21 მარტს, მცხეთის მუნიციპალიტეტის მერი დიმიტრი ზურაბიშვილი აშშ-ის თავდაცვითი ურთიერთობების ორმხრივი თანამშრომლობის ოფიცერს, მაიორ ალეკ ჰარისონს, მის თანაშემწეს მარიამ კობახიძესა და სახელმწიფო ზრუნვის სააგენტოს ადმინისტრაციის უფროსს გეგა სადუნიშვილს შეხვდა.

მცხეთის მუნიციპალიტეტის მერმა დიმიტრი ზურაბიშვილმა, ადგილობრივი ხელისუფლების წარმომადგენლებთან ერთად, მუნიციპალიტეტში მცხოვრებ აზერბაიჯანელ თანამოქალაქეებს ნოვრუზ ბაირამის დღესასწაული მიულოცა.

20 მარტს, გალავანის კალათბურთის დარბაზში ჩატარდა მცხეთა-მთიანეთის რეგიონალური თამაშები კალათბურთში 3x3 -ზე გოგონათა და ვაჟთა კატეგორიაში. გოგონებში მონაწილეობას ღებულობდა მცხეთის, თიანეთის და დუშეთის მუნიციპალიტეტის სკოლის გუნდები, სადაც გამარჯვება მოიპოვა მცხეთის მუნიციპალიტეტის სოფელ ძეგვის საჯარო სკოლის გუნდმა. ხოლო, ვაჟებში მონაწილეობას ღებულობდა 4 გუნდი - მცხეთის, თიანეთის, დუშეთის და ახალგორის.

მცხეთის მუნიციპალიტეტის სოფელ ლისში შიდა საუბნო გზის რეაბილიტაციის სამუშაოები დასრულდა. სოფელ ლისში, 1 კილომეტრიანი საგზაო ინფრასტრუქტურის მოწყობა ასფალტ ბეტონის საფარით 2 მონაკვეთზე განხორციელდა.

მცხეთის მუნიციპალიტეტის სოფელ წეროვანში, იძულებით გადაადგილებულ პირთა დასახლებაში, შიდა საუბნო გზების ასფალტბეტონის საფარით მოწყობის სამუშაოები აქტიურად მიმდინარეობს.

მცხეთის მუნიციპალიტეტის მერიისგან 60 ახალი ნაგავშემკრები კონტეინერი ახალგორის მუნიციპალიტეტის სერვის-ცენტრს საჩუქრად გადაეცა. მცხეთის მუნიციპალიტეტის ა(ა)იპ კეთილმოწყობის სამსახურმა ნარჩენების ახალი, ევროსტანდარტების შესაბამისი კიდევ 550 ერთეული კონტეინერი შეიძინა, რომლებიც უახლოეს პერიოდში სხვადასხვა ლოკაციებზე განთავსდება.

მცხეთის მუნიციპალიტეტის მერის დიმიტრი ზურაბიშვილის ინიციატივით, მუნიციპალიტეტში მცხოვრებ მრავალშვილიან დედებს და უხუცეს ქალბატონებს 8 მარტი ადგილობრივი ხელისუფლების წარმომადგენლებმა მიულოცეს და საჩუქრები გადასცეს.

ცხეთის მუნიციპალიტეტის მერი დიმიტრი ზურაბიშვილი, მოადგილესთან გიორგი ბაჯაძესთან ერთად, მოქალაქეებს ინდივიდუალურად ხვდება. შეხვედრაზე მუნიციპალიტეტის მერი დეტალურად გაეცნო მოქალაქეების საჭიროებებს და შესაბამის სამსახურებს მათზე დროულ რეაგირება დაავალა. დიმიტრი ზურაბიშვილის განცხადებით, მსგავსი ფორმატის კომუნიკაცია, კიდევ უფრო მეტად ამარტივებს საზოგადოების წინაშე არსებული საჭიროებების გამოვლენას და შესაბამისი პროცესის ეფექტურად მართვას. შეგახსენებთ, რომ მცხეთის მუნიციპალიტეტის მერიაში მოქალაქეთა მიღება ხუთშაბათობით იმართება

სამუსიკო სკოლებში 50 წელია ინსტრუმენტების ფონდი არ განახლებულა, ადგილობრივი ბიუჯეტიდან მცხეთის მუნიციპალიტეტის მერიამ მუსიკალური ინსტრუმენტების შესაძენად  417 816 ლარი გამოყო. მუნიციპალიტეტში არსებული ყველა კულტურის სახლისთვის, სამუსიკო და ხელოვნების სკოლისთვის შეძენილ იქნა სრულიად ახალი, მაღალი ხარისხის ინსტრუმენტები:  აკუსტიკური და ციფრული ფორტეპიანო, ციფრული როიალი, ხალხური ფანდური და ბას ფანდური, სალამურები, დოლები, ელექტრო და ელექტრო აკუსტიკური გიტარები, ვიოლინოები, მიკროფონები, სცენის მონიტორები, დინამიკები, ასევე განათება-გახმოვანების სისტემები. ახალი მუსიკალური ინსტრუმენტები გადაეცათ მცხეთის დავით გამრეკელის სახელობის ხელოვნების სკოლას, მცხეთის კულტურის ცენტრს, საგურამოს დავით თორაძის სახელობის სამუსიკო სკოლას, ქსნის კულტურის სახლს, ქსნის სამუსიკო სკოლას, მუხრანის და ნატახტრის კულტურის სახლებს.ნატახტრის და მუხრანის კულტურის სახლებისთვის შეძენილ იქნა განათება-გახმოვანების სისტემები. „მჯერა, რომ სამუსიკო სკოლებში ახალი ინსტრუმენტების არსებობა ხელს შეუწყობს სასწავლო პროცესის უკეთ წარმართვას, მოსწავლეებში მოტივაციის ამაღლებას. ასევე,  სხვადასხვა მუსიკალური ღონისძიებების გამართულად და მაღალ დონეზე  ჩატარებას“ - დიმიტრი ზურაბიშვილი

მცხეთის მუნიციპალიტეტის სოფელ წეროვანში შიდა საუბნო გზების ასფალტ-ბეტონის საფარით მოწყობა აქტიურად მიმდინარეობს. სამუშაოების ღირებულება ნახევარ მილიონ ლარზე მეტს შეადგენს. პროექტით გათვალისწინებულია სანიაღვრე არხებისა და ეზოების შესასვლელების კეთილმოწყობა, ფეხით მოსიარულეთა უსაფრთხო სამოძრაო ზოლების მოწესრიგება და საავტომობილო გზის დახაზვა.

3 მარტს, დედის დღესთან დაკავშირებით, მცხეთის მუნიციპალიტეტის მერმა დიმიტრი ზურაბიშვილმა რუსული საოკუპაციო რეჟიმის სისასტიკისგან მსხვერპლ არჩილ ტატუნაშვილის დედას, დედის დღე მიულოცა და საჩუქარი გადასცა.

მცხეთის მუნიციპალიტეტის ა(ა)იპ კეთილმოწყობის სამსახურმა ნარჩენების ახალი, ევროსტანდარტების შესაბამისი კიდევ 550 ერთეული 1 100, 240 და 120 ლიტრიანი ნაგვის კონტეინერები შეიძინა, რომლებიც უახლოეს პერიოდში სხვადასხვა ლოკაციებზე განთავსდება.