრას საქართველოს რეგიონული განვითარებისა და ინფრასტრუქტურის მინისტრის მოადგილე - მზია გიორგობიანი, მცხეთა-მთიანეთისა და შიდა ქართლის სახელმწიფო რწმუნებულები - დავით ნოზაძე და ლევან ხარაბაძე, რეგიონული და მთის განვითარების დეპარტამენტის უფროსი - გიორგი დიდიძე და მუნიციპალიტეტების მერები ესწრებოდნენ.

მცხეთის მუნიციპალიტეტის კულტურისა და განათლების მულტიფუნქციური ცენტრის მიერ ორგანიზებული 1 ივნისის ბავშვთა დაცვის საერთაშორისო დღისადმი მიძღვნილი კვირეულის ღონისძიებათა პ რ ო გ რ ა მ ა 1 ივნისი - 12:00 სთ - 16:00 სთ - საბავშვო გასართობი აქტივობები: შოუ-პროგრამა, სახეზე მოხატვა, მცხეთის თოჯინების თეატრი, ზღაპრის გმირები, ანიმატორები. (მცხეთის ცენტრალური სკვერი). 2 ივნისი - 14:00 სთ - ქსოვრისის აკაკი წერეთლის სახელობის ბიბლიოთეკის ბავშვთა საერთაშორისო დღისადმი მიძღვნილი ღონისძიება. 3 ივნისი - 12:00 სთ - მცხეთის მაყვალა მრევლიშვილის სახელობის საბავშვო ბიბლიოთეკის გასვლითი ღონისძიება მცხეთის მუნიციპალიტეტის საბავშვო ბაღებში. 3 ივნისი - 12:00 სთ. ქსნის ზვიად გამსახურდიას სახელობის ბიბლიოთეკა - ,,ჩვენ ვართ ბავშვები და ზეცაში ლურჯ ბურთებს ვისვრით’’ . 3 ივნისი - 14:00 სთ. ქსნის კულტურის სახლის ბავშვთა საერთაშორისო დღისადმი მიძღვნილი კონცერტი. 4 ივნისი - 17:00 სთ. - მცხეთის თოჯინების თეატრის პრემიერა - ,,ძია ჯამბაზი და თაგუნა მიციკი ‘’ (მცხეთის კულტურის ცენტრი) 5 ივნისი - 15:00 სთ. - ინტელექტუალურ/შემეცნებითი კონკურსი ,,ეტალონი’’ (მცხეთის კულტურის ცენტრი) 5 ივნისი - 17:00 სთ. მცხეთის ბავშვთს თეატრალური დასის (რეჟისორი ბესიკ ლომსაძე) სპექტაკლი - ,,ქაჯანა’’. (მცხეთის კულტურის ცენტრი) 6 ივნისი - 18:00 სთ. ცნობილი მომღერალ-შემსრულებლის ,,პანჩოს’’ (ლევან მგალობლიშვილი) სოლო კონცერტი. (მცხეთის კულტურის ცენტრი) 7 ივნისი - 14:00 სთ. ნატახტრის ვაჟა-ფშაველას სახელობის ბიბლიოთეკა, შემეცნებითი ღონისძიება - ,,ზღაპრის კალათა’’. 7 ივნისი - 15:00 სთ. - ნატახტრის კულტურის სახლის ბავშვთა საერთაშორისო დღისადმი მიძღვნილი ღონისძიება. გთხოვთ, გვეწვიოთ! დასწრება თავისუფალია